Verfügbare Informationen zu "Wie reagiere"
Qualität des Beitrags: Beteiligte Poster: seda - Dani - scheyni Forum: Cachou.CH Forenbeschreibung: Stammtisch-Forum aus dem Unterforum: Stammtisch Antworten: 21 Forum gestartet am: Samstag 03.06.2006 Sprache: deutsch Link zum Originaltopic: Wie reagiere Letzte Antwort: vor 16 Jahren, 1 Monat, 10 Tagen, 11 Stunden, 56 Minuten
Alle Beiträge und Antworten zu "Wie reagiere"
Re: Wie reagiere
seda - 06.02.2007, 21:36Wie reagiere
mr sind da ja n chline Ruum, alles fasch nur Fraue... Da hani e Frag. mi Fründ het mir das sms gschribe. wie söll ich uf so was reagiere? nöd antworte, sondern mueni etzt mis verhalte nach dene 3 Wuche ändere?
sms:
schatz, tun bitte nöd übertribe ok? ich han vil ztue, ich chan nöd immer uf alles rücksicht näh und du gisch ez halt mega gas und überforderisch mi gad es biz
Bi ziemlich ratlos....
Re: Wie reagiere
Dani - 06.02.2007, 21:53
Ja schatzii putzii beinli=)Ich als dini Sis beforzüüge da es gspröch mit eu...und so=)
Am beste...chunsch mall iS Dani Büro...und denn luegemer ok?schriebe so sach ened gern da=)Gaht mer z lang=)
OKayyy?
Kuzzhiii
Re: Wie reagiere
Dani - 06.02.2007, 21:54
Ja schatzii putzii beinli=)Ich als dini Sis beforzüüge da es gspröch mit eu...und so=)
Am beste...chunsch mall iS Dani Büro...und denn luegemer ok?schriebe so sach ened gern da=)Gaht mer z lang=)
OKayyy?
Kuzzhiii
Re: Wie reagiere
scheyni - 06.02.2007, 21:59
wär na interessant chli was vo de vorgschicht z'ghöre, was so gloffe isch.
und wiä alt isch er? da ja allgemein bekannt isch das manne im gliiche alter nani so wiit entwickled sind wiä fraue...
PS: so ganz konkret, bevor ich überhaupt na meh idee/ratschläg etc abüüte (betrifft ned dich seda): etz werded sichär widr es paar vo da denke, ja klar, t'scheyni wett ratschläg geh, vo wege blablabla, niä langi beziähige ha blablabla, vo wege überall imische blablabla und für alli bini widrs arschloch. bins ja scho letsch ma gsi woni ha wellä hälfe (bzw. eh scho ide mitti gstande bin) betrifft tatsächlich es forumsmitglied! und ich bin ja überhaupt t'schuld a allem. isch mer abr eigentlich gliich. (und nei, ich has au ned uf beziehige vo anderne abgseh, zum diä t'zerstöre odr so, absolut ned, egal was dir anderi widr verzelled!!)
Re: Wie reagiere
scheyni - 06.02.2007, 22:10
Dani hat folgendes geschrieben: Ja schatzii putzii beinli=)Ich als dini Sis beforzüüge da es gspröch mit eu...und so=)
Am beste...chunsch mall iS Dani Büro...und denn luegemer ok?schriebe so sach ened gern da=)Gaht mer z lang=)
OKayyy?
Kuzzhiii schatzii putzii beinli?? *lach* und dani und es büro.... *grins*. nei im ernst, mer sind für di da seda
Re: Wie reagiere
seda - 06.02.2007, 22:18
Mer sind etzt würklich scho ein Monat zäme. händ eus laufend gseh, händs eigetlich au super gha. nur dass er sich, wänn er sich gmolde hed, immer so total unpersönlich und dessinteressiert verhalte het! letscht friitig hät er sogar wo ich bi ihm gsi bin nach einere wuche nöd gseh, lieber wele penne, wie mir no n kuss geh odr so. er isch nöd glich alt, er isch 87 gebore. wird das jahr also 20gi!
Re: Wie reagiere
scheyni - 06.02.2007, 22:28
seda hat folgendes geschrieben: Mer sind etzt würklich scho ein Monat zäme. händ eus laufend gseh, händs eigetlich au super gha. nur dass er sich, wänn er sich gmolde hed, immer so total unpersönlich und dessinteressiert verhalte het! letscht friitig hät er sogar wo ich bi ihm gsi bin nach einere wuche nöd gseh, lieber wele penne, wie mir no n kuss geh odr so. er isch nöd glich alt, er isch 87 gebore. wird das jahr also 20gi!
het er en job/lehr won er en huufe z'tue het (z.b. das chent en grund sii, das er liäber wett penne). odr sprich en ganz eifach mal druf a. am beste isch rede, tönt villicht blöd, abr i mine letschte 2 beziehige wärs au besser gsi ich het en eifach mal gfröged. (mit mim etzige fründ redi sowiso grad alles direkt aa *g*).
aber am beste wenner mal zäme bi dir odr bi ihm sind und chli am relaxe sind und beidi guet gluuned und relaxed. eifach mal drüber rede (i stress situatione oder unterwegs isch es ned so gschickt, übr sowas azfange z'rede). und natürli eifach ab und zue mal verständnis zeige... (fallt eim ned so eifach mängisch... ich weiss).
