Träume

Untitled
Verfügbare Informationen zu "Träume"

  • Qualität des Beitrags: 0 Sterne
  • Beteiligte Poster: Taipan - Gwen - Eysha - fischli - Woozie - Moony - biinli
  • Forenurl: Klick
  • aus dem Unterforum: Off-Topic
  • Antworten: 53
  • Forum gestartet am: Sonntag 21.11.2004
  • Sprache: deutsch
  • Link zum Originaltopic: Träume
  • Letzte Antwort: vor 17 Jahren, 10 Monaten, 15 Tagen, 9 Stunden, 8 Minuten
  • Alle Beiträge und Antworten zu "Träume"

    Re: Träume

    Taipan - 27.11.2004, 23:45

    Träume
    Händ ihr scho mal öppis u speziells träumt? Ich han letschti voll öppis witzigs träumt..also äs isch no vor dä summerferie gsi:

    mir heget i dä Franzwörtliprüefig während dä chemi all plötzlich grüeni chöpf gah, und zum das rückgängig mache, hettet mir mösse dä knöpfli opfere..XD



    Re: Träume

    Gwen - 05.02.2005, 22:03


    so cool ^^
    ich troime eigentlich sälte witzigs züg, me so würklich sache wo mich nachher no rächt lang chönd beschäftige...



    Re: Träume

    Taipan - 06.02.2005, 22:36


    I letschte ziit troimi di ganzi ziit so än conan-phantom-mix..^^ Isch mängisch na witzig, was da alles so zäme chunt..^^



    Re: Träume

    Gwen - 07.02.2005, 21:09


    ich han mir vor längerer zit so e art "turm" gschaffe wo ich mich immer vor em ischlafe dri zrugziene. ich weiss au nöd ich gstalte dänn de rum grad wie ich luscht han, lade lütlis i... oft gaht das dänn sozäge i mini troim über



    Re: Träume

    Eysha - 07.02.2005, 21:17


    Gwen hat folgendes geschrieben: ich han mir vor längerer zit so e art "turm" gschaffe wo ich mich immer vor em ischlafe dri zrugziene. ich weiss au nöd ich gstalte dänn de rum grad wie ich luscht han, lade lütlis i... oft gaht das dänn sozäge i mini troim über

    Sorry, villicht isch ads jetzt ä chli ä blödi frag, aber sötted die zwei fettdruckte Wörter sgliche heisse(sie beschtönd ebe so us gliiche Buechstabe), oder meinsch de rum seg im Turm?



    Re: Träume

    Gwen - 07.02.2005, 21:18


    ja de rum isch im turm -.- es isch nöd eifach so luft drin (dänk)! aber nei es hilft mir imfall no rächt mich amig chli z beruhige vor em ischlafe!



    Re: Träume

    Eysha - 07.02.2005, 21:21


    nnnnnn :Ip
    In letschter Ziit weiss ich gar nöd was ich bim iischlafe tröimt han! Aber ich dänk mir meischtens au eifach so Gschichtli us!



    Re: Träume

    Taipan - 08.02.2005, 10:27


    Also hüt hanich nüt troimt..oder wenigstens chanich mich nüme dra erinnere, was ich troimt han. -.- Aber es erstunt mich scho immer wieder, was i dä Fantasie vom Mensch so alles entstah chan.



    Re: Träume

    fischli - 26.04.2005, 21:08


    das stimmt. das find ich amel au spannend. ich interessier mich vorallem für dä schlaf allgemein. wie das es überhaupt zum schlaf chunt und so. ich find das mega öpis komischs. aber ich han nanig würklich öpis drüber erfahre! :cry:



    Re: Träume

    Woozie - 26.04.2005, 21:13


    ich frög mich amix au, obs überhaupt en unterschiid git zwüscheddere welt womir drin lebet und dere welt wo mir drin troimet, also ob die seb welt nöd genau glich real isch wie die wo mir wenn mir wach sind drin sind... will wänn mir troimet chömed eim die sache ja ganz normal for und mer merkt ja meischtens nöd dass mer troimt.



    Re: Träume

    fischli - 26.04.2005, 21:15


    aso du meinsch, dass mer eigentlich alles glich realisiert wemmer troimt? ich glaub das irgendwie nöd. es bestaht scho en rächt unterschiid find ich. wenn ich troime chunt mer alles ganz andersch ine wie wenn ich wach bin.



