Ai-Linh in Singapur

Forum 4mb 2006
Verfügbare Informationen zu "Ai-Linh in Singapur"

  • Qualität des Beitrags: 0 Sterne
  • Beteiligte Poster: Ai-Linh - steffili - Janine - Sebe
  • Forum: Forum 4mb 2006
  • Forenbeschreibung: Eifach nur es Forum vonere Ex-Kantiklass us Ffeld
  • aus dem Unterforum: Auslandberichte
  • Antworten: 14
  • Forum gestartet am: Samstag 10.06.2006
  • Sprache: deutsch
  • Link zum Originaltopic: Ai-Linh in Singapur
  • Letzte Antwort: vor 15 Jahren, 11 Monaten, 7 Tagen, 12 Stunden, 25 Minuten
  • Alle Beiträge und Antworten zu "Ai-Linh in Singapur"

    Re: Ai-Linh in Singapur

    Ai-Linh - 12.07.2006, 04:37

    Ai-Linh in Singapur
    hallo alli zaeme

    d'steffi hett scho scho deno verlangt, also hani denkt, machi ihre doch mol die freud und verzell eu echli, wis mir do in singapur eso got.

    aso, min flug isch wuerkli so oeppis vo langwilig gsi, da choender eu gar noed vorstelle! das isch zum teil au a mine sitznochbere glege. ich bin naebed zwei japanerinne gsesse, wo keis wort englisch gredt hend. super! :( naja, mir hend ues probiert mit haend und fuess z'verstaendige. und mit dae ziit bini immer besser drus cho, was sie mir amel hend welle sege. ganz am afang, won och ersch grad abgsesse bin, hends immer uf mini hand und uf min ring zeiged. naja, irgendwenn hani gmerkt, dass sie mi hend welle froge, oeb ich verhuerotet bin... :D jo, und denn hends no anderi normali sache gfroget, wie mis alter, und anderi chli abnormali sache, wie z.B. mini bluetgruppe... :? naja, im grosse und ganze isches scho ok gsi. allerdings hani mit dae ziit chli es problem gha. noch minere uhr (und mim chopf) wo no schwiizerziit gha hend, sind am 5i am nomi d.liechter usgange, damit mer chan schlofe. aso han ich mol agfange chli filmli luege (ou jo, ich han en eigede bildschirm vor mir gha, woni us oeppe 40 film han choenne uswaehle, und game hani grad au choenne! :D ), und wo ich so geg die 12i znacht langsam mued worde bin, sind scho wieder alli liechter agange und s'hett gheisse: good morning, we're soon arriving in singapore. super! :( naja, denn hani eifach a mim erschte tag in singapur chli muesse mit muedigkeit kaempfe.
    mittlerwile hani mi aber ganz guet iglebt, und au aklimatisiert. woni zum flughafe usecho bin, hani naemli als erschtes grad mol muesse pulli abzih und scho nochere viertelstund bini platschnass gsi. :) jo, aso vom wetter her channi mir wuerkli nid beklage, s'isch echt hammer do! ich chan z.B. am morge vorem zmorge wenni wett no schnell in pool gumpe, oder ich chan au z'obig am 10i no in pool, un dich han eifach nie chalt. ich glaube, die kenned das wort fruere do gar noed. :D
    jetzt bini also scho meh als ae wuche do. i dere ziit hani allerdings eifach mol chli ferie gmacht, und sus no nued bsunders. mini familz hett mich mitgno uf dae maert, oder zum shopping und hend mir zeiged wie die oeffentliche verchehrsmittel funktioniered. do hetts sowas aehnlichs wie d'Metro in paris, isch mega gaebig. ei mol bini mit minere cousine mitm bus heicho. denn hemmer muesse ueber sones feld heilaufe. denn seit sie zmitzt ufm feld zu mir: muesch denn ufpasse, do hetts schlange, die sin giftig! :? ah, mein gott, hett sie da doch gschider ersch gseit, wemmer scho durchs feld drue gsi waered. naja, mittlerwile bini au scho aellei det dure gloffe, und han aso no kei schlang gseh. sie hett mir gseit, sie hett i dene 7 johr wo sie etz scho do isch au ersch 2 mol eini gseh... :)
    mit dae schuel gots huet fuer mich los. und ab denn jede tag am nomi vo 13:00 bis 16:00. und paropos schuel: ich bin ei mol bi mim cousin idae schuel go luege, wies eso isch, und eimol bi minere cousine. bim cyrill isches eigentli recht easy. er got a irgendsone schuel, die chunnt no vor dae uni. (ich weiss noed so gnau, wie do s'schuelsystem funktioniert), aber bi minere cousine isch es denn aso scho recht taff gsi. am morge hend alli muesse i ihrer klass inere reihe stoh, denn d'Nationalhymne singe, denn d'hand as herz und irgendsonen schwur gegenueber singapur ufsege. voll krass, und das jede morge!! naja, und zum det here go hani natuerli muesse schueluniform alege... :D
    s'esse do isch eifach fantastisch ich chan gar noed gnueg devo becho. es git eso food-stalls, die sin dmeischtens rund. do cha mer uf allne siite bi staend go luege was die zum esse abuetet, gots denn go uswaehle un idae mitti hetts ganz vili tisch wo mer denn cha esse. und s'esse isch au mega guenschtig. fuer ein teller zahlsch so 2-3 dollar, das sind oeppe 2 fr. au susch is singapur zum teil recht guenschtig. zum bispiel bini go hoor schnide fuer nur 14 dollar, das sind oeppe 12 fr. (ich tuen denn no es bild dri, muender denn halt bi "bilder" go luege.) und zum zahnarzt chasch au guenschtig go do. daefuer sind d'chleider oeppe glich wie idae schwiiz. villicht es mueh guenschtiger, aber oeppe glich. muend aso noed denke, dassi etz do eifach tonnewiis chleider gang go chaufe! :D
    bi minere verwandschaft won ich wohne, hends ae chatz! :D und die liit normalerwiis immer uf dem sofa, wo etz mis bett isch. das hett mir idae erschte taeg es paar schloflosi naecht bereitet, wil sie zmitzt idae nacht um min chopf umegschliche isch und mich gweckt hett. aber mittlerwile gots ganz guet, ich chan sie au scho aellei usem bett ruehre, und ich han sie au scho gstreichlet (was dae marc worschinli chum glaube wird, drum loni mi noechschtens mol daebi fotografiere, dasser au dae bewiis daefuer hend! :D )
    ihr gsehnd, mir gots ganz guet do, naja, dae stoeffel vermissi natuerli mega, da isch jo klar. aber mit tuend immer mol wieder skype, so got da scho! ich wohn etz wuerkli scho do, ich han en eigede schluessel, ich han ae sim-chart fuer mis natel, ich stiig feng nueme uf dae falschi siite i, wenni neumed im auto mitfahr... :D

    ich hoffe, ihr hends alli au guet un verbringed ae gueti ziit! ich schriebe sicher wieder emole und verzell eu chli, was ich do so mache. und tuen au ab und zue mol wieder es foti dri.
    ihr doerfed mir au gern zruggschriebe, maile, msn, was au immer, ich wuer mi freue. wegem msn muender eifach die 6stund ziitverschiebig mit iberechne. aso, ich bin 6 stund vorus. d.h. wenn ihr morge am 6i hend, han ich mittag am 12i. :)

    ok, macheds guet, hebed spass, und trinked noed z'vil bier am bone sinere party! :D

    en ganz liebe gruess a eu alli und melded eu mol wenner luscht hend!
    ai-linh

    ps> sorrz, wenns es paar tippfehler soett drin ha, isch chli en anderi taschtatur und y und z sind vertusched... :)



