Pälzer Gschichtle und Gedischte

ARD-Buffet alternativ
Verfügbare Informationen zu "Pälzer Gschichtle und Gedischte"

  • Qualität des Beitrags: 0 Sterne
  • Beteiligte Poster: krisi - Hospes - la-piccola - karin - tosa34 - Rheinperle - tobias
  • Forum: ARD-Buffet alternativ
  • aus dem Unterforum: Dies und Das
  • Antworten: 21
  • Forum gestartet am: Montag 19.06.2006
  • Sprache: deutsch
  • Link zum Originaltopic: Pälzer Gschichtle und Gedischte
  • Letzte Antwort: vor 15 Jahren, 4 Monaten, 23 Tagen, 7 Stunden, 44 Minuten
  • Alle Beiträge und Antworten zu "Pälzer Gschichtle und Gedischte"

    Re: Pälzer Gschichtle und Gedischte

    krisi - 13.10.2008, 09:15

    Pälzer Gschichtle und Gedischte
    Hallole, uf dere Seit will ich eich mehr oder wenischer Geschichtelscher oder Gedischte schreiwe. Des äne kummt aus de Zeitung und des annere hab ich aus eme Mundartbuch des vun ännere Frä selbscht gschriewe worre isch. Do gibts heiteres und besinnliches.

    So ich geh jetzt mol in die Ärwet.


    Liewe Grieß Krisi



    Re: Pälzer Gschichtle und Gedischte

    krisi - 13.10.2008, 10:20

    Beckekurt in Määnz
    Dienschtblaa ( en Vorschlaach )


    Jetzt sinn e paar Woche rum, seit de Beckekurt sein Fallrickzieher gemacht hot, un so richdisch reecht sich känner mä uff. Die SPD kann mit ihre Schääbabbler wieder wurschtle, ohne dass ihne en Pälzer Schaffer quer kummt, un mir hään widder en Vollzeitminischterbräsident. Der kann seine Minischder widder uff die Finger gugge, un große Hoffnung uff de schnelle Karrieresprung braucht sich vun dänne ach känner mä se mache. De Beckekurt will nämmlich bschdimmt noch e paar Johr de Landesvadder mache un sei rambonierdes Immitsch uffbolliere, jetzt, wu die schdresisch Zeit als SPD-Chef rum isch, wu er sich zwäämol am Dach im Fliecher zwischen Berlin un Määnz uff halwer Schtreckselwer begegnet isch. Un wann er jetzt grad in Määnz huggt un Langweil hot, glei mmol en Vorschlaach: Er kinnt als erschtes die Schulde zeehle, wu er in de letschte verzeeh Johr gemacht hot. Des deed a) e paar Woche dauere( er het Zeit fer e Neubesinnung) und b) es deet an sseim Gewisse kratze ( siehe a ). Dann kinnt er die gemoogelte Ganzdaachschuleim Land bsuche, wu die Kinner zwar de ganze Daach rumhogge, awwer blooß de halwe Daach kwalifiziert betreut weern. ( Fachleit redden schunn vun de Ahnen-Doktrin: Hauptsach, die Ganzdaachs-Quote stimmt, was in de Schul bassiert, isch schnurz). Doo de noch kinnt er bei de Bolizei vorbei gugge, weil dort die Leit nimmi wisse wu hie vor lauder Ärwet ( un vum Inneminischter griechen se verzehlt, sie wärn faule Pienser un sowieso viel zu viel). Un zum Schluß kinnt de Minischterbräsident emool kontrolliere, was sein Juschdizminischder de Daach iwwer schaaft, wann er nit graad halblegal Personal verschiebt. Un wann, fallt mer grad ei, hood`en eigentlich die Conrad es letschde mol was Baahbrechendes fer unser Umwelt gemacht?
    Alla! Willkumme, dehääm, Herr Beck! Lechense los!



    Re: Pälzer Gschichtle und Gedischte

    Hospes - 13.10.2008, 18:42

    Landespolitik
    Liebe Krisi,

    wie immer: einfach toll!

    Ich musste zweimal lesen. Hast Du wirklich Kurt Beck gemeint oder hast Du eine sehr treffende Darstellung eines flächenmäßig großen Bundeslandes im Süden der Republik geschrieben?

    Hospes



    Re: Pälzer Gschichtle und Gedischte

    krisi - 14.10.2008, 08:05


    Hallo Hospes,

    Ich habe wirklich den Kurt Beck gemeint. In der Pfalz wird so diese Ausdrucksweise benutzt wenn man über jemanden spricht. Z.B. Beckekurt, oder die Schmitt(e)hannelore usw. Ich muß dir gestehen das ich solche Geschichten auch 2 mal lesen muß bis ich es verstanden habe. Pälzisch redde und Pälzisch schreiwe sin zwää veschiedene Schuh.

