Verfügbare Informationen zu "Spiilfäscht"
Qualität des Beitrags: Beteiligte Poster: Goimi - raphimeyer - sönä Forum: Olymp Forum Forenbeschreibung: Forum fürs Olymp AL Team aus dem Unterforum: Werbeübungen Antworten: 17 Forum gestartet am: Dienstag 28.08.2007 Sprache: deutsch Link zum Originaltopic: Spiilfäscht Letzte Antwort: vor 16 Jahren, 7 Monaten, 6 Tagen, 16 Stunden, 36 Minuten
Alle Beiträge und Antworten zu "Spiilfäscht"
Re: Spiilfäscht
Goimi - 29.08.2007, 19:04Spiilfäscht
Also das Spiilfäscht isch scho huere glii. Müend jetzt chli Gas geh mit sache mache. Eigentlich isch scho klar was es gitt, am beschte tüemer jetzt de Stufene sege was sie sötted vorbereite. sind alles ehnder chliini sache.
Denn hend grad hüt nomal es Datum für e letschti Sitzig gschickt. Wenn ihr da au wend / chönd debii sii wär kuhl!
Die isch am 10.9. so 19:00 bis 20:30
Ich hänke da unde draa es paar höckprotokoll aa wird chli übersichtlicher für oi!
Re: Spiilfäscht
Goimi - 29.08.2007, 19:06
(S PROTOKOLL VOM LETSCHTE HöCK)
Protokoll der Hötterböxsitzung 7.5.07
Planung Spielfest vom 22.September 2007
Grobüberblick
• Beiz in der Küche der Kirche
• Im Bahni Saftbar (Mojuga)
• Parkplatzbereich und Wiese reserviert für P/C/J/E, wird in 3 Bereiche eingeteilt
• Feuer im Parkplatzbereich (Auf Metallplatte und Sand oder Tonne)
• Bei Bahni Rädliparcour (Jugi)
• Infostand für alle bei Skulptur
• Mojugabus dient als Umzieh-, Schmink-, Theaterraum
• Ev. Mitbenutzung Cevi-Bahnwagen
• Ev. Harassenstapeln (Krahn)
• Fallbrett
Verpflegung
• Feuerstelle auf Platz: Schlangenbrot, Würste am Stock
• Bei der Kirche: Grill (Würste und Vegi-Angebot), Hotdog, Suppe, Salat, Kartoffeln, Kuchen, Kaffee, Ice Tea, Coci
• Im Bahni: Saftbar
Metzgerei Odermatt wird als Sponsor (Würste) angefragt.
Wir rechnen mit 500 Personen
Fisnik übernimmt die Verantwortung für die Verpflegung
Finanzen
Laut Gabrielle gibt es noch ein Hötterböx- und /oder Ashom-Konto. Dies könnte ein eventuelles Defizit decken und wir müssten kein Konto eröffenen.
Das Jugi hat rund 3000.- für ein Fest zur Verfügung. Ziel ist, kostendeckend zu arbeiten!
Was kostet etwas?
Flyer, Fallbrett, Harassenstapler, Räderparcour, Schlangenbrot, diverse kleine Ausgaben
Claudine übernimmt die Verantwortung für die Finanzen.
Flyer
Lorenz erstellt einen Flyer, Ende Mai schickt er ihn allen zur Begutachtung. Der Flyer sollte bis nach den Sommerferien gedruckt sein.
Artikel in der Ährenpost
Nach den Sommerferien wird in der Ährenpost ein kleiner Artikel das Spielfest ankündigen. Inklusiv ist ein Aufruf an Eltern, Kuchen und Salate zu spenden.
Verantwortlich sind Gabrielle und Claudine
Sicherheit, Versicherung, Notfallkonzept: Gabrielle klärt alles mit Rolf Hiltebrand von der Verwaltung.