    Re: Ai-Linh in Singapur

    steffili - 12.07.2006, 16:43


    oooh DANKE FÜR DIN BRICHT!!!

    mis herzli hetts grad wieder ufgwärmt mit erinnerigä vo neuseeland ;)... so dä linksverkehr, schuel uniform... verständigungsproblem, y und z sind vertuscht... hahaha... isch doch eifach herrlich :D

    schrib also schön witerhin vo dine erlebnis!! wött ALLES wüssä hehe

    liebs grüessli,
    steffi

    ps. augen und ohren auf ;) und eifach gnüüüssä... und seinzig guete a ef (minere ustuschorganisation) isch dä folgend spruch xi:

    ITS NOT BETTER, ITS NOT WORSE, ITS JUST DIFFERENT!!!! :D



    Re: Ai-Linh in Singapur

    Janine - 12.07.2006, 20:02

    En coole Bricht...
    Hey Ai-Linh,
    das tönt nach viel Spass in Singapur...:-)
    Ich hoff, du chasches chli gnüsse....;-)
    Freu mi au uf wiiteri Bricht, wär au gern wiit weg...:-(
    Liebs Grüessli nach Singapur...
    Janine



    Re: Ai-Linh in Singapur

    Ai-Linh - 19.07.2006, 14:26


    Teil 2

    Hallo alli mitenand!

    sooo schnell vergot d'ziit, und scho bin ich fascht 3 wuche in singapur. es gfallt mer mega guet do. s'wetter isch immer glich warm, da isch eifach super, s'esse isch eifach immer no fantastisch und d'luet sind sowieso alli mega nett zu mir.
    jo, mitem wetter, do gots mer langsam scho so wie dae "locals". i dae MRT (das isch sowas aehnlichs wie d'metro in paris) und im shopping center hani immer mega chalt, wills jo dete aircon hett. naja, und wills au bi mir idae schuel immer abekuehlt isch uf weiss noed wie viel grad, mueni immer entweder en pulli mitneh oder en schal, zum um mich um binde. (ich weiss, dass toent etz luschtig, isch aber so. :D )
    apropos schuel, ich glaub ich han im letschte bricht scho vo minere schuel verzellt. ich bin jo etz au scho ae wuche lang dete, und es gfallt mer guet. jawohl, es gfallt mer, au wenns schuel isch. :) ich han zwei verschiedeni lehrerinne. immer am MO, MI und FR eini, und die ander am DI und DO. die vom DI und DO hani noed so gern. erschtens verstoni keis wort, wenn sie mit mir englisch redt. grad geschter hett sie mir oeppis probiert erchlaere, und am schluss hett sies muesse ufschriebe, damit ichs verstande han. (zum bispiel hett sie s'wort "soil" usgsproche wie [scheul]) aber dae anderne vo minere klass gots genau glich bi dere lehrerin. aber sus so im grosse und ganze isch d'schuel wuerkli guet. es macht mer vor allem mega spass zum chinesisch lerne. und ich chume au recht guet vora. ich han jo etz scho ei wuche schuel gha (aso, willi zwei lehrerinne ha, hani au zwei verschiedeni lehrmittel) und ich bin scho bi lektion 7. und s'isch au keis muesse, wenni etz huusufgobe han. ich sitze amel richtig gern here nochdae schuel, und tuen chli uebe. es git sogar so extra heftli, mit so quadraetli, wod chasch chinesischi schriftzeiche uebe, woni mir kauft han. und vor allem, so noch dae schuel chli am pool hoeckle und lerne isch mega easy. :D ich han au mega quuli luet i minere klass. aso, sie wechslet eigentli immer chli. z.b. am DI und am DO simmer immer mit dene luet, vo nur so zwei mol idae wuche choemed, und au sus under dae wuche choemed immer mol wieder es paar, oder es paar choemed eifach nuem. ich chum mengisch au noed so ganz drus. :D aber s'hett oeppe 3 wo eigentli immer fix choemed, und mit dene hanis immer voll witzig. di eint isch us kanada, wohnt allerdings scho es ganzes johr in singapur. mit ihre hani eigentli am meischte z'tue, gang zum bispiel au no ab und zue noch dae schuel mit ihre chli go umezieh.
    denn hcanni eu verzelle vomene verehrer vo mir. und zwor isch das folgendermasse gsi: (dae sebe kennt gschicht scho :D ) ich han dae (das isch en kolleg vom cyill, sit dere gschicht seit er zwar nu no, es segi en ex-kolleg :D und er heisst david) s'erscht mol im bus kenneglernt, woni mitm cyrill id schuel gange bin, go luege, wies so isch dete. s'zweite mol, det isches oeppe eifach wuche spoeter gsi, will det isch min und em saemi sin erschte schueltag gsi. ich bin det am morge no mitgange, zum am saemi zeige, wo dure, dass er muess id schuel go. und ebe, dete im bus, hemmer dae wieder troffe, hend chli gredt, und er hett noch minere natelnr. gfroget. ich han denkt, da isch keis problem, isch jo guet, wenn me oepper lokals kennt, wo eim chli cha zeige wie wo was lauft, und daebi channi grad no chli profitiere vom englisch rede. er hett mer aso scho a dem tag agfange sms schriebe und isch am obig, wo dae saemi und ich im pool gsi sind au churz verbi cho. er hett mich denn gfroget, oeb ich luscht hegi am obig no was z;mache, ich bin allerdings mued gsi, han welle frue is bett (wuerkli :D ), denn hani denn es sms vonem zrugg becho, det isch gstande: "it's gonna be a boring night". ok, det hani denn s'erscht mol noed so recht gwuesst, wan ich etz vo dem typ soell halte. am noechschte tag isch die smslerei wiiter gange, und er isch an pool cho, wo dae saemi und ich det gsi sind. er isch mir denn immer noecher cho, und hett immer ganz unnuffaellig under wasser koerperkontakt gsuecht. mir isches denn chli unheimlich worde, und ich han am saemi gseit, mir goend. bevor mir gange sind, hettermi gfroget, oeb mer huet obig daefuer oeppis mached. ich han denn irgendae usred erfunde und bin gange. oeppe 2 stund spoeter hcunnt es sms: jo, treffemer ues etz no? (daebi hani scho gseit, ich choengi noed!! :x ) aso, hani nomol irgendwas erfunde. (uebrigens hani det scho meega lang immer wieder extra erwaehnt gha, dassi en fruend han, damiter das tschegged) naja, nomol oeppe ae stund spoeter chunnt wieder es sms. "chum, goemmer doch chli go laufe, nu 10 min". ich han denn eifach nued zrugg gschriebe, und woner denn sogar spoeter agluete hett, hett d;Celine s'telefon abgno und gseit, ich segi scho am schlofe. :D wo denn spoeter alli dihei gsi sind, hemmer chriegsrot ghalte. :D und dae cryll hett doerfe held spiele. er hett denn am noechschte morge so als guete fruend :) mit ihm gredt, und gseit, das gaechi aso noed so, er gaechi chlige z'wiit. un dich muess sege, ich hans zersch noed choenne glaube, aber sit det han ich wuerkli nie meh oeppis ghoert vo ihm!! :D
    und wemmer grad scho bi so sache sind: geschter isch eine neu i uesi klass cho, er isch vo bangkok. denn hettemer mi noch dae schuel gfroget, oebi ihm choeng neumed es grosses shopping center zeige. scho noch 2 min isch mini frog gsi: do you have a girlfriend? :D und jep, er hett eini, scho sit 1eineinhalb johr. denn bini grad beruhigt gsi. :D
    letscht weekend hemer voll was los gha. am FR obig hemmer bsuech gha vodae luet usem goetti sinere frima printaid (wenner chli wennd werbig mache :D ). mir hend bi ues dihei barbecue gmacht, und zum apero hetts es fondue ge. :D und die luet sind alli voll begeischtered vom saemi gsi. oh, this boy is so handsome, hends alli gseit! dae saemi isch eh voll dae risser do! :) womer bidae celine idae schuel gsi sind, hett d'celine noch dae schuel ganz vil sms uebercho, wie "handsome" das dae saemi doch isch!! :D
    am SA obig hend d'manne en fuessballmatch gha. es git ebe do in singapur en schwiizer club, und det drin denn en fuessball club. und dae goetti und dae cyrill sind det ebe daebi, und sie hend etz dae saemi natuerli mitgno. und am SA hends ebe en match gha. (die spieled denn wuerkli im CH-nationalliebli) und dae match simmer denn natuerli go luege. isch mega witzig gsi, wo mer dete acho sind, hend natuerli ganz vil luet schwizerduetsch gredt, da isch irgendwie mega verwirrend gsi, noch immer englisch vorher. :D und nochm match simmer alli zaemi mega fein go esse. ich han sooo feini muschle gesse.... :D apropos match: es isch wahnsinn, dass s do so guet wie nirgends bimne sportalass duschene git. z.b. bidae celine idae schuel, wenn die sport hend, denn muend die eifach ihres sportzuegs uszieh und denn id schuel uniform ineschluefe (aso, sport-sache sind natuerli au einheitlich) und etz ebe noch dem match, hett nirgends ae duschi gha, isch guet hemmer fuer d'manne so fuechttuechli mitgno gha... :D
    am SO isch s'absolute highlight gsi vom weekend!! mir sind am obig mit emne boot is meer use gfahre, hend denn vorere einsame insel gankeret und hend dete choenne bade. es isch eifahc hammer gsi, ihr muend denn d'bilder aluege!! und am obig hemmer zum esse wieder barbecue gha (da isch glaub dae nationalsport do am weekend!! :D ) und sind denn nochm sunneundergang underm sternehimmel wieder zrugg gfahre. eifach fantastisch gsi!!
    mittlerwile hett mi dae alltag wieder. (jo, ich han scho en alltag, noch 2aehalb wuche :D ) daem saemi hett mittlerwile es karate-center gfunde, und isch geschte obig s'erscht mol go mittrainiere. ich bliebe lieber chli bim pool, und bim squash. :D

