Verfügbare Informationen zu "WELAT RA TAYÊ ZARAVEY"
Qualität des Beitrags: Beteiligte Poster: dersim Forum: DERSÝM-ZAZA ARÞÝVÝ Forenbeschreibung: Dersim-Zaza Platformu aus dem Unterforum: NUSNEY : YAZILAR Antworten: 2 Forum gestartet am: Dienstag 05.12.2006 Sprache: türkisch Link zum Originaltopic: WELAT RA TAYÊ ZARAVEY Letzte Antwort: vor 17 Jahren, 4 Monaten, 25 Tagen, 6 Stunden, 9 Minuten
Alle Beiträge und Antworten zu "WELAT RA TAYÊ ZARAVEY"
Re: WELAT RA TAYÊ ZARAVEY
dersim -WELAT RA TAYÊ ZARAVEY
Mesela Hesê Budelay u Miri
Heso Budela ve Miri ra
Heso Budela ya ki Heso Qardas, Lolızo, hetê Pulêmeriye rao. Heqa Miri de qesey kerdo, cı ra qesey vatê . Ni qesey sonê, resenê gosê Miri.
Rozê, Mire Hesê Budelay dewe de pêy cêno. Vano, “lazê kutıki, to çıko heqa mı de qesey kena? To zanena, mı heqa to de qerarê merdene (darde kerdene) veto?”
Heso Qardas vano: “Ağa, Hes budelao, ravêr têpa qesey keno. Hama to de qe adalet çino? Coru ceza nianêne bena?”
Mire, tenê fikirino, vano, “mırê gaê biya to efkeri.” Heso Budala vano: “Ağa, to de qe meremet çino? Hes feqıro, koti ra gay bıvino? Hama wad bo khe, torê kavırê biyari!”
Mire vano: “Peki! Key ana?” Heso Budela vano, “wertê ses asmi de anu.”
Roji vêrenê ra. Heso Budela, khaviri berdene, keno xo virri ra. Rozê, yeno ra virri. Cêniya xora vano, “khavıri tever ke, bicêri, şêrri.”
Heso Budela khavıri cêno, sono. Eke kuno nejdiyê dewe, zırçeno, qırreno, vano: “Vozdê, dano sımare?” Xızmetkari, vozenê, sonê, xevere danê Miri.
Vanê: “Heso Budela khavırê têy ro, hao dot ra yeno.” Mire vano: “Şêrê xo wedarê, Hesê Budelay khe, khavır kerd gore, sıma bıtırê, berê, wedarê.”
Heso Budela, khavıri erzono gore, sono lewê Miri, vano:
“Ağa mı khavırê to ard.”
Mirê vano: “Lazê kutıki, ses asmi vêrdi ra, xona ame ra to virri.”
Heso Budela vano: “Ağa, Hes feqıro, mı xundê di.”
Mire, xızmetkaranê xora vano: “Ero, ala şêrê, qaytê khavıri kerê, seneno?” Xızmetkari sonê, pêyser yenê, vanê: “Ağa khavır, mavır gore de çino.” Mirê, hêrs beno, zırçeno, vano: “Ero, lazê kutıki, to mı qan kena, khavır kuyo?”
Heso Budela:
”Ağa, fısqi ağme meke!
Khavırê mı, vorekê miyo,
Asma payıza werti de biyo.
Mı khe na diyar de ard,
Der u cirananê to, pêrune diyo,
Gora to ra khe tıriyo,
Qe thalasê mı de niyo” vano, wurzeno ra sono.
Çıme: Mıstafaê Keşki
Nustoğ u qeydkerdoğ: M. Tornêğeyali
Tarıx u ca: Amnan 2002, Miandonıke/Mazra Sılemanu /Pulemoriye
[url]: http://f25.parsimony.net/forum62148/messages/23037.htm
Re: WELAT RA TAYÊ ZARAVEY
dersim -PIR ve KUNDEZÊ GOSTI RA
Pir ve Kundezê Goşti ra
Rozê qurvan kenê. Khevaniya çêyi bena lozıne de gost pozena.
Bava, talıvê xo ra pers keno, vano: Nêro, gost sebi?
Talıv vano: Ma talıva to, hawa têw dana.
Bava vano: Ala şêri, a dele sekena?
Bava sono bonê zerri, vano: Talıvi, halê goşti çutıriyo?
Talıve vana: Piro, ala tikê tham ke, pêso ya ki nêpeso?
Talıve, kundeji zerrê lêy de feletnena, dırê tiku vezena, piri rê kena derg.
Pir vano: Dele de niade! Nêrê, ala gapıra xo bıçarne, lewê pırani.
Talıve vana: Piro, musadê tora, vınde ni goşti pêyser hurêndi keri.
Talıve, tiku pêyser kena lêy, kundeji dana we, sarrê piri de dana pıro.
Pir, tenê sanino ra, xo çarneno, pêyser sono xoda de niseno ro. Nuni anê, nanê ro, buyır kenê: Pir, herediyo, hurênda xora nelewino.
Mordemi vanê: Piro, de hayde, to serê vındeme, kerem ke. Piri ra wuncia veng nevejino. Wo taw, khevaniya çeyi vana: Sıma sıfte kerê, burê! Pir mırdo. Çıke, sata bine, dı kundezê xuyê hewli werdi.
Çıme: Mıstafaê Keşki
Nustoğ u qeydkerdoğ: M. Tornêğeyali
Tarıx u ca: Amnan 2003, Mazra Sılemanu /Pulemoriye
[url]: http://f25.parsimony.net/forum62148/messages/23024.htm
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum DERSÝM-ZAZA ARÞÝVÝ
Mehmet Bayrak ile Söylesi - gepostet von dersim am Dienstag 31.07.2007
Koê Milpeti_Milpet Dagi - gepostet von dersim am Sonntag 23.09.2007
Dersim’e Savasi Dayatanlarin Hedefi Nedir? - gepostet von dersim am Mittwoch 24.10.2007
Ähnliche Beiträge wie "WELAT RA TAYÊ ZARAVEY"