Verfügbare Informationen zu "Seit 2 1/2 Wochen in Chile"
Qualität des Beitrags: Beteiligte Poster: yamina Forum: yaminaundluca.ch.vu Forenbeschreibung: Eine Weltreise - Es gibt viel zu erzählen... aus dem Unterforum: Tagebuch Yamina Antworten: 1 Forum gestartet am: Freitag 29.06.2007 Sprache: deutsch Link zum Originaltopic: Seit 2 1/2 Wochen in Chile Letzte Antwort: vor 15 Jahren, 3 Monaten, 23 Tagen, 9 Stunden, 12 Minuten
Alle Beiträge und Antworten zu "Seit 2 1/2 Wochen in Chile"
Re: Seit 2 1/2 Wochen in Chile
yamina - 04.12.2007, 03:26Seit 2 1/2 Wochen in Chile
Sit bald drü Wuche sind mier eze in Chile. Und natürlich hemmer scho rächt viel erlebt. Sind eze bald sit zwei Wuche mit em Pachamamabus unterwägs, das isch en Busgsellschaft wo dich i alli wichtige und natürlich ai schöne Ort hifahrt und dui chasch sälber entscheide wo dui gärn wetsch länger blibe und wo numeh ei Nacht. Mier hend üs den erstmal entschiede in Pucon fürne Wuche zblibe. Pucon isch meega schön isch am See gläge und näbe dra heds en Volkan wo nu aktiv isch. Dä immer ab und zue chli umegräuchet, aber zum Glück nid so schlimm das üs epis hätt chöne passiere. z Pucon simmer gsi go River Rafte, und das isch ächt meega cool gsi nur das ich einisch e chli zviel Wasser abbecho han und den Chopfweh gha han.
Und den zwei Täg spöter simmer nu go rite, mier sind fomene alte Chilenische anschienend meega berühemte Pferderiter gfüerhrt worde, dä hed sälber epä 18 Ross gha oder so. Und am afang hemmer natürlich müess zerscht eh chli go übe dermit mier nid völlig hilflos sind wenns Ross wurd uistigge. Nach epä 40 minute üebe simmer uf Piste gange. Mier sind sogar mit de Rösser ufe Bärg grite, naja d Rösser sind mengisch eher halbe klättered, hend mer mengsich fascht es bizli leid tha will üs ja ai nu hend müess träge. Aber defür isch d Uissicht wunderschön gsi.
Nach einere Wuche hemmer Pucon verlah und leider ai üse süessi Strasseköter Puco er isch üs meega as Härz gwachse, hättit nä am liebste mitgnu. Mier hend erfahre das er us däm grund uf de Strass läbt, will sis Herrchen epä 4 km vo Pucon wäggwohnt und keis Auto hed, und er oder sie müesst de mitem Hund die ganzi Strecki laufe. Vo üs uisgseh en dämlichi uisred. Drum hemmer ihm ab und zue epä epis zässe gäh mit eh chli Brot hesch dui ihn meega glücklich chennä mache. Tja de Abschied isch wirklich schwär gfalle...
Eigentlich wär plant gsi das mier wettit in Puerto Montt und uf dr Insel Chiloe im gsamte zwei Wuche blibe und hend eigentlich ai scho es Hostel für ei Wuche bueched gha. Mier hend üs de mal chli erkundigt und wie de andere wo scho dört gsi sind gfalle hed. d Antwort isch immer die glich gsi. und zwar das mier ja nid sellid dörte blibe für so langi Ziit wills sich nid lohni und es der unne sowieso immer Rägni. Kurzentschloss hemmer s Hostel eze wieder canclet.
Momentan simmer in Puerto Varas und es isch ziemlich chalt hie und obwohl mier eigentlich hend wellä hie en Wuche blibe hemmer üs eze doch kurzerhand wieder umentschlosse. So i de nöchste zwei täg gemmer eze zrugg uf Santiago, wärdet dörte für drü täg si und den wömmer i Norde uife, will die hend schliesslich epä um die 38 grad. Und im Süde hesch im Moment wenns höch chund 15 grad.
Mier dänket gaaanz fescht a üch i de SChwyz und vermissid üch alli gaaanz fescht. Vieli liäbi Griässli und schmützeli Yamina und Luca
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum yaminaundluca.ch.vu
Letzte Tage in der USA - gepostet von yamina am Samstag 10.11.2007
Informationen zum Forum - gepostet von florianfanger am Freitag 29.06.2007
Ähnliche Beiträge wie "Seit 2 1/2 Wochen in Chile"
Das erste mal seit Wochen wieder geraidet - Imaginaer (Freitag 31.12.2004)
Übersicht aller Auftritte seit 1998 - Jessy (Mittwoch 21.12.2005)
Was seit ihr??? - Mahagon (Mittwoch 06.09.2006)
Resumée - 2 Wochen BA bei Kaufland - patrickbarth (Dienstag 18.09.2007)
Wie seit ihr zu der Band "Slipknot" gekommen? - Mannifighter (Sonntag 29.01.2006)
3 Wochen im Urlaub - Macl (Freitag 21.07.2006)
Ich bin dann mal 3 Wochen weg!!!! - Dally2oo6 (Samstag 15.07.2006)
4-6 Wochen Inaktiv ! - good38888 (Sonntag 20.05.2007)
Weight watchers 4 Wochen Plan - nikiclaudia (Mittwoch 20.07.2005)
Muriel's Wedding - Film 4 (UK) - 11th April - onlyabba4me (Sonntag 08.04.2012)