    aso, ich hoffe, ihr erlebed au so spannends wie ich, und ich hoff, ihr hend ae gueti ziit!
    liebi gruass a eu alli, ich wird mi sicher wieder melde, und choend jo d'bilder aluege, wenner spass dra hend. (fuer d'daniela: womer det im meer am bade gsi sind, simmer nochher no d'insle "erobere" und det hani mir natuerli d'fuess ufgschnitte a dae felse, aber ich tuen dir z'lieb das mol kei fottene ine! :D ) und immer no sorry wege dae schribfehler, taschtatur isch halt immer no chli verwirrend... :D

    macheds guet!
    ai-linh



    Re: Ai-Linh in Singapur

    Sebe - 15.08.2006, 15:18

    Nix me
    Hmm, ich ha di ehrevolle Ufgab mitzteile, dass d Ai-Linh ufgrund vo de bisher unglöste Tatsach, dass si kei Forumzuegriff me het, wohl erst wird chöne de Bericht vervollständige wenn si heichunt [Mitte Oktober].

    Das wars auch schon.



    Re: Ai-Linh in Singapur

    Ai-Linh - 16.08.2006, 04:48


    Hey Sebe und alli andere

    Irgendwie schiint sich mis problem, woni siit meh als zwei wuche han, vo selber gloest z'zha... es gseht aso us, als oeb dich doch wieder inechoent, mol luege, wie langs das mol hebed. min noechschte bricht chunnt bald. muess etz aber wieder id schuel.

    liebe gruess
    ai-linh

    ps: sorry sebe, dassi di gescht beuftreit han zum da schriebe, und das es denn am gliche tag us unerklaerliche gruend doch wieder funktioniert!!



    Re: Ai-Linh in Singapur

    Ai-Linh - 17.08.2006, 17:18


    Hallo alli mitenand!

    Jo, us unerklaerliche gruend bin ich doch wieder uf dem forum. es isch jo scho mol ganz unerklaerlich gsi, warum ich nueme han durf choenne. dae sebe und ich hend per msn mol umegraetslet, oebs villicht weg dae zensur do isch, aber da waer au komisch, han jo am afang druf choenne.. jenu, ich bin froh, dasses wieder klapped, denn channi immer wieder chli vorzue verzelle, und muess noed, wenni dihei bin, so en meeeega bricht mache!! :D

    ich hoffe, ihr hend alli au so ae tolli ziit erlebt wie ich! :D ich glaub, ich ang am beschte eifach mol a verzelle. aso, ich bin mitm saemi und mit dae celine, mini cousine, idae night sfari gsi, da isch sone art en nachtzoo. det sind halt vor allem so tier, wo idae nacht aktiv sind. das isch eifach mega idrueklich gsi. und ebe grad eso idruecklich, wills sonen bsundere zoo isch! das wird etz vor allem dae daniela e. gfalle: :D i dem ganze zoo hetts nirgends es gitter. du chasch keis tier dur es gitter aluege. alli sind frei, aso isch me efiach dur graebe und so vodae tier trennt. da isch ufen art no mega unheimlich, so idae nacht. :D und au vil di ganz atmosphaehre halt so chli wie imne dschungel isch. aso, falls es eu jemols soetti noch singapur verschloh, DAS muender eifach gseh ha!! :D leider hani noed recht fottene choenne mache, dae blitz isch naemli verbote gsi, wil sich die tier dae natuerli noed gwohnt sind. aso hetts nume so unscharfi, verschwommeni bilder ge. :(

    denn sind au dae saemi, ich und d'celine in sentosa gsi. da isch sone insle vo singapur. det hett smega tourischteattratione und so. naja, ich weiss, es toent etz noed eso hammer, ich chans irgendwie noed eso recht beschriebe, weiss noed so gnau, aber es isch wuerkli schoen dete! es hett au en strand det, wo mer chan go bade go. uf all faell simmer dete en ganze tag gsi, und hend ganz vil geili sache erlebt! 8) mir sind dae beruehmti leu go aluege und hend fottene gmacht wie d'japse, mir hend pinki delphin gseh, mir sind am suedlichschte punkt in asie gsi und mir hend ganz vili tiershows gseh! es gebt no vil meh z'verzelle, vor allem uesi bilder seged vil. a eim tag hemmer naemli sagehafti 300 fottene gschosse. :D