    Liebe Grüße Krisi



    Re: Pälzer Gschichtle und Gedischte

    krisi - 14.10.2008, 13:21


    De Fedderweiße

    Jedes Johr – zur selwe Zeit-
    Wu mer sich uff`s Speetjohr vorbereit
    Vum Summer Abschied nimmt – ganz leise
    Esch die Geburt vum Fedderweiße

    In de Palz jed Johr e Fescht.
    Die Lähmebrie schmeckt S`allerbescht
    Do kann mer trinke wie a Loch
    Zich Schoppe er schmeckt immer noch.

    Fer Zwiwwlkuche un Fedderweiße
    Deet manscher sei beschtes Hemd verreise.
    Doch zu de Pälzer Keschde
    Schmeckt er immer noch am beschte.

    Bloß schad, de Fedderweiße lebt nit lang
    Er hot en triebhaft starke Gang
    Un in dere Kurze Faase
    Beingt er so Manschen schä ins Raase.

    De federweiße des Gesüff
    Käm nit soo äfach durch de Tüff.
    Er esch mit Vorsischt zu geniese,
    sunscht muß mer`s daachlang dann Büße.

    `s erscht greifen d`Händ zum Schoppeglas,
    en verführerischer Duft streicht in die Nas,
    un der benewelt de Verstand.
    Doch immer wierer greift die Hand.

    zum Glas mit triewer, gääler Brie.
    Sie laaft nit spurlos so dohie,
    die Bää in die die Brie geflosse
    du`n sich fascht nimmi lenke losse

    hän nimmi`s G`fühl gradeaus.
    De linke Fuß schlacht seitwärts aus
    Un will er vor en kurze Schritt
    Macht de anner Fuß schun nimmi mit.

    Im Kopp do speert mer e Gebrumm
    Als sausen Düsejächer rum.
    Die Ache die sich u`ruhich drehe
    Kin pletzlich alles doppelt sehe.

    Die Pupille werren weit
    Es fehlt e jedes G`fühl fer d`Zeit.
    In so äm Zustand esch `s kä Wunner,
    geh`n Sunn und Mond gemeinsam unner.
    Der Muskel der zum Lache reizt
    Der esch jetzt tüchtich a`geheizt
    `s Stimmungsbarometer steicht
    jetzt esch de Höhepunkt erreicht.

    De ganze Körper der fibriert,
    als ob mer`s Gleichgewicht verliert
    un es esch fascht nit zu gläwe
    pletzlich fangt mer aa zu schwewe

    es tritt e Schwerelose ei,
    des muß en Rausch vum Fedderweiße sei.


    diese Gedicht stammt aus einem Mundart Gedichtsbuch.

    Gruß Krisi



    Re: Pälzer Gschichtle und Gedischte

    la-piccola - 14.10.2008, 16:02


    Ein lustiges Gedicht, Krisi, und für mich auch ganz gut zu lesen...isch mag des Pälzerisch ganz gern.
    Aber mit dem Federweissen kann man mich nicht hinterm Herd vorlocken, schliesslich weiss ich, was da drin so kreucht und fleucht... :( . Wenn er dann mal vergoren ist, hat der Allohol ja alles desinfiziert, dann ist er wieder lecker, aber diese Brie kennt misch net entzücke...und in der Verbindung mit Zwiebelkuchen kann er auch ganz schön zum Spurten bringen...

    Ich bin auch grad am Weinen, ich hab 20 Zwiebeln geschält, weils heut abend Zwiebelkuchen gibt...mit ausgegorenem Roten dazu...



    Re: Pälzer Gschichtle und Gedischte

    karin - 15.10.2008, 17:10

    Pälzisch
    Kann nur sagen ..... ein ausserordentlich charmanter Dialekt, vielen Dank Krisi.

    Ich habe auch zweimal langsam gelesen aber dann doch verstanden.

    LG Karin :)

    P.S. Federweissen habe ich einmal in Stuttgart getrunken, es sollte aber bei diesem einen Mal bleiben.

    Zwiebelkuchen dagegen finde ich äusserst lecker.