Re: Spiilfäscht
Goimi - 29.08.2007, 19:08
(PROTOKOLL NACH OISEM ERSCHTE HöCK)
Sitzung Höttterböx 13. März im Jugi Hombrechtikon
Anwesend waren Judith (Blauring), Mathias (Pfadi), Nicola (Cevi), Gabrielle
(Mojuga), Fisnik und Claudine (Jugi)
Planung Spielfest in Hombi
Datum: 22. Sept. 07
Dauer 11.00 bis 17.00 Uhr (ab 18 Uhr wird der Platz für die Besucher der Operette gebraucht)
Es gibt kein Verschiebedatum, wenn es Katzen hagelt findet im Saal der Kath. Kirche ein Kinonachmittag für Kinder statt.
Judith reserviert den Raum der Kirche, Claudine reicht ein Gesuch für die Benutzung des Bahni sowie des Platzes davor ein.
Konkrete Angebote werden an der nächsten Sitzung zusammengetragen.
Pfadi, Cevi, Jubla suchen an einer gemeinsamen Sitzung mit den LeiterInennen Ideen
Jugi und Mojuga bringen Vorschläge und Ideen
Weiteres
Nicola klärt ab, wer die Flyer kreiert
Alle klären ab, wer mithilft
Motto?
Zeitplan?
Mögliche Vereine, die sich beteiligen könnten: Eltern-Kind Verein, Interkultureller Frauentreff, Frauenverein
Gabrielle fragt Eltern-Kind-Verein an
Nächste Sitzung 7.Mai 19 Uhr im Jugi
Fürs Protokoll: Claudine
Re: Spiilfäscht
Goimi - 29.08.2007, 19:13
Jetzt no s wichtigschte Protokoll eigentlich, das han ich gschribe nacheme höck wommer nur d Jugendleiter zeme ghockt sind. debii sind all Idee entstande und au grad wär was macht. chönder mal luege was mir alles so müend mache. Meh dezue i mim nöchschte biitrag :)
http://www.gaeumann.net/protokoll.pdf
Re: Spiilfäscht
Goimi - 29.08.2007, 19:23
Also rasch de aktuelli Stand:
Feuer: Müend mir Holz organisiere. S Füürbläch wird vom Füürwehrchef bracht.
Essen: Wird sicher ar nöchschte Sitzig besproche
Atelier: Ebefalls besproche ar nöchschte sitzig
Schlangenbrot: Das muss e Person / Stufe überneh zum vorbereite
Zaubertrank: Da hemmer a so es geils Misch-System denkt, wommer so mit Sirup und so sin eigene Zaubertrank chan zeme stelle. Wär geil wenn mer da paar baschtler hetted wo no ziit hend zum öppis improvisierts uf d bei z stelle! Suscht halt eifach en grosse chessel mit zaubertrank... aber s erschte wär geiler :D
Fallbrett: Bini momentan nöd ganz sicher öb das immerno bi ois liit. will die vom Mojuga hett ma gseit sie hend adresse. ich lahn mer aber die adresse vom purus mal geh, glaube er hett die.
Minigames: wird besproche ar sitzig
Turm: De müemer luege das mer en am friitig chönd uufstelle, suscht wirds früeh am samschtig morge... :)
Heisser Draht: Purus weiss das de bis denn müsst fertig sii
Sudoku / Memory: Wird wohl ad Biendlistufe gah, a dem Höck hett d Marina gfunde sie luegi für das
Zündhölzliburg: Das würd denn wohl au a e Stufe gah!
Ja das isch so de aktuell stand. Denkes wenn mer da jetzt denn das vorbereited chunts güdde :)
Re: Spiilfäscht
raphimeyer - 13.09.2007, 12:47Spieltag 22.09
Salutti mitenand!
ich bin diä ganz nächscht wuche weg im flugtraning und per mail nöd erreichbar. da du goimi am beschtä über dä ahlass informiert bisch:
- gits no öppis wonni chan helfe bis am samschtig?
--> ich luege, dass ich am samschtig chan detä sii, je nach wätter d'wuche dur muenni jedoch länger, bis am samschtig oder sunntig z'grenche bliibä..