    und jo, wenn mer mol noed unerwegs gsi sind und irgendoeppis aglueged hend, denn bini under dae wuche halt id schuel gange, han immer vil glernt und immer ganz vil spass gha! und amel noch dae schuel und am wuchenend simmer halt sus echli in singapur umegloffe. mir hend chinatown entdeckt, little india und hend ganz vili kulinarischi erlebnis gha! (aso, ich chan eifach noed ufhoere, vo dem esse z'schwaerme!! :D )
    ich mein, do cha mer so vil verschiedenes esse, es sind schliesslich vier verschiedeni kulture do! wennd luscht hesch chasch go chinesisch esse, du chasch thai food esse, du chasch indisch esse, eifach wasd grad luscht hesch!! drum iss ich eigentli nie dihei, au etz wo dae saemi wieder dihei isch, und ich halt aellei isse. ich gang mega gern uswaerts go esse, wil s'esse isch eh mega guenschtig und eh mega fein!! und dassi noed mega zuenimm, gangi jede tag chli go schwuemme! :D haha! :D und immer wenn ich id schuel gang und uf d'MRT warte (ebe, das isch das ding wie d'metro in paris), denn wird immer i allne vier landessproche gseit "your attention please, for your own safety, please stand behind the yellow line" (ich ghoers jede morge, ich chan s'englsche scho uswenig, und die andere drue sproche sicher al bald!! :D )

    und wie di einte vo eu villicht gwuesst hend, bin ich letscht wuche no ae wuche in phuket gsi, will min goettiund sini family hend ebe dete es feriehuus. und es sich abartig geil gsi dete! mir sind jede tag amne andere strand gsi, hned badet, massage gnosse, mir hend en toeff gmietet, mit dem mer amel im dorf umedused sind, dae saemi und dae goetti sind mol go jet-ski fahre, go go-kart fahre und sogar go mtocross fahre. aso, es sich mega erlebnisriich gsi und hett ues alli chli veraenderet, will alli hend ihri hoor schniide loh oder so, wills so guenschtig gsi isch. :D au ich bin bim coiffeur gsi, und s'ergebnis sindetzed roti hoor. ich selber, bin total noed vom ergebnis ueberzuegt, aber es stoert mi nuem! :D mir gfallt ueberhaupt noed, aber es isch ae gueti erfahrig gsi, und etz weissi, dassi kei anderi hoorfarb wett, asl mini eiged. und sobald d'hoor echli nogwachse sind, wirdis worschinli churz abschniide, das alles rot weg isch, und ich wieder mini normal hoorfarb han! :D au in phukt hemmer sagehaft vil fottene gmacht: ganzi 700! :D dae saemi hett alli fottene mit heigno, woni bis etz gmacht han, un mir hend 4 cds brucht, zum alli druf brenne! :? *g*

    apropos heigo: womer zrugg cho sind vo phuket hetts fuer dae saemi gheisse abschied neh vo mir und vo singapur. :D wil fuer ihn hett letscht MO wieder dae ernscht des lebens agfange, und er druckt etzt d'schuelbank a uesere gliebte kanti! :D naja, er hett wohl glueck gha, ich glaub sini lehrer sind easy, er hett keine vo uese, usert dae NIE, da isch sin klasselehrer und duetschlehrer und dae weber natuerli! *g* aber do muener halt dure, sind jo nu zwei johr. :D aber eigentli hani gar noed gross welle voae schuel verzelle, ich denk, da wett au gar niemerd wuerkli lese. :D naja, er isch heigange, und hett natuerli tonnenweise gepaeck gha!! naja, bim ufgeh chammer jo noed meh als erlaubt, aso hetter 29.5kg gha, vo 30kg erlaubt. :D defuer hetter im handgepaeck sicher fasch 25 kg gha! :D d'mehrheit o dem gepaeck sind fruecht gsi fuer mini familiy. die gits natuerli alli nid idae schwiiz, oder sind unheimlich tuer. s'isch luschig, won ich do here cho bin, und so sache wie confi, teigware oder ravioli tonnewiis mitgno han, hend alli glachet. wo dae saemi so vil kilo fruecht mitgno hend, hend di iheimische au muesse lache. :D jaenu, ich chan jo au nued mache, bin jo au scho total suechtig noch dene frueecht do. womer di ganz wuche in phuket kei fruecht gha hend, hanis mega gmerkt, wommer zrugg cho sind, und ich han sofort muesse fruecht go chaufe! :D

    etz bini aso wieder aellei, do in singapur, wie am afang au scho. zersch isches chli komisch gsi, so aellei esse... aber ich denke, es wird immer besser. grad hut hani wieder ganz nuei plaen gschmiedet, wasi no alles wett gseh und aluege... :D und ich gsehni halt au immer meh vom "echte" singapur, je laenger das ich do bin. zum bispiel laufed singapurer mega komisch,so chli wie voegel; :D chans noed so gnau beschiebe, oder sie hend ueberhaupt kei essmaniere, und spucked eifach essensreschte uf dae bodae oder so, sie sind au mega komisch bim busfahre, sie sitzed bimne zweieritz immer uf dae sitz noech bim gang zue. und au wenn dae bus total ueberfuellt isch, und mega vil luet stoend, die beweged sich eifach noed. und wenn denn no gosch und frogsch, oebd chasch det here siteze, denn rutscheds noed ine, nei, sie tuend eifach ihre chnue chlige ufd siite, damit du verbi chasch, und denn muesch as fenschter sitze... aso grauhaft!! :D naja, aber sie sind au mega lieb. ues isch mol im reschti bim esse was am bode gheit. den sinds grad z;renne cho und hend gfroget, was mer gha hend, und hends ues grad wieder brocht, und mir hend nued muess extra zahle!! und singapur isch halt mega suuber, so wienis eu au scho idae gschicht bim giger verzellt han! :D und det muesch aso nie angscht um dis geld ha! aso, muesch natuerli scho normal tue, aber ich mein, do schlofed luet idae MRT oder im bus, ihri taeschi liit offe nebed ihne und s'portmonnaie zoberscht obe, will da bruched zum busfahre. aber do wird etz nie oeppis gstohle. du ghoehrsch eigentli nie oeppis vo stehle in singapur! und du muesch au z'obig nie angscht ha oder so. ich fuehl mi z'obig aso wuerkli woh, s'isch ganz en anderi atmosphaehre und alles. da gfallt mer aso scho guet do!! aber naja, sie hend halt es mega haesslich englisch do, ich glaub, do chan keine normal es "th" usspreche.. :D und sie hend so mga vil slang woerter und halt sus so ache. aber han gmerkt, dassi scho einiges uebernoh han. :D ichhan echli angscht, dassi alles fransoessich vergesse han. und schliesslich studieri nochher no franz, und d'stunde sind uf franzoesisch... :( es isch ebe mol en bueb do gsi, de hani troffe amne fuessballspiel vo mim goetti. dae isch z'bsuech gsi bi eim, wo au det fuessball gspielt hett. und dae hett nume franz choenne. ok, ich han denkt, da isch jo fuer mich keis problem zum mit dem chli rede, abr ich seg eu, ich han total mueh gha. ich bin so durenand gsi vo dem vili englisch und chinesisch, und mini gedanke sind jo eigentli meischtens no duetsch, und denn hetti ploetzlich soelle in satz uf franz sege.... :D jo, es isch eso chlimm usecho, wies toend, aber es isch mega luschtig gsi!! :D