    Re: Träume

    Woozie - 26.04.2005, 21:19


    ich denk eifach es git wie (mindestens) zwei verschiedeni so en art realitäte und wämmer schlaft ischmer ide einte, wenn mer wach isch ide andere, will jenachdem chamer en traum ja beiflusse wenn mer im traum merkt dass mer im traum isch. (zimli kompliziert alles^^)



    Re: Träume

    fischli - 26.04.2005, 21:22


    hesch du im traum scho mal gmerkt, dass du gad am troime bisch? aso mir isch das na nie passiert.
    ja scho, isch alles ziemlich kompliziert mit dene troim. aber spannend ischs ebe scho!



    Re: Träume

    Woozie - 26.04.2005, 21:26


    ja, eimal hani im traum igendwie plötzlich gmerkt dass ic htroime und han denn chöne beiflusse was passiert (also so wie im "richtige" lebe eifach.
    ja ich finds au no spannend... au das wo ois de stolz mal drüber verzellt het, da das seeleflüge...



    Re: Träume

    Taipan - 26.04.2005, 21:27


    Ich han i letschter ziit drümal vo minere beerdigung troimt..und äs isch irgendwie immer gsi wie mini konf, nur isch niemert happy gsi und ich bin gar nöd druscho, was lauft..det hani bim dritte mal, wonis troimt han, gmerkt, dass das irgendwie nöd chan sii und dänn bini ufgwachet..*seufz*



    Re: Träume

    fischli - 26.04.2005, 21:32


    ui das isch krass. macht dir das kei angscht? ich het glaub irgendwie schiss devor.
    ich han früener mal vo buebe us de damalige klass (primar) troimt, wo mit em mässer uf mich und kolleginne los cho sind. und denn hends de einte s'mässer in buch ine gramt und so.
    und mich het eine (isch chli en penner gsi und u lang uf mich gschtande, drum han ich ihn chöne beschwichtige) mit em britmesser verfolgt.
    det bin ich denn au ufgwacht und han realisiert, dass es nöd chan si. aber irgendwie han ichs glich krass gfunde...



    Re: Träume

    Taipan - 26.04.2005, 21:43


    Bim erschte Mal bini würkli ufgwacht und ä paar Minute lang im Bett gläge und han nöd welle ufstah..ich finds immer no komisch, vorallem will ich mich meistens nur a wichtigi Troim erinnere chan. -.~ Zum Glück isch das jetzt scho än Monet här und äs hät wohl chli dra gläge, dass dä Stolz so viel dävo verzellt hät.
    Am Afang, woni conan gläse han, hani znacht immer vo flügende Mässer und so Zügs troimt, aber shät mer nie angscht gmacht. ^^

    Das mit dene Type isch aber scho no härt..ich hetti nöd gwüsst, wie ich det druf sötti reagire...



    Re: Träume

    fischli - 26.04.2005, 21:48


    ich han ebe gar nie öpis mitüercho wo de stolz verzelt het. oder ich hans mer ufgschriebe und jetzt glich scho wieder vergässe...



    Re: Träume

    Taipan - 26.04.2005, 21:51


    Er hät es ziitli doch vo "Nahtoderlbenissen" gschnurrt..das isch mer ziemlich bliebe..



    Re: Träume

    Woozie - 26.04.2005, 21:55


    ich ha seb au öpis fo de spannendste sache gfunde woner ferzellt het, aus das mer das cha "lehre", er het ja am chranke find esones buech gäh da drüber....



    Re: Träume

    Moony - 26.04.2005, 22:03


    Ich han mer sogar vorgno, die nöchschte paar Träum ufzschriibe, aber meined ihr, ich heb mich am morge dra erinneret? Nope... und denn hannis verworfe...



    Re: Träume

    Taipan - 26.04.2005, 22:06


    Siit letschter Wuche hani immer so "Ruloff wird von herunerfallenden Kanji erschlagen und Inpektor Taipan muss diesen grausigen Mord aufklären"-Troim..-.- wunderbar, muess ich scho säge..ich sött weniger krimis läse..



    Re: Träume

    fischli - 27.04.2005, 11:09


    das mit de nahtoderfarige han ich au spannend gfunde. aber mer hend das scho so viel besproche. u lang ide reli, im konflager churz und denn im färnseh gseh... und irgendwenn han ichs eifach nüme chöne ghöre!



    Re: Träume

    Woozie - 27.04.2005, 11:15


    und mal selber usprobiere häsch der nöd überleit?



