Verfügbare Informationen zu "Klassekasse"
Qualität des Beitrags: Beteiligte Poster: Woozie - biinli - Taipan - Gwen - bängeli - Eysha - fischli Forenurl: Klick aus dem Unterforum: Chrüz und quer... Antworten: 31 Forum gestartet am: Sonntag 21.11.2004 Sprache: deutsch Link zum Originaltopic: Klassekasse Letzte Antwort: vor 18 Jahren, 11 Monaten, 15 Tagen, 10 Stunden, 25 Minuten
Alle Beiträge und Antworten zu "Klassekasse"
Re: Klassekasse
Woozie - 29.11.2004, 22:40Klassekasse
Hoi zäme, wärs nöd gschid, wenn mir au irgendwänn sone klassekasse würdet eröffne, will immer die zwei franke oder so würdet sich villicht irgendwenn denn au mal lohne...
Re: Klassekasse
biinli - 29.11.2004, 22:43
Doch das find ich au! Aber dänn müsstemer öppert ha wo die "verwaltet".
Hey, mega cool dass du dich häsch chönne aamälde!! Juhui!!!!
Re: Klassekasse
Taipan - 30.11.2004, 16:47
DAs find ich au..aber mir hettet dänn immer sproblem mit äm Gäld..oder söll das eine diheime ha und eifach dä Rescht det i d`Kasse tue? Das brucht ebe viel Vertraue..
Re: Klassekasse
biinli - 30.11.2004, 22:00
Ja, es bruucht scho Vertraue, aber ich dänk das hämmer, oder?
Und suscht chömmer no öppert bestimme wo alles ganz genau uufschriibt... dänn merkt mer schnäll was Sache isch...
Re: Klassekasse
Woozie - 30.11.2004, 22:48
Ich denke, mir chönntet äfach öper bestimme wo die kasse denn dehei hät (dass sie nöd gschtole wird) und... ufschribe muss mers ja au nöd umbedingt will e soo fescht berichere chan mer sich mit 2franke ja au nöd... und ich glaub mir söttet no gnueg vertraue ha zu öperem us oisere klass, und eifach glaube, dass de ois nöd s züg chlaut.. oder was meined ihr?
Re: Klassekasse
Gwen - 30.11.2004, 23:09
ich finds scho e lässigi idee aber mir sötted ois zerscht glaubs au mal fröge für was mir überhaupt sone kasse würded alege...
Re: Klassekasse
biinli - 01.12.2004, 18:22
Ich dänk mer mus ja no nöd haargenau wüsse was mer demit wott mache... das ergit sich ja dänn spontan wahrschinli! Vilicht Uusflüg oder so öppis? Eifach was grad aktuell isch.... und wämmer si nöd bruuchet chammer si ja wieder uufteile!
@ Woozie
Ja, ich dänk scho au dass mer gnueg Vertraue händ.... isch nur so en Vorschlag gsi, für de Fall wänn nöd *smile*
Re: Klassekasse
bängeli - 01.12.2004, 19:46
aso ich find klassekase cool... eusi i de alte klass hemer es konto gha und am afang het de herr sottile mal epis drufzahlt, als klasselehrere.....
sproblem isch nur gsi, dass mir ned gwüsst hend was mache demit, so hend mer eusi party zahlt und de rest vom geld ufteilt, isch chli blöd gsi...
Re: Klassekasse
Gwen - 02.12.2004, 18:03
genau das han ich ebe gmeint... die wo uf rom gönd nächscht jahr chönted sich villicht det öpis leischte aber das isch ebe wieder chli blöd will halt nöd di ganz klass debi isch (ich find es sött scho di ganz debi si! nöd?)
cu
p.s. bin off, muess no s gschicht go mache -.-
Re: Klassekasse
Woozie - 02.12.2004, 18:49
Mer chönnt ja mal demit afange, dass öper das geld eifach mal isammled und ufbewahrt und wänn s denn fil isch, denn chönnt mer überlege ob mer es konto oder igend so öpis will mache. und ebe, im schlimmschte fall teilemers denn hald eifach wieder uf.
ganz konkret gfrögt: gits freiwilligi, wo das mal würdet mache, mer chan ja immer no igendwänn wechsle, wenns öperem z vill wird oder so.
Re: Klassekasse
Eysha - 03.12.2004, 19:16
ich find ja klassekasse scho guet. aber wenn mir bestimmt öppis wänd underneh, dänn chönd mirs ja direkt zahle! erstens hetted mir dänn käs problem mit em isammle und so , aber zweitens chunnts eim denn halt uf einisch ganz vill vor! was meined ihr?
Re: Klassekasse
Taipan - 03.12.2004, 21:03
Also ich bin für ä Klassekasse..i vier Jahr chunt sicher no ziemlich öppis zäme und mir chönted ja mal zäme öppis unternäh..ä Party mache oder so. Und als Notlösig giengti das mit äm ufteile immerno...
Also ich mach das mit dä Kasse dihei scho...ich hoffe mal, ihr vertrouet mir. XD Aber wänns öpper unbedingt mache wett, channers scho ruhig au mache..*zwinker* Mir isch es glich..^^
Viellicht wämmer eus au mal öppis fürs Zimmer poschte oder so..oder d`Jetzer hät Geburi? XD Eus fallt sicher öppis i, wo mer mit däm Gelt chönti mache.. mir händ ja no knapp 4 Jahr ziit.