- bisch du nala am samschtig (22.09) detä?
gruess, raphi
Re: Spiilfäscht
sönä - 17.09.2007, 10:04
helloi!
-chömer mal konkret luege, was mer no muess mache und wie mer ois ufteiled?
- weisch du goimi, wies bi de einzelne stufe usgseht? söllemer dene mal es mail schribe oder alüte? sind d butzli informiert?
- ich bin sicher am samschtig morge det, zum de turm ufstelle, was chan ich suscht no mache?
- hämmer gnueg infomaterial (nimmsch dus mit goimi?) und suschtigi verzierig für d ständ?
lg sönä
Re: Spiilfäscht
Goimi - 17.09.2007, 10:30
Also mache muss mer no:
- De Stufene aalüüte und fröge öb alles klappt, und öb butze sowie Leiter informiert sind (Biendlistuufe weissi sowiit, die hend en brief gschribe ad Chind)
- Bi de meitlistufe nomal sege das sicher gnueg holz organisiered
-Bi allne Stufe nomal sege das guet wär wenn ein / zwei chüeche mitgnoh werded!
- Für d Leiter (Helfer) Gitts zmittag, chammer au no informiere!
- Am Friitig abig am 18:30 ufem Platz stah, zum luege wo was uufgstellt wird mit de anderne Jugendverbänd zeme
- 3 Wärbegschänk vo ois mitne (Tüechli, Thermosfläsche, Cd-Case) als priise für en Wettbewerb wos gitt (vo allne jugendverein je 3 priise )
-Spiilpass erstelle, mit uusschriibig für de Wettbewerb, Stämpfel organisiere (vill chlini) und Stempfelchüsse dezue...
-Oisi Werbetaflene "was isch pfadi" organisiere
-Oisi Broschüre "was isch pfadi" organisiere
-Olymp Fahne organisiere
-Friitig abig Material für de Turm bereitstelle
Am samschtig morge hani de Purus als chef du Turm chöne organisiere. Ich denkes mir (also söne und ich) wärded suscht gnueg z tue ha, zum nöd au no um de Turm kümmere, de purus macht das gern, hett gseit er brüchti eifach no so 3 - 5 Helfer, wo ihm die ganz ziit zur verfüegig stönd, und denn möglichscht vill lüüt zum de Turm ufe neh. die sötted denn hoffentlich umme sii. Han da an Jero und Merlind denkt, wo ja selber kein Stand hend, an Hamster und Moab wo gern bi so aktione debii sind und an Twister, will de sich für so sache interessiert und ichs wichtig finde, das en jüngere Leiter wo no es ziitli debii isch mal weiss wie de turm uufgstellt wird, damit das wüsse i de abteilig bliibt :) Leider hett mer de hamster underdesse abgseit, und de jöne muss au no luege öber chan cho, vo de andere hani no nüüt ghört. Suscht gitts ja no immer d Rover.
Zu de uufteilig:
Söne wärs okei wenn du mal bi de Stufene nahfröögsch wies bi ihne so staht, öb alles klappt und so?
Denn am friitig abig bin ich sicher deete, au am material zeme sueche, wenn öpper vo oi (wohl eher söne, da Raffi i grenche isch) au wett cho dörfsch gern, muss nöd sii.
3 Wärbegschänk organisier ich, denn luegi au grad das ich das züüg chan zu mir hei neh. Und wenni grad scho bim Werbematerial bin, chani au no grad de part mit de Flyer und de Wärbetafle vo de Hütte mache. Bin eh am umefahre Purus / Fabi / Pfadiheim
De spiilpass wäri eigentlich froh wennen öpper anders chönt mache, aber weiss nöd öber wüssed was öppe sött geh :) au wegem drucke ischs chli es problem, machi wohl am gschiidschte da im gschäft... und da d stämpfel müend aapasst sii uf d charte (oder umgekehrt :) ) muss wohl au alles die glich person mache.... also eigentlich ischs schnell gmacht, ich mach das suscht scho mal da im gschäft denn isch das iisi...