    ihr gsehnd, ich glaub ich choennt stundelang wiiterverzelle, was ich do alles erlebe, es isch mega schoen, au wenni mengisch d'schwiiz und alles recht vermisse. i zweiaehalb wuche gangi uf bangkok fuer ei wuche, wird eu denn sicher wieder bricht erstatte, villicht au scho vorher. wuensch eu bis det here ganz ae gueti ziit! gnuesseds (fuer alli vo ferie oder oeppis aehnlichs hend), noed z'streng (fuer alli wo muend schaffe) und freued eu eifach immer ufs weekend (fuer alli arme, wo idae gruene ferie sind)

    ganz liebi gruess a alli!! (und fottene tueni grad au no dir)
    ai-linh



    Re: Ai-Linh in Singapur

    Ai-Linh - 30.08.2006, 05:10


    hallo alli zaeme

    i drue teag gang ich uf bangkok, und ich bin scho chlige nervoes. ich han vieles ghoert vo bangkok. mol guets, mol schlechts... ebe, es soell s'shopping paradies uf erden sii! :D hunderti vo shopping center alli binenand, ganz vili maert womer guenschtig gueti sache findet, und jo, eifach shopping shopping shopping, bis dae tag ume isch! :D es soell au ganz schoeni tempel ha, wos au wert seged, zum die go aluege. aber ich han au ghoert, dassmer uf so maert mega guet uf sini sach muess ufpasse. han scho vo soo vilne ghoert, dass ihne oeppis gstohle worde isch. und han au ghoehrt, dass mer mega muess ufpasse, wenn mer es taxi nimmt, oder besser eifach gar keis taxi neh. d'taxis fahred denn eifach mega lang im chreis, will mer sich jo selber noed uskennt, und mer zahlt vil z'vil. oder dae taximeter, wos im auto hend, stehleds eifach nocheme zitli ab, und du merksch es gar noed, will du villicht luegsch, was usse um dich ume so ab got, und du eifach gseh hesch, dass dae taximeter lauft, daebi stellt en dae fahrer wahrend dae fahrt eifach ab, und verlangt denn vil zu hoechi priise. aso, ich han mer grundsaetzlich eifach sege loh: nimm nie es taxi wo kein taximeter hett, und wenns en meter hett, denn lueg alli 2 min druf. :D aber ich glaub das wird scho guet go. ich gange jo mit minere tante, und sie isch scho mega vil mol in bangkok gsi, und weiss au scho, wie alles funktioniert und so!

    bis dahin gots etz aber ebe no drue taeg, und i dene drue taeg han ich no zwei mol schuel. am fritig, wenn mer denn am obig abflueged, han ich ebe schuelfrei. es isch "teacher's day" in singapur, do isch i fasch allne oeffentliche und private schule schuelfrei, und bi mir ebe au. mini schuel isch mega ok. jo laenger ich id schuel gang, desto besser lerni mini klassekamerade kenne. mir goend au mengisch mitenand go esse, aber es isch ebe mega schwierig. ich bin im moment di einzig wo en ganzziit kurs macht, das heisst, wo jede tag id schuel chunnt. es hett no anderi luet, wo nume zwei mol idae wuche choemed. so han ich jede tag mol chli anderi luet, wo mit mir idae schuel sind, und es git sogar amel taeg, do bini aellei, und han denn sozaege privatstund! :D und die andere luet vo minere klass schaffed ebe eigentli alli,oder sind scho muettere oder so. denn isches schwierig zum mitenand go esse, oder au mol noch dae schuel oeppis mache, wills denn wieder goend go schaffe, oder muend oeppis vorbereite dihei. das heisst nateruli au, die sind alli recht aelter wien ich, was natuerlich schad isch, will ich natuerli ghofft han, dasses chlige glichalti luet i minere klass hett! aber daefuer nehmed mich d'celine und dae cyrill ueberall hii chli mit, und ich lerne ihri kollege kenne, das isch au ok. ebe, und mit dene vo dae schuel hanis immer mega luschtig. mol hemmer di ganze drue stund lang nueme gredt, mir hend gar noed gmerkt, wie d'ziit vergot. und ploetzlich hett oepper vo ues uf d'uhr glueged und denn gmerkt: ou, es isch scho 10 ab 4i. und am 4i waer d'schuel fertig gsi! :D denn hemmer doch wuerkli eifach drue stund lang gschnorred, aso, d'lehrerin hett au mitgredt, die isch au e mega glatti! :D

    wenn ich amel noch dae schuel so chli idae stadt underwegs bin, gsehni immer wieder ganz neui sache, und ich bin mengisch ganz fasziniert und bliebe eifach uf dae stross stoh zum echli luege! :D ufen art gnuessis mega, eifach dae ganzi tag fuer mich z'ha. es isch ganz es neus erlebnis, und es isch vor allem am afang recht schwierig gsi, zum mit dem umgo! mittlerwiile klappeds mega guet, ich undernimme gern oeppis noch dae schuel, und ebe, ich gseh immer wieder mol oeppis neus! aber ich merke au langsam, dasses geges end zuegot. wenn ich denn naemli vo bangkok zrugg bin, sinds nuno drue wuche, bis dae stoeffel uf singapur chunnt, und denn denki ploetzlich, wasi no alles uf eigedi fuscht wet go aluege! :D

    aso, ich mue grad chli pressiere, min bus fahrt bald los, und ich mue no husch under d'duschi! :D

    drucked mir d'dume, das mer nued klaut wird in bangkok! :D
    ich meld mi, wenni denn wieder zrugg bin!

    liebi gruess, eu allne!
    ai-linh



    Re: Ai-Linh in Singapur

    Ai-Linh - 08.09.2006, 12:35


    hallo mitenand!