    Re: Träume

    Taipan - 27.04.2005, 11:16


    *nick* Stimmt scho..mich interessiert eigentlich au nöd ds nahtodzügs sälber, sondern eher find ich dä Tod faszinierend..^^ erkläret mich mietwäge für ä spinnerin, äs isch eifach so.



    Re: Träume

    fischli - 27.04.2005, 11:16


    ich finds ehrlich gseit au na spannend. aber irgendwie wenn ich mich demit befasse und mer chli sache überleg chum ich immer wieder zm gliche schluss und den hör ich amel wieder uf.
    isch e chli e persönlichi frag (muesch nöd antworte): hesch du angscht vor em tod oder nöd?



    Re: Träume

    Taipan - 27.04.2005, 11:21


    ähm..es wär no praktisch, wämmer wieder würdet das mit dä @name sache mache..ich check nämlich nie, wer jetzt gmeint isch..



    Re: Träume

    Woozie - 27.04.2005, 11:22


    @fischli: zu was füremene schluss chunsch denn?



    Re: Träume

    fischli - 27.04.2005, 11:22


    ou sorry.
    @taipan: du bisch gmeint gsi. :wink:



    Re: Träume

    Taipan - 27.04.2005, 11:33


    hm..also wänn ich mir das so überlege, dänn hani scho Angscht vor em Tod..ich wett irgendwie all die Lüüt & das Zügs, wo ich gern han, nöd verlüre, aber wänn das "läbe nach em Tod" schön isch, spannend und wänns det alles git, dänn hani kei angscht. Allerdings muess ich zu gäh, dass ich nöd weiss wie ich mir die anderi wält nachane vorstelle..
    Was ich aber hoffe, dass das Läbe det spannend isch, also nöd unbedingt mit Krise und so, aber au nöd so Schlaraffelandtypus..das fänd ich langwiilig.

    Wie stahts bi eu zwei? @woozie und fischli



    Re: Träume

    fischli - 27.04.2005, 11:35


    ich han irgendwie scho chli angscht. eigentlich nie gha. aber sit mer is krematorium gange sind scho...

    das isch ebe so e sach mit em läbe nach em tod. ich chan mir das voll nöd vorstele. will wenn mer det wieterläbt muess mer doch au wieder mal sterbe. und gits denn wieder es läbe? oder isch eifach alles "ewig" und hört nie uf? das wär rächt langwilig. ich chume eifach nie uf öpis schlaus!



    Re: Träume

    Woozie - 27.04.2005, 11:41


    ich ha eigentlich vorem tod selber kei angst... villicht vorem sterbe (also chunnt au chli druf a wie mer stirbt...) aber... de tod cha ja eigentlich nöd so schlimm si.



    Re: Träume

    Taipan - 27.04.2005, 11:43


    bi mir isches gliche..ich find eifach, dass släbe scho mega spannend isch! ^^



    Re: Träume

    fischli - 27.04.2005, 11:51


    @taipan: was isch bi dir s'gliche?



    Re: Träume

    Taipan - 27.04.2005, 12:29


    sorry..
    Also, bi mir isch es sgliche, will ich au nöd gnau weiss, wie ich mir die "anderi wält" vorstelle tuen. Kei ahnig..^^



    Re: Träume

    biinli - 27.04.2005, 13:46


    Es isch mega komisch, aber ich chan mir zu dem Thema irgedwie eifach kei Meinig bilde.. :roll:

    Zum Thema Träum:
    Also es isch ja scho komisch: sit mer Ferie händ träum ich nur vo de Schuel und vo de Lütlis i de Schuel. Und zwar uuu mega komischi Sache, eifach so unrealistisch. :roll:



    Re: Träume

    Woozie - 27.04.2005, 13:50


    d lehrer machet das au (hät ois de stoll mal verzellt) die troimet ide ferie die erschte 10 tag lang nume fo irne schüeler.. ^^
    biinli, du bisch e geboreni lehrerin!



    Re: Träume

    biinli - 27.04.2005, 13:56


    Hehe.... =)

    Hät de Stolz das würkli mal gseit? Mag mi gar nöd erinnere... Ok, vilicht hani au grad gschlafe, wer weiss ^^

    Vorgester hani au vo Lüütlis us de Schuel troimt, aber nöd normal, sondern in Comic Form. Kei Ahnig werum...!