    Re: Pälzer Gschichtle und Gedischte

    krisi - 19.10.2008, 19:54


    Balonksakt

    Achdung, Schpielschwamm

    Eikaafswaache? Brauch ich net. Ich will bloß ä Päggel Budder, en Beidel Milsch und ä Päggel Schpielschwämm hole. Die Schwämm gibt’s im Zwelferpack zum Preis vun zehne. Do muß ich zuschlache, ach wann fünf Pagede uschier zu drache sin. Wann ich se schä uffenanner stable du, kann ichse midd Owwer- un Unnerärm an moi Flanke drigge. Ich derf bloß net zu schnell laafe, dass net ausversehe de Arm se schlenkre afangt. Alla gut. Dann fang isch a die Päggelscher vum Boode uf, drigg se midem Arm noch ebissel feschder na mei Seit un es fünde Päggel wu sowieso zu viel war, kick ich u-uffällich unner die Palett mit Herreunnerwäsch. Zwääneuneneunzisch fer drei paar Herreunnerhose? Schwarz, weiß, blau?
    Mit Eigriff? Billischer geht’s net. Wann isch die Unnerhossepäggelscher noch unne nämm ( wie ä Baby uffem Arm ), kann ich die Spielschwämm owwedruff lesche, un wann ich dann middem Kobb e Schdiggel vor un noch unne geh, klemmt sich die Choose unnerm Kinn fesch dun ich habb als noch die rechte Hand frei – fer die Milsch. Wer nämlich de Vord`l raus hot, kann sich mit de iwwrische Hand drei Milschdudde schnabbe: Mer muß bloß uffem Rand vum Kiehlregal e Tirmsche baue un es dann vorsischtisch in die frei Hand un geche die Bruscht un Bauch falle losse – blooß net zu fescht, dass die Milsch net die Schpielschwämmelscher vun de Unnerhosse schießt. Dann muß ich blooß noch enner finne, wu mer bittschää, ä Päggel Budder uff die Milschdudde lechd. Des is net äfach. Weil mein Kobb unne bleiwe muß ( weche de Uffrechterhaltung vum Druck uff de Schpielschwämm ) un weil ich deswesche vun de annere Leit nix sähn außer die Fieß, un des noch zu schbäd. De Schambes sterzt ab und landt in ämme Eikääfswache. E Renterehepaar guggt mich scheel aa. Ich ginz wie ä Dreckschipp nochem putze. Awwer die Griwwlebisser loosen mich net emool de Waache schiewe helfe. Spießer!



    Re: Pälzer Gschichtle und Gedischte

    tosa34 - 19.10.2008, 20:12


    Das beschreibt mich, liebe Krisi, wenn ich versuche, zu viele Vorräte auf einmal aus dem Keller zu holen. Zum Glück gibt's da keine Zeugen.
    Der Dialekt macht Riesenspass, wenn ich auch die Geschichten mehrmals und manchmal laut lesen muss, ehe ich alles kapiere.
    Weiter damit!
    Lieben Gruß,
    Tosa.



    Re: Pälzer Gschichtle und Gedischte

    krisi - 19.10.2008, 20:19


    Hallo Tosa, hier habe ich nich einen für dich.

    BSCHÄFFDICHUNGSTHERABBIE


    Mein Dobbsball un ich


    Wann Se die Daache nix se du hän, Sie e bissel neie Wind in ihr Lääwe bringe wollen (un Sie guud krankeversicherd sinn), dann hawwich heit en Geheimtipp fer Se. Kaafen Se sich en Dobbsball un laafen Se durch die Stadt, am beschde mit zwää Kolleeche, wu genau so kinnisch sinn wie Sie. Sie wärrn merge: Es isch nix mä wie vorher. Kaum hänn Se es Bällsche in die Luft gschmisse fer"s uffdobbse se losse un es dann elegant se fange, geht"s rund. Die Stadt isch nämmlich nit glatt, sondern voller Blaschder, un nadierlich dobbst des Bällsche nit uff die Bladd, sondern in die Fuuch, un de Ball schießt im 90-Graad-Winkel genau uff drei junge Fraue zu, wu vun rechts ahnungslos uff uns zuschlabben. Dobbs, dobbs, änns gäbbt"s anner un ruckzuck renne mer zu fünft hinnerm Bällsche her, lachend un kreischend. Wann ämme jetzt in de Sinn keem, e bissel gschickt se sterze, wär die zwischemenschlich Kondaggduffnahm perfeggd - so ääfach hot vun uns seit 20 Johr känner mä e Fraa kennegelernt. Es braggdische Broblääm isch, dass mir vum Hinnerm-Ball-her-Renne dodaal die Bumb geht un mir außer „Maa-hain Baa-haaal!" nix Indelligenndes iwwer die Libbe kummt. Un de Kolleeche geht"s nit besser. De äänd licht im Rinnschdää, hebt sich de verknaggsde Knechel un pienst un gräggsd wie en CDU-ler nooch de Lannddachswahl; de anner knoddert un gnewwert, weil sei Händy beim Endschburt aus de Jaggedasch gfalle, in alle Äänzeldääle ausenannergebroche un die SIM-Kaad schnuurschdraggs in de Senkkaschde gerutscht isch. Ich, die Aache immer uffem Ball, griech vun alldämm blooß die Hälft mit, weil ich mit ämme Hechdschbrung iwwer die Keenichschdrooß unser Dobbserle vor de Kollision mit ämme Pageedlaschder rette muss.


