Verfügbare Informationen zu "ziit zum dra schaffe ?"
Qualität des Beitrags: Beteiligte Poster: casper - miri - Sarah - philippowitsch Forum: Churwalden - August 2006 Forenbeschreibung: Die zweite Erlebniswoche in der Bündner Bergluft aus dem Unterforum: Vormatur / Maturarbeit Antworten: 8 Forum gestartet am: Dienstag 08.08.2006 Sprache: deutsch Link zum Originaltopic: ziit zum dra schaffe ? Letzte Antwort: vor 17 Jahren, 8 Monaten, 16 Tagen, 8 Stunden, 19 Minuten
Alle Beiträge und Antworten zu "ziit zum dra schaffe ?"
Re: ziit zum dra schaffe ?
casper - 08.08.2006, 22:59ziit zum dra schaffe ?
dä fidi hets im mail atönt - wie söllemer das mit de beidä projekt mache, wo jede vo üs (recht individuell) het...
ich hans nöd vor, a dä maturarbet zschaffe (suscht brüchti au min compi), hingege vormaturä hetti wohl bitter nötig - sött entli mal chli dähinder, wills in churwalde wohl wider so wird usächo, dassmä geistig nöd so mag, stets chli abglenkt isch unds eigentlich sehr viel alternativä gäbti...
vo mir her chäntemer allgemein üses churwalde-läbe insofern umstellä, dassmer villicht am aabig nuna zwei dvds lueged und dänn am morgä mal ufstönd (ich weiss scho, dassi meistens am längschte ligä blibä bin...). so hettemer nachem zmorgä ziit zum individuell schaffe (morgen stund hat gold im mund - da magmer ehner na), dänn öppis zmittag brouä und nachher öppis a dä frischä luft (oder dinä) undernä. selbstverständlich wür dä arbetsmorgä wegfalle, wemer üs entscheided, ufs rothorn ufäzlaufä... :)
also: wie gsends ihr so ?
(namal miini sicht: ich wär eigentlich froh, chännti chli lernä, doch bimmer durchus bewusst, dassi dänn bis endi wuchä wohl doch nöd sooo viel für d'vormaturä wird gmacht ha - doch das hanget halt recht vom klima i dä wohnig (= the mood under eus) ab...)
Re: ziit zum dra schaffe ?
miri - 09.08.2006, 00:09
also ich gib da mal inere vulkanartige explosion vo villne guete sache wie zum bischpil kreativität, produktivität, enere sichere infrastruktur und natürli banane mini meinig ab. nöd das ich nach so vill gschiide wort wo durchus an lessing erinneret no wüssti was de casper gschribe hät. aber ich gib mir müä.
um was gaz?
genau.
aso ich bin au de meinig das jede sochli a dem schaffe söll woner luscht hät. ich wird mir warschindlich ganz vill vorneh imene afluug vo maieschtätische vorhabe vor emene grosse schtapel büächer sitze und mir schlau gnueg vorcho das ich denn e drü stündigi pause mache.
zum himmlische zitat vowägä was de morge so alles im mund hät. bitte casper, im mund hämmer denn di divine gipfeli wo de phidi mit ph und ich ohni jott am früäne früäne morge gönd go poschte näbt em glitzerige bergsee im tüüfe dunkle tannewald.
ömm. das wärs glaub. ich bin am afang für anti-gegesiitig-stress gsi und drum gägä vormature, aber ich bin total au nonig ganz fertig. hähämm. ich verschieb mini kreativität mal ines anders board, sgitt sich no vill intressants won ich chönnti dur mini glohrrichi präsentz usschmücke.
hui isch das lang ich mag nöd dureläsä. värgäbed allfälligi schriibfähler.
Re: ziit zum dra schaffe ?
Sarah - 09.08.2006, 15:56
aso ich wott ja nüt sägä aber MIRIIIIIIIIIIII!!! weli bratpfanne hät dänn dich überfahre?!?! du tönsch wines ross wonach ii-aaaah LiiHeiii gat.
*räusper* zum thema:
bin au de meinig es sötti ruum gä zum schaffe, zum sini persönlichkeit entfalte, dänn i jedem meitli steckt en schwan, wo nur druf warted sini flügel uszbreite und devozschwebe...
Okei de isch klaut gsi.
aber findau am abig so öppä ungefähr um die zwei dvds umenand, morge zitig ufschta, (zitig laht viiiel ruum für dini goldige interpretatione, gäll miri :P) dänn nacheme PhiMiPhi program locker flockig dur de tannewald röchle (immer gleitet vo eusem untrügliche orientierixsinn), nachher mit de wohlduftende wohlverdiente wohlfeile taschentüchertorten (alias gipfeli) heigurke (miri machemer mal es hiphop battle?) und die dänn am liebevoll deckte zmorgetisch gnüsse.
aja und nachher diskret schaffe, jede/jedi das wo sis/ires Herz/In begehrt, villich bis zum feine delikate zmittag (sprich früäne namittag), dänn chömmer am nami sälber tschillig öppis undernä und eus nachher wider em würklich wichtige widme: de dvds.
Re: ziit zum dra schaffe ?
casper - 09.08.2006, 17:02
hei sarah !
gsesch eigentlich, um welli ziit das d'miri gschribä het ?!
das chan na halbwegs als entschuldigung anehebä - aber bi dir... :roll:
zudem hani dank dinrä grossartigä entfaltig vo schönä wort usägfunde, wieso nur meitli chönd schwan-ger wärde und buebä nöd... :lol:
aalso - mit dem bitrag isch das thema da definitiv uf dä holzweg cho, ich muessmer langsam d'schlüssig vo dem überlegä... :wink:
Re: ziit zum dra schaffe ?
philippowitsch - 09.08.2006, 18:06
ich lahn eu ja in ruä annähärndi wortwitz und suschtigs chrüsimüsi schriibä - abär äs wird immer schlächtär... :D (sori)
Re: ziit zum dra schaffe ?
casper - 09.08.2006, 19:56
aber er isch soo schlecht, da ischer fast scho widär lustig... :wink:
Re: ziit zum dra schaffe ?
philippowitsch - 10.08.2006, 10:45
wiäauimmer :wink:
i dem fall isch niämert untröschtlich betrüäbt, wänn ich mini vormaturunderlagä - wobii underlagä ja immer d'möglichkeit zum öppis drufschtellä übrig laht - mitnimmä?
Re: ziit zum dra schaffe ?
casper - 10.08.2006, 16:48
ich gseh scho - bi eu drü chan sones forum rächti kreativitätsschüb uslösä...
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Churwalden - August 2006
Ähnliche Beiträge wie "ziit zum dra schaffe ?"
Wie schaffen die "das" was ich nicht schaffe? - Julia7 (Sonntag 25.12.2005)
Schaffe - firen87 (Dienstag 16.08.2005)
Ich han nöd so viel Ziit ghaa zum früäner is Forum zschribä. - Anonymous (Donnerstag 19.08.2004)
FUSION mit DRA - Snowking (Sonntag 07.11.2004)
DRA - fat_albert (Montag 08.11.2004)
Fusion mit DRA - Anonymous (Montag 08.11.2004)
Schaffe folgende Aufgabe nicht - chefedelabossi (Mittwoch 06.12.2006)
Ob ich heute schaffe - martina (Sonntag 21.05.2006)
Hoffe ich schaffe es - Bugox (Donnerstag 22.12.2005)
wie ich das immer wieder schaffe..... - killswitch (Donnerstag 11.08.2005)