Verfügbare Informationen zu "Skiilager!"
Qualität des Beitrags: Beteiligte Poster: Moony - Taipan - Woozie - fischli - biinli Forenurl: Klick aus dem Unterforum: Events Antworten: 15 Forum gestartet am: Sonntag 21.11.2004 Sprache: deutsch Link zum Originaltopic: Skiilager! Letzte Antwort: vor 18 Jahren, 25 Tagen, 5 Stunden, 6 Minuten
Alle Beiträge und Antworten zu "Skiilager!"
Re: Skiilager!
Moony - 07.02.2005, 22:32Skiilager!
Han nur dänkt, es isch jetzt dänn bald, und wenn er no frage hend (so in etwas: "Als was um himmelgottswille söll ich mich verchleide?") oder Suschtigs, chönders da drin schriibe...
Ich freu mi uf jede Fall scho mega!
Re: Skiilager!
Taipan - 08.02.2005, 10:49
Ich bin mir langsam am überlege, als was ich söll gah..han irgendwie 1001 idee, aber doch keini. ^^
Wo bim Bahnhof Weihermatt isches gnau? Weiss das öpper? Viellicht det bim Bus oder was?
Und bi dä KSL isch doch dä Parkplatz gmeint, wo zu dä gäle Turnhalle übere gaht..^^
Re: Skiilager!
Woozie - 08.02.2005, 19:22
wer chunnt eigentlichalles us oisere klass? und gönd die all uf mürre?
Re: Skiilager!
fischli - 08.02.2005, 22:23
Aso letscht Jahr ischs so gsi, dass de Car ide Weihermatt det ghalte het wo de bus au haltet. und mit em parkplatz isch de gmeint. aber det isch im fall es huerre getto gsi letscht jahr und mer het schier de car nöd gfunde wo mer het müesse istiege! :?
Re: Skiilager!
Taipan - 12.02.2005, 21:44
Wo ischer dänn gnau gsi..a, bring ja au nöd, wänni jetzt no gang go fröge..chunt ja eh niemert meh da inne..^^ Ich gang eifach so früeh wie möglich, dänn gaht das scho..Xd
Re: Skiilager!
biinli - 25.02.2005, 19:11
Hey das Schiiilager isch ja mega cooool gsi!!!! Und das mit em Car isch ja au keis Problem gsi...
Mürre isch e herzigs Örtli, find ich. Und die Ussicht isch ja voll schön gsi!!! Und au d Leiter, mega luschtigi... :)
Es isch eifach genial gsi!!
Re: Skiilager!
Woozie - 26.02.2005, 17:14
ja, d leiter sind no easy gsi. aber biinli, dis vorhabe häsch nöd chöne verwürkliche! *enttäuscht bin* =)
nur s ufelaufe isch nöd so de hit gsi... aber mir händs überlebt! *überrascht*
Re: Skiilager!
biinli - 27.02.2005, 18:03
Ja wie hetti au sölle wämmer a de andere Ände vom Gang "gwohnt" händ?! *grins* Wämmer im gliiche Zimmer gsi wäred, wärs vilicht andersch gsi... =)
Re: Skiilager!
Woozie - 27.02.2005, 18:29
hedsch ja chöne uf de pischte! oder au so en terror mache wie da so gwüssi anderi us oisere klass =) oder mit de fiona s zimmer tusche! oder im car! ^^
neinei chasch ja denn in zwei jahr wieder im skilager (wänn sies bis dänn nöd scho ufgäh hät =)
Re: Skiilager!
Taipan - 27.02.2005, 20:29
*sugoi* Wänns gaht gani nöchschts jahr wieder! Isch nur chli än stress gsi mit äm packe..bin ja am nöchste tag grad wieter uf arosa gange. Aber sött nöd motze, shät ja söttigi gha wo direkt vo diheime wietergreist sind. ^^
Also das mit äm ufelaufe..unnötig vo mir usgseh...die piste det obe sind nid so dä hit gsi.
min vater hät gmeint, dass es die seilbahn sit dä 70erjahr git..keis wunder, hät die mösse risse..XD
Re: Skiilager!
Woozie - 27.02.2005, 20:37
aber wenn sie scho muss risse warum denn usgrächnet jetzt? geschter hät sie wieder ufgmacht! super! perfekts timing!^^
Re: Skiilager!
Taipan - 27.02.2005, 20:39
die händ das dänk extra gmacht damit mir no müend ufetschumple..-.-
Re: Skiilager!
biinli - 28.02.2005, 22:06
die Bahn isch anschiinend scho vor über 20 Jahr chli grisse gsi und kein Chnoche häts gmerkt ;)
Jänu, jetzt hämmers ja hinder ois! =)
Re: Skiilager!
Woozie - 28.02.2005, 22:26
sie hettets ja au dasmal nöd merke müsse... warschinlich wäremer eh nöd abgstürzt... und suscht - jänu jetzt hettemers ja au hinter ois =)
nei, zum glück hämmer müsse ufelaufe, etzt chömmer denn no oisne enkel verzelle "jaja, damals simmer ufs schildhorn ufeglaufe... jaja, det simmer no jung gsi. *seufz* die guete alte zite" ^^
Re: Skiilager!
Taipan - 02.03.2005, 17:27
Dä Witz isch ja, dass mer nöd mal ufs Schilthorn ufesind..dä Piz Gloria, det, wo das Bähnli anegaht, wär no viel wieter obe und viel wieter hinne gsi..-.-
Naja, mer händs überläbt..^^
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Untitled
Latsch - gepostet von Woozie am Freitag 21.01.2005
Ähnliche Beiträge wie "Skiilager!"