    Bsuche kinn se mich (un mein Ball) noochmidaachs vun 4 bis 6 in de Uufallschirurgie, Zimmer 23.



    Re: Pälzer Gschichtle und Gedischte

    Rheinperle - 20.10.2008, 08:10


    Liebe Krisi,

    es isch so schee, wenn ma am Mondachmorsche so laut lache kann.

    Danke üwwer de Rhoi.

    Rhoiperlsche



    Re: Pälzer Gschichtle und Gedischte

    tosa34 - 20.10.2008, 18:29


    Ja, liebe Krisi, das ist wirklich schön!
    Nur das Wort Dobbsball bekomme ich nicht raus. D.h., ich weiss, was gemeint ist, aber was wäre das gleiche Wort, auf "Hochdeutsch" geschrieben?
    LG,
    Tosa.



    Re: Pälzer Gschichtle und Gedischte

    krisi - 22.10.2008, 11:33


    Hallo Tosa,

    Dobbsball ist eigentlich der Flummi, = ein kleiner Ball der aus Vollgummi besteht.
    Also nicht nur eine dünne Hülle aus Gummi sondern Vollgummi.

    Ich hoffe das ich dir damit helfen konnte.


    Liebe Grüße Krisi



    Re: Pälzer Gschichtle und Gedischte

    Hospes - 22.10.2008, 17:40

    Texte
    Liebe Krisi,

    herrlich, köstlich und manchmal etwas schwierig zu lesen und zu verstehen!
    Einfach schön.

    Danke

    Hospes

    PS.: Manchmal drängt sich mir der Eindruck auf, Du möchtest uns diese Fremdsprache beibringen ... :big_applaus



    Re: Pälzer Gschichtle und Gedischte

    karin - 22.10.2008, 18:46


    Krisi, ich kenne mich ja nicht so besonders gut in Dialekten aus, mir scheint jedoch, das euer pälzisch den 1. Preis in Originalität verdienen würde. Bitte lass uns weiter lachen und auch überlegen was dies oder jenes bedeuten könnte.

    Genau, Hospes, wir bekommen hier Unterricht in einer Fremdsprache!

    Vielen Dank Krisi

    LG Karin :)

    :big_applaus :big_applaus :big_applaus



    Re: Pälzer Gschichtle und Gedischte

    Rheinperle - 23.10.2008, 09:22


    Ja Karin und Hospes, ich habe sogar den Eindruck, dass der pälzische Dialekt bundesweit eingeführt werden soll, sozusagen als Zweitsprache. Vielleicht eine Beck´sche Kampagne.
    Also wir hier im Badischen machen bereits große Fortschritte. Ich verstehe inzwischen fast alles oder rate den Rest zwischen den Zeilen. Wie z.B. den Dobbsball. Ich hatte euch mal berichtet, dass wir hier insbesondere in Karlsruhe von Montag bis Freitag intensiv in Pälzischer Sprache geschult werden. Egal wo du hinkommst, beim Bäcker, Metzger, Suppermarkt, im Autohaus, in den Garten- und Baumärkten, ja selbst in den Behörden, die uns die Stuttgarter noch gelassen haben - überall Pälzerisch. Selbst bei uns im Gesangverein sind Pälzer. Du bist praktisch gezwungen, die Sprache zu erlernen, sonst gehst du hier unter.

    Rheinperle



    Re: Pälzer Gschichtle und Gedischte

    krisi - 31.10.2008, 16:05


    LIEBE UN IHRN PREIS


    In de Arm genumme


    Schreib mool was iwwer Liebe un ihrn Preis, hot"s ghääße, weil mer dänn Sunndaach e Schbezialausgaab zum Thema machen. Un jetzt hugg ich do un mir fallt nix annres ei wie der peinliche Witz, wu de Karl nooch zwannzich Johr zum erschde Mool freidaachoowends beim Kaartle gfehlt hot. „Ja, Karl, mir hänn de ganze Owwend uff dich gewaart, was waren los?" - „Saach ich nit." - „Du werscht uns doch vergliggre kinne, wu d" g"huggt bisch!" - „Nää, ich saach"s nit." - „Jetzt heeremool, Karl, mir hänn de ganze Oowend se dritt gekaartelt, des macht känn Schbass, do kannscht uns doch wenniggschdens e Stichwort gewwe!" - „Puff." Jetzt verschellden Se mer blooß nit de Frack, liewe Leser, weil der bleede Witz norre middem Preis un iwwerhaupt nix mit Liebe se duu hot. Awwer isch"s dann nit meischdens so im Lääwe: Mer griecht blooß die Hälft vunn dämm, was mer will? Schmedderlingscher in de Maachegeechend fliechen jo ach schneller widder fort, wie mer glaabt. Odder nit?