Naja das wär denn eigentlich scho alles was mir chönd mache... Villes tüend die Jugendarbeiter organisiere, wobii ich mal d behauptig uufstell das nöd alles klappt was die wänd mache :D aber ja...
Re: Spiilfäscht
sönä - 17.09.2007, 11:14
oke, also ich lüt hüt abig mal allne stufe a und fräg öbs klappt.
am friitig bin ich leider sicher nöd det, will ich früehstens am 19.30-20h in stäfa bin, aber ich chum sicher am samschtig morge. wänn träffemer ois?
sovill ich weiss, chunt de jero go de turm ufstelle, fräg doch suscht no anderi jungi leiter als de twister (z.b. max oder so), wär no guet wänn mer das wüsse es paarne chönt wiitergäh...
de spiilpass würd ich prinzipiell sofort mache, aber es isch chli schwirig für mich will ich würkli KEI ahnig han wie das sött usgseh und was es überhaupt genau git...usserdem han ich leider no kein drucker und nüt da...ich chönt aber go stämpfel chaufe, wänn du mir seisch wie vill und wie gross die därfed si.
was meinsch?
ich glaub de raphi isch gar nöd erreichbar die wuche, und ich han ihm gseit am samschtig wo ich ihn gseh han dass mir das eifach zäme mached, ich hoff das isch ok.
Re: Spiilfäscht
Goimi - 17.09.2007, 11:27
Okai supi wenn du dich bi dene meldisch. Chasch ne au nomal sege das mega wichtig isch das all leiter chömed, will mir bruched vill lüüt!
Ja isch iisi mitem Friitig, gitt nur churzes meeting.
Am Samschtig hett de Purus gfunde Turmmannschaft fangt am 8ti aa. Das heisst wär wohl guet wenn mir denn au deete sind, also ich bin sicher deete. Organisieremer no Gipfeli für oisi Leiter? chömmer im Denner bezieh, die chömmer denn grad go abhole, chönti suscht mal so 30 Stück bschtelle?
s Problem isch das mer wohl nöd z vill vo de Biendli chönd abtransportiere für de Turm, will die ja au no lüüt bruched! aber ja ich fröge mal no umme!
Ja isch okei mit de Stämpfeli... eigentlich chunts nöd so durfaa, müend eifach chlii und vill verschideni sii. Also müssted öppe 20 verschideni sii, und zu allne no es stämpfelchüssi dezue!
optimal wär chli chlinner als 1cm uf 1cm meinsch chasch so was organisiere? Und wenn machsch das, will je nachdem chasch du ja die zerscht organisiere und denn mach ich no so e charte wo uf d stämpfel aapasst isch und tuen die kopiere. :) wär sinvoller, nöd dasi alles kopier und nachher merkemer das nöd gaht :)
Das wäri super so. Mitem Raphi, hani denkt das er die wuche nöd erreichbar isch, isch scho iisi, glaubes das sött au iisi machbar sii, isch ja eigentlich nöd so vill. Am samschtig selber findis eifach wichtig das sicher öpper, no besser zwei lüüt vo ois am infostand sind, macht meh spass z zweite :) und finds blöd wenn d jugendarbeiter über ois sölled uuskunft geh.
Bisch jetzt z Yverdon? ischs kuhli wohnig? Hesch no es auto gfunde gha? Und hesch jetzt aagfange mit de schuel?
Re: Spiilfäscht
sönä - 17.09.2007, 19:39
hooi!
also, d stämpfel gangi am morn oder am mittwuch go chaufe, wievill bruchemer?? 20? wow das sind ja mega vill! ...?
gipfeli findi super für d leiter, machsch du das i dem fall.
wäg em turm, ich glaub du muesch mal de purus fräge, de jero hät sich nämli z.b. grad diräkt bim purus gmäldet, villicht hät er ja scho es paar meh lüt.
also dänn lüt ich mal no de stuleis a...häsch du d natelnummere vom xenon? die han ich ebe gar nöd.
ja bi jetzt in yverdon, bi nanig i mim zimmer, will de vo dem erscht ändi monät usegaht, aber ich chan imne andere zimmer si bis dänn. ha leider keis auto meh gfunde, jetzt hani halt nur mini chleider da. aber villicht gaht ja oises auto wider mal, dänn chunt hoffentli au mal no de rescht :-) ha hüt mit em studium agfange, isch kuhl aber halt chli härt am afang alles uf französisch...