    ich bin wieder guet n singapur acho. mir hend ganz tolli aber au ganz verruckti ferie erlebt in bangkok. am fritig, womer hend welle abfluege, hemmer prompt uesen flueger verpasst, will mini tante bidae bim ticket bidae akunftsziit anstatt bidae ablugziit glueged hett. wo mer aso an flughafe cho sind, isch dae flueger natuerli scho weg gsi. will mer jo aber s'hotel scho buechet hend, hemmer muesse en andere weg uf bangkok finde. zu uesem glueck hetts no en anderi ariline gha, wo am gliche obig no uf bangkok gfloge isch und det hetts au no platz gha. aso simmer denn, mit es paar stund verspoetig doch ganz guet acho in bangkok. :D und denn simmer grundsaetzlich eigentlich go shoppe. :D am erschte tag simmer noch chinatown gange und, me glaubts fasch noed, denn simmer dete fuef stund lang umegloffe und hend glueged, kauft, fottene gmacht und gstuunet. wo mer denn im taxi ufm heiweg gsi sind, hemmer ploetzlich gmerkt, dass es ues echli truemlig gsi isch, will mer chli wenig trunke gha hend i dere ziit, und zu allem ane isches au no sehr heiss gsi!! im hotel hemmer denn chli zucker gno und hend ues vorgno vo etz a echli meh z'trinke. :D idae noechschte paar teag isch s'shopping eigentli immer witergange. mir sind au go sache aluege, wie ganz vil verschiedeni tempel, und dae koenigspalascht simmer go aluege, aber am schluss vom tag simmer eifach immer imne shopping center glandet. meh hett aso au ganz schlecht choenne wiederstoh uf all dene maert und shoppingcenter. do hetts sooo vil schoeni und sooo vil guenschtigi sache gha!! :D z.b. hett mer choenne ohrering chaufe, 12paar fuer nueme 3 fr. oder me hett choenne t-shirt chaufe, eis fuer nueme grad 1.5fr. es isch wahnsinnig gsi, zum das alles gseh!! denn hetts mengisch laede gha, wo eifach alles i dem lade ine 6 fr koscht hett. aso, wuerkli unworschinlich!!eis vo mine ganz tolle erlebnis isch gsi, dassi in chinatown mit emne verchaufer echli chinesisch han choenne rede. ich han sogar uf chinesisch choenne dae priis abemaerte, ich bin nochher richtig stolz gsi uf mich!! :D ah jo, und maerte mue mer, bis es nueme got. mir hend zum bispiel en rock kauft, fuer dae hett dae verchaufer zersch 1800baht welle (54fr.) am schluss hemmer en uebercho fuer 500baht (15fr.) au mitem taxi muemmer chli ufpasse. wenn mer es taxi nimmt, mue mer unbedingt bevor meh istigt sege, dass mer moecht mitem meter fahre sus fahreds eim eifach nuemed here und verlanged nochher en mega hoeche priis. und unbedingt au kontrolliere, oeb dae meter wahrend dae fahrt au immer lauft, chan au sii, dass dae taxifahrer dae meter eifach zmitzt drin abstellt und denn au wieder was weiss ich wie viel geld wett. aber am morge hetts amel so spezial fahrte ge. do hett eim dae taxi det here gfahre, wo mer wett, aber underwegs simmer denn eifach zumne juwellierlade oder so brocht worde. det simmer denn echli umegloffe, und dae taxifahrer hett denn fuer das, dasser luet do here brocht hett vom lade eso benzinguetschi becho. und wenn mer no oeppis wuer chaufe, chaemter sogar no provision ueber. so simmer amel am morge fuer oeppe 30 baht (50rp.) neumed here cho und hend amel no ganz spannendi sache gseh, zum bispiel au, wie die sache wie schmuck und so vo hand hergstellt werded. s'taxi isch eigentli ueses huefigschte verchehrsmittel gsi, s'isch ganz guenschtig und eigentli s'einzig logische. es git zwei arte vo taxis. zersch das normale, wo mir au kenned, und denn das andere, wo sich tuk tuk nennt. en tuk tuk isch eifach es offes taxi, das isch no luschtig zum dete mitfahre, aber me mue sich non-stop d'nase zuehebe, wills in bangkok mega stinkt! :D es hett immer mega vil verchehr, ich glaub dete isch non-stop stau, es isch unglaublich, und mer chans sich fascht noed vorstelle! :D am obig, nochem lange shopping tag simmer no vil id massage gange, das isch ganz gmuetlich und erholsam gsi. ei mol hemmer au no in usgang welle go, aber mir sind denn nirgends inecho, will ich noni 20i bin, und ueberall hends dae pass kontrolliert. mini tante hett denn gseit, dass isch, will vili jungi maitli sus wuered neumed inego und sich en maa angle zum echli geld verdiene... aber ebe, es isch wuerkli ganz ae tolli ziit gsi, und ich hans mega fescht gnosse!!

    mittlerwile bini au scho wieder id schuel gange, und es got nuno drue wuche, bisi denn bsuech vom stoeffel ueberchum, ich freu mich natuerli unworschinlich druf!!

    aso, ich hoffe, ihr hend eu choenne es bild mache, vo mim trip noch bangkok und ich hoffe, eu gots allne guet und ihr sind alli wohluf!