    Na ja. Ich hab noch emool noochgedenkt iwwer unser Schbezialthema. Ich brauch nit viel se saache, un sie wääß trotzdämm, was ich denk. Ää Hand find"t blind die anner, wammer im Wald schbaziern. Wann ich schbeeder schaffe geh, licht en Zeddel uff de Spielmaschin mit ämme schääne Gedanke fer mein Daach. Es gäbbt Kadoffelbrei un Sauerkraut, wann ich en schlimme Daach g"hatt habb, un sie fahrt sogar mit uff de Betze, wann ich e klää bissel bettel. Im unserm Gaarde bliehn es ganze Johr an alle Ecke Bliemelscher. Ich wärr vum Schaffe abg"holt, wann ich ferdich bin. In de Arm genumme. Aagelächelt. Liebgedriggt. Un ab un zu in de Senkel gschdellt, wann"s sei muss.


    Mool ehrlich: Es isch schunn recht, wie"s isch. Doodefor duu ich gern zwää Mool im Monat Raase meehe un nachts zwää kalde Fießelscher wärme ohne zuu lang se motze. Des isch en wirklich guude Preis fer die Liebe.

    Diesen liebenwerten Artikel habe ich am Sonntag in unserer Zeitung gelesen.

    PS.: Hatte fast 8 Tage mal wieder kein Internet.

    Liebe Grüße Krisi



    Re: Pälzer Gschichtle und Gedischte

    Rheinperle - 31.10.2008, 17:13


    Krisi, mir dun die Bauchmuschgle weh vor lauder lache. Bass nur uff, dass dich koiner uff de Betze entfiehrt in derre Hellowiennacht.

    Gruß Rhoiperl



    Re: Pälzer Gschichtle und Gedischte

    tobias - 01.11.2008, 06:25


    Eine schöne Geschichte, Krisi! Allerdings mußte ich mich bald mehr konzentrieren beim Lesen, als wenn ich einen englischen Text lese...

    Tobias



    Re: Pälzer Gschichtle und Gedischte

    karin - 03.11.2008, 18:43


    Dank Deines Sprachunterrichts verstehe ich mittlerweile den Dialekt ganz gut, hin und wieder gibt mir ein Wort Rätsel auf, aber nach einigem Nachdenken und Kombinieren habe ich die Lücke geschlossen.

    Herrliche Texte waren das mal wieder, Krisi, danke Dir. :big_applaus

    LG Karin :)



    Re: Pälzer Gschichtle und Gedischte

    tosa34 - 03.11.2008, 23:51


    Wieder ganz prächtig, liebe Krisi! Und bis auf "Betze" war mir alles klar. Bin direkt stolz.
    Danke dafür!
    Tosa.
    :big_blume



    Mit folgendem Code, können Sie den Beitrag ganz bequem auf ihrer Homepage verlinken



    Weitere Beiträge aus dem Forum ARD-Buffet alternativ

    Mokka - gepostet von tobias am Sonntag 28.09.2008
    Dekoration - gepostet von Corina am Mittwoch 04.04.2007
    Sport im allgemeinen - gepostet von Luca am Donnerstag 05.06.2008
    Reisebericht: Skandinavien - gepostet von Rheinperle am Donnerstag 08.02.2007
    Wochenspruch 10 - gepostet von la-piccola am Sonntag 04.03.2007
    Wochenspruch 40 - gepostet von la-piccola am Sonntag 30.09.2007
    Bilder verkleinern mit Irfan View - gepostet von tobias am Samstag 23.06.2007
    Sprachenecke/Länderecke - gepostet von tobias am Freitag 09.02.2007



    Ähnliche Beiträge wie "Pälzer Gschichtle und Gedischte"

    Prestige und normale Rüstungen - gepostet von Maara am Sonntag 07.05.2006
    Alli Page Sound - gepostet von ~Lord Nemesis~ am Samstag 24.06.2006
    Bitte - gepostet von Sweety am Dienstag 11.07.2006