Re: Spiilfäscht
Goimi - 18.09.2007, 09:31
ja halt für jede stand eine... isch chli ungwüss wie vill das schlussendlich öppe gitt, aber ich denke mit 20 söttemer guet bedient sii :) gitt ja öppe vo allne jugendverein so 4-5 aktivitäte... gut vilicht sinds au nur 18 sache, aber denn macht mer halt noimed 2 stämpfel a ein poste oder so... lieber ma z vill als nachher z wenig!
Jep tuen die gipfeli bschtelle.
Xenon's nummer: (OLAV - Dein Freund, Helfer und Adressverwalter :D ) 079 827 82 25
Wie gsehts suscht so uus bi de Stufene?
Ja nei han doch gseit gha wenn keis auto findsch frögsch nomal! Dett mer scho was chöne mache! Jetzt schlafsch am bode? :)
Gruess is Froschliebhaberland! :D
Re: Spiilfäscht
sönä - 18.09.2007, 19:59
ja ich schlaf am bodä! =) han s mäteli mitgno und de schlafsack, wie i mine guete alte pfadiziite woni no uf yverdon is pop bin...
bi de stufene gsehts guet us,
wölfli: mached am mittwuch ihres memory
buebe: herkli macht hüt telefonalarm und lüted de leiter a
mäitli: alles wird gmacht vom nepi, ich lüt ihm aber hüt au mal no a
biendli: hani gester nöd erreicht, lüt hüt namal a
ich han stämpfel gseh, und zwar kännsch die stift wo vorne so wie en stämpfel sind? mached so smilies und anderi luschtigi sache...isch das guet?
en schöne abig! tschüsli
ah ja, ps: neinei kei angscht, ich han im fall scho es bett, eis vo eim wo nöd da isch, woni cha näh bis mis da isch. isch scho isi, ich han ja i de pfadi glernt dass mer au nur mit chleider guet uschunt =)
Re: Spiilfäscht
Goimi - 19.09.2007, 15:56
ja du isch für de rugge sicher nöd schlecht so chli ufem grade undergrund z ligge. suscht chline tipp, chasch d chleider drunder legge, isch no chli weicher *smile*
Wasi zu de Biendli chan sege: Sovill ich weiss isch de Mäxli de Hauptverantwortlich, hett emel ma d mel gseit gha... Anschiinend macht de s züüg oder so
Die Stämpfelstift töned super, die sind kauft :) wie gross sind die? bruched die no es stämpfelchüssi dezue?
Re: Spiilfäscht
Goimi - 19.09.2007, 16:49
so wür denn de spielspass uusgseh:
www.gaeumann.net/forum/files/spielpass.pdf
gönd da dini stämpfeli druff? Denn tueni uusdrucke und zueschniide...
Re: Spiilfäscht
sönä - 19.09.2007, 20:38
die stämpfelcharte sind superkuhl, und mini stift gönd löckeflöcke au druf! d charte isch also au gchauft :o
ok dänn lüt ich hüt abig no am mäxe a...
suscht hämmer alles? träffemer ois am 8ti am samschtig oder chli früehner?
Re: Spiilfäscht
Goimi - 19.09.2007, 22:28
supi!
Ich denke 8ti gnüegt... Gipfeli hani uf allfäll uf die 8ti :)
hey bin ja gspanne wie vill chind da chömed... die rechned ja mit 500 aber ich gsehne nieneds wärbig oder so :) also ich bin mer ja nonig sooo sicher wie vill da denn würkli chömed :D aber lömmer ois überrasche.
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Olymp Forum
Wärbig - gepostet von Goimi am Donnerstag 06.09.2007
Ähnliche Beiträge wie "Spiilfäscht"