    ganz liebi gruess a alli
    ai-linh



    Re: Ai-Linh in Singapur

    Ai-Linh - 19.09.2006, 05:06

    Endspurt
    Hallihallo

    Mini ziit do in singapur got langsam em end zue, und das merk ich au, will immer meh freu ich mich au wieder ufs heicho. aber trotzdem wett ich mini letschte paar wuche do no total gnuesse, bevor ich denn wieder hei id chaelti gang. ich han etz no eineinhalb wuche schuel, die wuche, und die ganzi noechscht wuche, denn hoff ich, dass ich gnueg vil glernt han, und dasses mir im studium nochher guet wird ergo. :) I zwei wuche chunnt naemli endli endli dae stoeffel uf singapur zum mich cho abhole. bevor mer aber hei goend, wemmer no chli ferie mache, do im ruum asie. es isch scho en usflug uf pulau ubin planet, das isch ae insle vo singapur, mir goend drue teag mitenand uf kuala lumpur, d'hauptstadt vo malaysia, und aschluessend 6 taeg uf bali chli go baedele im meer. denn bliebed ues no 4 taeg womer no in singapur sind und denn, denn chumi nochere lange ziit wieder zrugg id schwiiz, bin jo gspannt, was sich dete alles do hett. :) jo, so gseht min endspurt aso no us, noed schlecht mueni sege, vor allem die ferie wo no ufem programm stoend, uf die freui mi natuerli gwaltig! :D
    aber natuerli hani au no einiges erlebt i letschter ziit, wasi eu echlige moecht verzelle. grad drue teag spoeter, nochdem ich vo bangkok zrugg cho bin hett di ganzi familie muesse apacke bim zuegli. min goetti hett naemli sis buero zueglet, s'alte isch naemli z'chlii worde un disch etz eifach s'lager worde. am morge am 6i hemmer muess ufstoh, da hett am cyrill natuerli gar noed gfalle, und er hett dae ganz morge chli umegmotzed wege dem! :) di erschte paar stund isch alles ganz difig gange. d'manne hend d'moebel is neue beuro treit (s'neue buero isch ufm gliche stock eifach oeppe 200m vom alte entfernt), d'fraue hend igruumt, und ich han alli moebel wo neu cho sind muesse putze. schliesslich hani kei ahnig gha, wo was here chunnt, und denn stoht mer besser noed im weg ume. :) zwueschedure isch denn dae cyrill uf zmol gaaanz mued worde. aso ischer eifach ines leers zimmer an bode glege, und hett tuef und fescht gschlofe. hehe. :) am mittag simmer alli mitenand go zmittag esse. boah, ich bin ganz erstuunt gsi, was fuer es guets klima under dene luet wo im buero schaffed, herrscht. die verstoend sich alli mega guet mitenand, und sie sind au zu mir mega fruendlich und nett gsi, und hend dauernd mit mir chli umegspaesslet. natuerli wuessed die au, dass ich do bin zum chinesisch lerne, aslo hends immer probiert mit mir chinesissch lerne, aber es isch fuer mih no sehr schwer zum chinesisch rede, au etz, woni scho recht vil glernt han. allerdings hani sher viel verstande, vo dem wos verzellt hend, un das hett mi doch au scho positiv gstimmt. :) nochm zmittag sind denn no di letschte sache erlediget worde, wie bilder ufhaenke und pflanze an richtige ort stelle und so. i dem neue buero hetts etz esonen grosse tisch, wo vier luet dra sitzed und schaffed, dass sind d'verchaeufer. und es isch mega witzig gsi, wos drum gange isch, wer a wellen tisch cha sitze. dae edmund, au eine vo dae verchaeufer hett sofort gseit, er welli dae tisch ganz links. woni gfroget han warum, do seit er wegem aircon natuerli. ich seg eu, die sind do alli meeega scharf uf aircon!! ich glaub, die choented noed lebe ohni. bi mir idae schuel hetts au immer aircon, aber ueberall wos hett, tuends es mega uebertriebe, s'isch naemli immer mega chalt!! id schuel nimmi immer en pulli oder irgend es tuechli mit, damit ichs mir chan um d'schultere lege, es isch eso chalt! und wenni weiss, dassi laenger muess MRT fahre, denn mueni mi au waermer alege. :) drum goend d'luet am sunntig so gern is shopping center, wills dete aircon hett. dae underschied vodae azahl luet im shopping center amne normale wuchetag und am wuchenend isch enorm! am wuchenend stuermed alli familie is shopping center. :)
    ae wuche spoeter hani sehr huefig muesse id stadt go, will ich bin go luege weg dae ferie vo mir und em stoeffel. zersch hani jede tag idae zitig glueged, will s'hett jede tag idae zitig eso guenschtigi agebot zum id ferie go. nochdem ich d'zitig huefig studiert han, und au a paarne ort agluete han bini denn mol losgange, vo eim reisebuero is noechschte. es isch eifach wahnsinnig gsi, det hetts wuerkli eis nebed em noechschte gha. ich bin am 4i gange, und bin ersch wieder am 8i heicho, wills esoo vili agebot ge hett!! ich han denn di beschte usesortiert und han mi schlussendlich denn fuer oeppis entschiede. und es isch mega luschtig gsi, woni denn zu dem reisebuero han welle, das isch echli amne andere ort gsi als di andere. woni vodae MRT usgstiege bin hani eine gfroget, wos peace center isch, willi det ha here muesse. er hetts mer denn erchlaert, hett allerdings am schluss ne gmeint, es segi aber meeeega wiit zum laufe, ich soelli besser dae bus ne, seged oeppe 3 bus statione. hehe, wonen denn gfroget han, wie lang zum laufe, seiter 15 min! :D ihr choend eu noed vorstelle, wie fuuul die luet do sind. die beklaged sich scho, wenn ihren arbetsweg laenger als 10 min isch! :D ich han innerlich muesse lache, wo dae maa da gseit hett und bin emole losgloffe, noch 10 min bini scho dete gsi! :) das isch ebe au, will die luet do eso langsam laufed! ich seg eu, die choennd wuerkli noed gschwind laufe, da regt mi amel mega uf, wennis pressant han. will denn stoends au immer ganz doof im weg umenand, hach isch wuerkli oeppis nervigs... :D
    jo, und denn isch sus d'ziit witergloffe, ich bin am pool gsi, mol idae stadt, natuerli jede tag i dae schuel, mir sind mol neumed go esse, oder hend barbecue diheime gmacht. aber geschter obig hemmer oeppis interessants gmacht! :) ich han naemli geschter obig d'doris leuthard troffe. :) sie isch do wege somne meeting in singapur und alli schwiizer buerger vo in singapur wohnhaft sind, sind zumne esse iglade worde. dae cyrill, min goetti und mini tante hend en iladig becho, und ich bin denn eifach als em cyrill sini begleitig mitgange. :) jo, mir hend fein gesse, es hett raclett ge, und am schluss hemmer sogar no chli mit ihre gredt, und natuerli es foti mit ihre gmacht! :) naja, isch irgendwie no witzig, etz bini in singapu, und triffe do en bundesrot vodae schwiiz... :) jaenu, es isch witzig gsi! :D
    so, das waers mol wieder echli gsi vo mir, scho bald bini jo wieder dihei, aber ebe, zersch gots no id ferie, vo dene wirdi eu natuerli au verzelle. ich tuen huet noch dae schuel denn au no paar fottene ine, ha etz aber kei ziit meh, muess bald id schuel.
    ich wuensch eu no ae gueti ziit, hebeds guet!
    liebi gruess
    ai-linh



    Re: Ai-Linh in Singapur

    Ai-Linh - 19.09.2006, 12:42


    hey hey

    huet ufm heiweg ischmer, woni an morgige tag denkt han, grad no oeppis in sinn cho, woni eu jo no gar noni verzellt han! ich bin autogfahre, in singapur. letschte wuche s'erscht mol. min goetti hett mi gfroget gha, oeb ich sie echt wuer uf sentosa fahre. sie sind ebe letscht wuche genau 20 johr ghuerote gsi und hend das gfiiret, indem sie mitenand fuer drue taeg uf sones riesigs chruezfahrtschiff gange sind. und ebe, das isch es bitzli wiit vo do, aso det wo mer muen istiege, und drum hends miebe gfroget, oebi sie wuer fahre, wenni mi wohl fuehli. naja, ich bin natuerli so nett und han zuegstumme. s'isch denn eigentli au nume halb so schlimm gsi, wien ichs mir vorgstell han! dae cyrill isch naemli au mitcho, zum mir dae heiweg wieder zeige, wil uf dae storsse do kenni mi leider noni eso guet us. :) i dae erschte 15 min bini recht nervoes gsi, und bin mega verchrampft hinder em stuer gsesse, oeppe so wie idae erschte fahrstund. :) aber es isch denn immer besser und besser worde, aber ich mue sege, dae verchehr bi ues gfallt mer aso besser! :D wenns do ebe gruen isch (boah, es hett esooo vil ample, das isch mer sich gar nid gwohnt als frauefelder :) ) denn heisst das noed immer, das mer au grad chan fahre. wenn mer naemli moecht abbuege, denn muen me zersch no warte, bis dae gegeverchehr weg isch, dae hett naemli au gruend, obwohl mini ample uf gruen stoht, da isch ganz komisch. au, wenn ich abbuege, denn hend d'fuessgaenger uf dere stross, i die ich abbueg, gruend und laufed, und ich muess zersch warte, bis die weg sind, aso total unlogisch. naja, es wird noed mini letscht fahrt in singapur gsi si. wil min goetti und sini frau goend morn fuer ei wuche noch phuket i ihres ferihuus und hend mich beuftreit zum sie an flughafe fahre und wieder abhole, natuerli wieder in begleitig vom cyrill, ich moecht noed unbedingt aellei imne fremde auto, imne fremde land fahre. :) naja, aber es isch ok, und es isch fuer alli im auto immer mega witzig, wenn ich, wenni im stress bin, anstatt dae blinker, dae schibewuescher inetue, will jo alles uf dae andere siit isch. :) naja, dae nochteil morn isch, dassi scho am viertel ab 5i muess ufstoh, und dass mer do am halbi 6i denn abfahred, ao besser gseit, ich fahre denn ab. :)
    jo, das hani denkt isch sicher au no witzig zum lese, ich tuen etz mol no es paar fottene druf, woner choend aluege. macheds guet und fahred vorsichtig, egal mit velo, auto, toeffli, was au immer! :D