Re: Klassekasse
Gwen - 09.01.2005, 19:23
und wämer nach vier jahr (jetzt dänn nur no 3.5, mensch gaht die zit schnäll verbi!) immer no nüt gmacht händ (was ich allerdings nöd hoffe) chömer am schluss en coole abschlusstag/ -fäscht /-etc. mache. also taipan ich hetti nüt degäge wänns du würsch überne!
Re: Klassekasse
Gwen - 09.01.2005, 21:02
mir isch da no so en vorschlag cho: wänn das z stand chunt wäg de klassekasse sötted mir vorher no so es paar sache abmache, wie zum bispiel: was machemer wänn öper us de klass usegaht? kriegt de sin bitrag dänn zrug oder nöd? und wänn öper neus inechunt? muess dä dänn eifach die vorherigi zit au zahle oder nöd? isch er integriert?
nöd dass ich die sache hoffe wür oder so (vor allem s erschti nöd) aber ich glaubs wämer das vorher abmached gits nachher dänn kei strit und so.
händ ihr au no so sache womer müessted im vorus bespräche?
Re: Klassekasse
Taipan - 12.01.2005, 22:59
Wichtig isch, dass mir mal öppis machet! Ich luege mal, öb ich das thema i dä übernöchschte studiumstund chan bespräche mit allne! (i dä näcchschte chömed ja die studieberater, dänn gahts nöd).
Re: Klassekasse
Gwen - 13.01.2005, 17:57
morn hämer am morge studium und am namittag franz, oder? viellicht chömer sie ja dänn i de nächschte franzstund fröge wänn de woozie au debi isch.
Re: Klassekasse
biinli - 13.01.2005, 17:57
Ja aber frög mi nöd werum, das hanimer scho gar nöd chöne merke ;-)
Re: Klassekasse
Taipan - 13.01.2005, 18:47
Wäred ihr eher für än "Klassekasse" oder für äs "Klassekonto? (ich chan leider kei umfrag mache imene alte thread wo nöd vo mir isch..^^)
Re: Klassekasse
fischli - 13.01.2005, 19:09
Klassekonto fin ich besser! Denn chan jede überwiese wenn er luscht het! :D au d'Lehrer! :P
Re: Klassekasse
fischli - 14.01.2005, 19:51
Ich han na mit minere Schwö gredet wäg em Konto (sie schafft uf de Bank). Sie het gseit mer chönged das nöd elei eräffne. Meischtens muess das en Lehrer mache. Oder mindeschtens öper wo 18ni isch. Wenn en Lehrer wür ich scho d'Frau Jetzer vorschla. Was meineder?
Re: Klassekasse
Taipan - 14.01.2005, 19:59
Dänns chunts no drufa, bi wellere Band mir das Konto ufmachet..^^ Aber ich wär au eher fürs Konto..
Re: Klassekasse
fischli - 14.01.2005, 20:02
Ja das isch klar...
Re: Klassekasse
Gwen - 28.01.2005, 20:48
also taipan ich glaubs mir mached das konto am beschte binere bank uf ^^ also ich han jetzt mal die 124 Franke wo mir d frau ruloff ge häd und ich glaubs es wär au am beschte wämer es konto würdet eröffne. ich han ja hüt nomal d frau jetzter gfrögt wäg em bespräche und das chöntemer ja eigentlich am dsischtig i de franzstund mache, nöd :D
Re: Klassekasse
fischli - 12.03.2005, 20:24
Wie gsehts jetzt eigentlich us was d'Klassekasse agaht?
Ich bin vor de Ferie mal na uf d'ZKB go frage. Sie hend eifach gseit weles Konto mer am beschte mache würded (weissi nöd uswändig) und dass am beschte die zuständig lehrerin mitchunt. mer chönd aber glaub au eifach ihre uswiis mitbringe. irgendwie so. es muesses eifach öper erwachsnigs für eus eröffne.
Re: Klassekasse
Taipan - 16.03.2005, 18:09
hm..sölletmer dfrau jetzer no mal wäge dem konto ahaue?
Re: Klassekasse
fischli - 16.03.2005, 20:51
ja warum nöd. morn zum bieschpiel!
Re: Klassekasse
fischli - 27.04.2005, 11:13
kännt irgendöper de aktuelli stand wäg dere klassekasse? chunt da jetzt überhaupt öpis zstand?
Re: Klassekasse
Taipan - 27.04.2005, 11:50
ich han leider kei ahnig @fischli..mir söttet viellicht nomal öpper ahaue..
Re: Klassekasse
fischli - 27.04.2005, 11:58
@taipan: wer meinsch? aso d'mirj oder d'crisi oder so?
ich han ja mal uf de zkb gfragt und hans denn au da is forum gschriebe, aber irgendwie hets nür gnützt...
Re: Klassekasse
Eysha - 03.05.2005, 22:28
Also ich würd au säge, dass mir da mal öppis mached. Irgendwie isch da no nüt so richtig zschtand cho.
@fishli: Wenn du genau weisch weles Konto uf de ZKB und mir DFrau Jetzter würded ahaue, wär ja sProblem glöst! Mir chönd das ja zRom mal no beschpräche!
Re: Klassekasse
fischli - 04.05.2005, 09:50
ja am beschte redemer scho mal mit de frau jetzer. denn nimm ich mal so es büechli mit!
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Untitled
Ähnliche Beiträge wie "Klassekasse"