Verfügbare Informationen zu "Japan"
Qualität des Beitrags: Beteiligte Poster: ai-phuong Forum: Forum 4mb 2006 Forenbeschreibung: Eifach nur es Forum vonere Ex-Kantiklass us Ffeld aus dem Unterforum: Bilder Antworten: 1 Forum gestartet am: Samstag 10.06.2006 Sprache: deutsch Link zum Originaltopic: Japan Letzte Antwort: vor 17 Jahren, 7 Monaten, 23 Tagen, 7 Stunden, 18 Minuten
Alle Beiträge und Antworten zu "Japan"
Re: Japan
ai-phuong - 02.09.2006, 17:16Japan
hey zäme! sodeli das isch etz min zweit versuech zum endli än iitrag i dem forum mache :) woni dä iitrag vorher han welle abschicke isch uf zmol alles weg gsi :( jenu etz probieris halt nomol...
wie die meischte wohrschienli wüssed bini jo dä summer in japan gsi, v.a. zum mini kollege go bsueche abr i bi natürli au biz go umereise zum au was vo japan zgseh... und s'hät mer echt mega gfalle... äs isch eifach alles andersch det und i han immer wieder müesse stune ab chlinigkeite wo für mich eifach fremd gsi sind... uf jede fall isch japan eifach hammer gsi und i chas nume wiiterempfehle... :)
a mim erschte tag in japan bini mitem kolleg und sinere mum ines sogennants "sushi train" restaurant gange... do häts eifach äs meeega langs laufband mit ganz vil verschiene sushi druf und mer chan alles neh wo mer gad luscht druf hät... meeega fein, abr nüd für söttig wo nöd gern rohe fisch händ :)
das isch eifach än zug in tokyo... im moment ischer zimli leer aber wenn rush hour isch, isch voll krass... s'isch mega eng und du häsch chum platz zum di umtrülle... :) und ab däne werbeplakät hani au mega müesse lache... typisch japan halt :)
a dem tag bini mitem kolleg vom kolleg chli go tokyo aluege :) das isch dä yasukuni-shrine... vo dem händer villicht au scho ghört. äs hät jo äs mega züg geh mit china wil dä japanisch premierminischter det ane isch go bätte...
was i a japan au so quul gfunde han, sind die plastikmodell vom ässe wos i dä schaufenschter vo dä meischte reschtis hät... so weiss mer immer was mer isst und chan au zässe bstelle wenn mer kei japanisch cha :)
und no öppis anders wo voll gäbig isch: s'hät überall so automät wo mer alles cha chaufe, vo getränk bis zu instantnudle :)
min brüeder und sin kolleg sind jo au öppe zur glieche ziit in japan gsi, abr eifach selber chli go umereise... mir händ üs eifach mol für äs paar täg troffe und sind under anderem as matsuri i dä stadt vo mim kolleg gange... wüsseder no vo vo üsem relivortrag über shinto was äs matsuri isch?! :) s'isch eifach äs traditionells dorf- oder au stadtfescht wos ganz vil tanzed und ässed :) d'muetter vom kolleg hät mi extra no japnisch iikleidet zum a das matsuri goh. dem chleid seit mer yukata und d'schueh däzue hettet mi schier umbrocht wils öppe 2 nr zchli gsi sind :)
das isch dä "atomic bomb dome" in hiroshima... gad über däre ruine isch dozmol d'atombombe explodiert... mir sind au no is museum gange und äs isch zwor mega iidrücklich abr au voll krass gsi zum läse was mit all däne mensche passiert isch wo dävo betroffe gsi sind...
das isch än berüehmte tempel in kyoto (die alt kaiserstadt). kyoto dörf mer uf kein fall usloh wenn mer in japan isch... und das maitli isch die chli schwöschter vo dä kollegin wo au gad mit mir id schwiiz cho isch woni heigange bi... sie hät umbedingt s'heidihuus welle go aluege und i ha doch bis dänn überhaupt nöd gwüsst dasses so öppis überhaupt git i dä schwiiz *schäm* :)
und karaoke dörf mer natürli au nöd verpasse wenn mer in japan isch :) d'japaner liebets... i han zwor nix verstande abr s'isch gliech quul gsi zum zuelose...
und do simmer bi dä grosseltere vo dä kollegin uf bsuech gsi... si wohnet imene tradtionell japanische huus mit tatami-mattene, schiebewänd und so... und gässe wird natürli ufem bode :)
so i hoff diesmol klappets mitem iitrag und hoffentli händer au än chline iidruck vo japan übercho :)
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Forum 4mb 2006
Franzoesisch Lehrmittel "On Y Va" - gepostet von Ai-Linh am Dienstag 22.08.2006
halli halloechen!!! - gepostet von steffili am Dienstag 24.10.2006
happy börsdei karin und yves - gepostet von bone am Mittwoch 20.09.2006
Sibiu [3. - 9. September 2006] - gepostet von Sebe am Dienstag 05.09.2006
Ähnliche Beiträge wie "Japan"
Japan-Tag - Taiki (Montag 02.04.2007)
Delfin mit vier Bauchflossen vor Japan entdeckt - infoshark (Montag 06.11.2006)
GW2 - Elkrim (Donnerstag 11.10.2012)
wie heißt das japan. arschfingerspiel?? - basti (Samstag 11.11.2006)
16.09.2007 Spiel Gegen FC Reds (Japan) - Siul-Mie (10) (Montag 03.09.2007)
Nintendo WII in Japan - Phantom (Dienstag 05.12.2006)
ABBA Set Coloured set from Japan! - Maxi-saxi (Montag 19.02.2007)
additional performance (Listen Japan) (11/30) - mocchi (Dienstag 21.12.2004)
Japan Drifting...... - raziofarm (Mittwoch 15.11.2006)
What is IN in Japan? - lilysan (Sonntag 01.07.2007)