    Re: Träume

    Woozie - 27.04.2005, 13:58


    de stoll (musiglehrer) mal ide 2. klass oder so...
    tststs biinli du musch ebe amix ufpasse!^^



    Re: Träume

    biinli - 27.04.2005, 14:03


    Aha de Stoll! Ups, han nöd so gnau gläse... :oops:

    Ja ich weiss, aber wänn de Stolz amigs vo irgend öppisem afangt rede, dänn wird ich immer grad so schlöfrig... *gg*



    Re: Träume

    Taipan - 27.04.2005, 14:26


    ^^ han ich guet usgseh in comic-form? Ich han au scho mal troim, ich seg ines Buech inegheit..^^



    Re: Träume

    biinli - 27.04.2005, 14:28


    Hehe, du bisch nöd vorcho, sorry (was eigentlich positiv isch, will es isch en scheiss Traum gsi!)



    Re: Träume

    Taipan - 27.04.2005, 14:36


    Hey, muesch dich doch nöd entschuldige, wänn ich *Tubbel* dä Wäg i din Traum nöd finde..^^



    Re: Träume

    biinli - 27.04.2005, 14:37


    hehe ^^

    Nei, das isch ebe au grad komisch... es sind nur mega wenig us oisere Klass amigs, de Rescht eifach suscht us de Schuel... nja.... :roll:



    Re: Träume

    Taipan - 27.04.2005, 14:59


    was söll jetzt das bedüte..^^ *genauer wissen will*



    Re: Träume

    biinli - 27.04.2005, 15:06


    Neinei, nüt gnoiers ^^
    Ich han d Helfti eh scho wieder vergässe *nach guter Ausrede such*



    Re: Träume

    Woozie - 04.05.2005, 03:58


    chasch ja zumene traumdüüter ga, dem das verzelle, nacher düütet de igendöpis udn wännd glück häsch stimmts ^^ (oder so igendwie hät ois das de stolz doch verzellt oder? ^^)



    Re: Träume

    Taipan - 04.05.2005, 19:45


    @biinli: du häsch i dä letschte 5 biiträg drü mal hehe gmacht..vielleicht hät das öppis mit dim traum ztue..*g*

    ich han hüt znacht vo flügende Melone troimt..*mjam* eini isch mer zwar uf dä chopf gheit..hät rächt dätscht..XD



    Re: Träume

    biinli - 04.05.2005, 20:49


    I de letschte drü Biiträg, Taipan! Das isch als Alternative zumene Smiley oder zu ^^ ", =). Das hät rein gar nüt mit mine Troim ztue!

    Ich mein du machsch nöd weniger XD... und das hät au nüt mit flügende Melone ztue! :roll: :P



    Re: Träume

    Woozie - 05.05.2005, 10:19


    ich glaubs da het jede so es biz sini möldeli ^^
    @taipan: sind d melone wenigstens fein gsi?



    Re: Träume

    biinli - 05.05.2005, 11:10


    *gg* Möldeli isch guet! ^^D Was sött dänn das si? ^^

    @Taipan
    Du troimsch ächt chli komisches Züügs; die Melone hät der natürlich grad müse uf de Chopf gheie! =)



    Re: Träume

    Woozie - 05.05.2005, 11:14


    ...das hett eigentlich sölle mödeli heisse ^^ z.b. ich das ich sovill schriibfehler mach ^^



    Re: Träume

    Taipan - 12.05.2005, 13:28


    Ich weiss XD dass ich XD viel das XD mache! XD ^^ isch halt typisch für mich..und die Melone wäred würkli fein gsi, wänns nöd so verdammt schwer wäret..*Kopf betastet*



    Mit folgendem Code, können Sie den Beitrag ganz bequem auf ihrer Homepage verlinken



    Weitere Beiträge aus dem Forum Untitled



    Ähnliche Beiträge wie "Träume"

    Über Träume im Allgemeinen - martina (Montag 10.04.2006)
    Träume,Probleme,Ziele.... - BIOVIRUSxXx (Dienstag 19.06.2007)
    verrückte träume - eazyberny (Mittwoch 02.01.2008)
    Cécile Träume - Bananas (Sonntag 10.06.2007)
    1.05 - Tödliche Träume - ChantaL <3 (Donnerstag 26.10.2006)
    Träume nicht dein Leben - touched (Dienstag 14.03.2006)
    Ciddchens Träume - ciddchen (Freitag 01.06.2007)
    Schlimme Träume - luette (Freitag 02.12.2005)
    Ruffys Träume - Nami the Navigator (Samstag 19.05.2007)
    ...doch die Träume blieben in Afrika - Biene (Mittwoch 21.02.2007)