Re: Wie reagiere
scheyni - 06.02.2007, 22:29
PS: und am beste hüt gar ned uf das SMS antworte. morn villicht mal schribe wiäs em so gaht odr so
Re: Wie reagiere
seda - 06.02.2007, 22:35
Gantworted hani scho. Er isch Chemiestudent. Minere Meinig nah hett ers gar nöd sträng... aber tja. er isch innerlich anschiinend gstresst seit er.... Naja, i wür scho rede=) aber er reded nöd mit mir. er wet mi ja au nur so sälte gseh, und wenn mir eus denn gsend isch er meistens weniger guet druff....
Re: Wie reagiere
scheyni - 06.02.2007, 22:38
seda hat folgendes geschrieben: Gantworted hani scho. Er isch Chemiestudent. Minere Meinig nah hett ers gar nöd sträng... aber tja. er isch innerlich anschiinend gstresst seit er.... Naja, i wür scho rede=) aber er reded nöd mit mir. er wet mi ja au nur so sälte gseh, und wenn mir eus denn gsend isch er meistens weniger guet druff....
nämeders mal vorläufig chli easy und lasch em mal chli platz. villicht häd er eifach grad chli e phase oder so. hät jede mal. hm... isch ned so eifach, abr mängisch muen mers halt eifach probiere mit chli abstand, um öppis chönne z'bhalte :? weiss au ned
Re: Wie reagiere
seda - 06.02.2007, 22:43
wänn er nach 4 wuche beziehig scho abstand brucht, wie änded das? wer verliebt isch wet doch möglichst vill ziit mit sim schatzy verbringe?
Re: Wie reagiere
scheyni - 06.02.2007, 22:49
seda hat folgendes geschrieben: wänn er nach 4 wuche beziehig scho abstand brucht, wie änded das? wer verliebt isch wet doch möglichst vill ziit mit sim schatzy verbringe?
hm.... weiss au ned...
villicht gats em eifach z'schnell? kei Ahnig...
Re: Wie reagiere
seda - 06.02.2007, 22:50
iha doch au ke ahnig. ja sölli etzt eifach n gang abeschalte?
Re: Wie reagiere
scheyni - 06.02.2007, 22:52
seda hat folgendes geschrieben: iha doch au ke ahnig. ja sölli etzt eifach n gang abeschalte?
chasch es sicher mal probiere. merksch es ja denn, wenns was ändered oder für dich ned stimmt. aber dich grundsätzlich ändere muesch ned, sell dich so liäbe wiät bisch.
Re: Wie reagiere
seda - 06.02.2007, 22:56
ich finds nöd so schlau weni mit eifach ändere... will so wies etzt wäri, würs für mi stimme!
Re: Wie reagiere
scheyni - 06.02.2007, 22:57
seda hat folgendes geschrieben: ich finds nöd so schlau weni mit eifach ändere... will so wies etzt wäri, würs für mi stimme!
ebe, nur so ändere, das es für dich na stimmt, susch stimmt am schluss gar nüüt meh. susch luegsch halt würkli das er mal chent drüber rede, er sell der gfäligst zuelose.
Re: Wie reagiere
seda - 06.02.2007, 22:58
jooo
Re: Wie reagiere
scheyni - 06.02.2007, 23:00
seda hat folgendes geschrieben: jooo
meh wird ich der ja wohl chum chönne rate, da ich ihn ja ned kenne und nüüd. hey seda, da chunnt scho guet! *ganzliebdrück*
Re: Wie reagiere
seda - 07.02.2007, 10:33
ich warte etzt zerst mal uf e aktion vo ihm... immer no nüt!
Re: Wie reagiere
seda - 14.02.2007, 21:59
an this is, how the story ends.... es isch aus. sit hüt, juhu, am valentinstag macht er mit mir schluss.... so mies. feigling... mhhhhh :?
Re: Wie reagiere
scheyni - 15.02.2007, 08:07
autsch... härt....
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Cachou.CH
Reitbeteiligung - gepostet von Nadja am Dienstag 27.06.2006
zurück *hüstel* *röchel* - gepostet von scheyni am Freitag 17.08.2007
Robart Pinchless Trensen - gepostet von Nadja am Freitag 11.08.2006
PartyGuide - gepostet von chrigi am Mittwoch 14.02.2007
Jubiläum NATAN und SCHEYNI - gepostet von scheyni am Dienstag 16.10.2007
Neuregelung Western- und Englisch-Brevet - gepostet von chrigi am Mittwoch 25.10.2006
Streetparade 2007 - gepostet von chrigi am Freitag 05.01.2007
Mini Haar - gepostet von seda am Montag 28.08.2006
Ähnliche Beiträge wie "Wie reagiere"