    Re: Ai-Linh in Singapur

    Ai-Linh - 17.10.2006, 14:00

    wieder dihei
    hallo zäme

    ich bin wieder dihei, sit geschter! das gsehnder au wieder, willi etz endli wieder chan ä,ö und ü schriebe!! :D
    ich han no ae mega schöni und lässigi ziit gha, aber ich möcht das es anders mol verzelle, wil es git no einiges für mich z'tue. han mi eifach mol welle melde, und sege, dassi wieder dihei bin. ihr ghöred sicher bald wieder vo mir, denn channi eu verzelle, wie mini ferie in kuala lumpur und in bali gsi sind!! :D

    liebe gruess
    ai-linh



    Re: Ai-Linh in Singapur

    Ai-Linh - 20.10.2006, 10:52

    endli dä bricht
    hallo alli mitenand, scho zum zweite mol wieder zrugg idä schwiiz. :D

    wie scho gseit, bini sit em mäntig wieder im lande und versuechi mich a di arktische temperature do z'gwöhne. :D aber je länger dassi do bin, umso besser wirds. hehe.
    aber wie scho versproche, möchti eu no es bitzli verzelle, was ich alls di letschte paar wuche in singapur no alles erlebt han!
    natürlich isch dä samschtig morge, won ich dä stöfel erwartet han, eine vodä schönschte und zuglich au schlimmschte täg gsi. d'ziit isch nämli eifach nöd vorwärts gange, und ich bin eso nervös gsi, dassi scho uu früe wach gsi bin, und denn mega lang han müesse warte, bis mer enli an flughafe fahred. wil zu allem ane, hett sin flüger au no 2 stund verspötig gha!! naja, es hett alles klapped, mir hend üs gfunde am flughafe und au wiedererkennt. :D no am gliche tag han ich ihm natürli chli s'grosse singapur welle zeige. ich han ihn alo es bitz idä stadt umegfürt, han ihm chli zeiged, wie abartig chalt dasses idä shopping center ine isch (obwohl er das nöd eso empfunde hett :D) und halt eifach so bitli was wo lauft. für ihn isch natürli dä swimming pool grad voren huus ä riise attraktion gsi!! ich glaub, er wär amel am liebschte eifach dä ganz tag im pool umegsesse, willers eso heiss gfunde hett!! :D am zweite tag simmer denn mitenand uf haw par villa gange. vo dete chunnt au s'tigerbalsam, villicht kenned ihr das jo! uf all fäll hetts dete meega vil so figur ufgstellt, wo ali irgendwie mit dä chinesische gschicht zämehanged, aber s'wär amel echli gar zu kompliziert worde, zum all die figurene z'verstoh. mir sind jo eigentli meh eifach gange, zum echli umeluege, und es paar luschtigi fottene z'mache! :D und am mäntig isches denn scho uf üsi erschti reis gange. mir sind mit em bus noch kuala lumpur gfahre. ich seg eu, dä bus isch eifach genial gsi!! wenner jemols mit dem bus gfahre sind, wennder nochher niemeh flüge, im bus isches meilewiit bequemer. :D me chan sozäge grad abliege, und meh hett eifach meeeega vil platz! isch würkli super gsi!! in KL hemmer natürli au einiges aglueged, chinatown, dä KL tower, d'petronas twin towers.... leider hemmer bitz pech gha mitm wetter. weiss nöd, öber öppis idä zitig glese hend vo dere rauchwolke üeber singapur und malaysia. das isch wege dene waldbränd, und drum hetts im himmel sone rauchschicht gha, müends eu wie nebel vorstelle, wenns z'lang bliebt wirds eifach ungsund. aber mir hend üs vo dem nöd allzu fescht störe loh, und hend glich dä spass gha i dere riiise stadt!! in chinatown hani bitz chinesisch chönne rede, woruf ich natürli mega stolz gsi bin. :D vodä eide türm gits eigentli nid allzu vil z'verzelle. die müender fasch selber gseh ha. sie sind eifach meeega idrücklich, fasch nöd vorstellbar!! und mir sind natürli ufem KL tower dobi gsi, sowie au uf dä brugg zwüsched dä beidne petronas towers, im 41. stock!! die beide türm hend 88 stöck wo NUME BÜROS drinne sind!!! i beidne türm, unglaublich!! aso ganz sicher empfehlenswert zum mol selber go aluege, und priislich isches au nöd mega tüür!!
    womer wieder zrugg in singapur gsi sind hemmer üsen tag gnuzt und sind in zoo gange. ich glaub, ich han eu scho mol vom zoo verzellt, dä isch eifach fantastisch!! me muess keis tier hinder gitter aluege, und au wemmer eifach im zoo umelauft isches unglaublich schön, wil mer s'gfühl hett, mer segi im urwald!! :D
    nochher simmer denn für es paar täg uf bali gange, aber vo dem verzelli eu es anders mol, ich muess etz ebe leider weg. also, macheds guet, bis spöter wieder!
    ai-linh



    Re: Ai-Linh in Singapur

    Ai-Linh - 22.04.2007, 21:32


    ähm.. hallo *g*

    naja, ich han hüt bemerkt, dassi jo eigentli scho seeeehr lang emole versproche han zum min bricht z'vervollständige. leider isch i letschter ziit au seeeeehr vieles passiert, und ehrlich gseit, isches scho wieder fasch z'lang her, zum no so gnau drüber z'verzelle. :) aber für alli, wo no interesse a fottene hend oder so, ich han es album gmacht, eifach mol es bsüechli mache, denn dörfeders au aluege! :D und eu es paar anekdote alose. :)

    naja, wiener worschinli scho mitbecho hend gang ich dä summer für es johr uf china, gnauer gseit noch chengdu. dörfed mi natürli denn au cho bsueche cho! :D hehe. naja, vo det us wirdi sicher wieder chli vo mir verzelle! bis denn hoffi, das üses forum nöd ganz gstorbe isch, wil noch dä steffi ihrem rettigsversuech isch mol wieder chli flaute! :D

    liebs grüässli
    ai-linh

    ps:oder tüend doch mol wieder chli fottene inne! denn cha mer au scho chli was aluege! :D



    Mit folgendem Code, können Sie den Beitrag ganz bequem auf ihrer Homepage verlinken



    Weitere Beiträge aus dem Forum Forum 4mb 2006

    Schöchl in Laax - gepostet von bone am Freitag 08.12.2006



    Ähnliche Beiträge wie "Ai-Linh in Singapur"

    Danke für den Spaziergang durch Singapur! - Anonymous (Samstag 20.05.2006)
    thx an Amit und Linh - LiTTLe-KaBaN (Samstag 02.06.2007)
    DF60 aus Singapur - wer macht mit? - masterkey (Montag 17.07.2006)
    Neue Bilder aus Singapur - littleangel (Dienstag 13.09.2005)
    Con muon di linh danh khung bo - hnguyen (Samstag 13.01.2007)
    Neues Interview aus Singapur - mit Scans - TheHace (Samstag 08.10.2005)
    Bilder von Singapur - janbrueckner (Sonntag 21.05.2006)
    Ecclestone: Kein Vertrag mit Singapur - Pitbull2003 (Mittwoch 07.03.2007)
    Grüße nach Singapur - Anonymous (Donnerstag 18.05.2006)
    Ankunft in Singapur, viele kleine Menschen und heiß!!! - janbrueckner (Donnerstag 18.05.2006)