Tessin

Condor Regel
Verfügbare Informationen zu "Tessin"

  • Qualität des Beitrags: 0 Sterne
  • Beteiligte Poster: andi - Dani - Leue - breiti - Rusty
  • Forum: Condor Regel
  • aus dem Unterforum: AUSGANG
  • Antworten: 22
  • Forum gestartet am: Montag 15.05.2006
  • Sprache: deutsch
  • Link zum Originaltopic: Tessin
  • Letzte Antwort: vor 15 Jahren, 23 Tagen, 11 Stunden, 3 Minuten
  • Alle Beiträge und Antworten zu "Tessin"

    Re: Tessin

    andi - 06.06.2006, 14:52

    Tessin
    also leue und dani!
    well da jo schienbar per mail nöd klapped wechsli halt is forum!
    also wiä gseht jetzt da us bi eu?

    wenn hetet ihr ziit?
    wiän ich schomol gseit han chönti wemmor amne weekend wöred wölä go nume am 30./31./1./2. juli

    und süscht müässtemer halt under dä wuche go.



    Re: Tessin

    Dani - 06.06.2006, 15:03


    I glaub mini Mails chömed bi dir nüme a. I ha öpe scho 4 mol gschriebe das mir am Fritig morge i d'Schuel müend. Aber Fritigobig, Samstig, Sunntig und evtl. no Mäntig morge würd jo eigentlich au lange.

    Under de Wuche isch bis zude Summerferie seeeehr schlecht!



    Re: Tessin

    andi - 06.06.2006, 15:36


    jo aso 1 mail hani übercho wegem fritig. aber hesch denn mini antwort druff nöd übercho??

    i find dä seb fritig morgä müämer aso würkli nöd unbedingt id schuel. es sind jo bis denn würkli alli Prüäfigi gmacht und schuel hetemor denn sowieso kei me. dä öhler wör nurno go suufe oä mit üs.
    also chöntemer würkli scho am do go.

    oder gsehsch da anderscht?
    abor demfall findsch seb weekend au guet? well mir gots würkli nur a sebem.
    und wieso meinsch isch schlecht under dä wuche?

    edith meint: :) jetzt hani gad dis mail übercho :)
    wa diä wönd do voll ein uf kontrolle mache? am letschte schueltag?? gots no?



    Re: Tessin

    Dani - 06.06.2006, 15:39


    Mol ha dini Antwort übercho, han si aber au scho beantwortet :lol:

    Es paar Lehrer hend en Atrag gstellt zum Buesse fürs "Nichterscheinen" a dem Tag z'erhöhe. De Zundel het de Öhler ganz unufällig druf ufmerksam gmacht das er a dem Tag vom Rektor oder so kontrolliert wird. Das heisst mir chönd nöd uf de Öhler zelle... Und mit de Buess wo mir zahle müsstet chöntet mir sicher einigi Bierli trinke.



    Re: Tessin

    andi - 06.06.2006, 15:47


    hmm und wa isch wend halt denn chrank bisch?? chasch jo nüt defür... :lol:

    nai, abor da findi jetzt echt voll beschisse!
    denn möstet mir nämli am FR nomi go. denn hetemor au sicher me stau als idä nacht. sit äd verdammti gotthard jo en reine steifänger isch^^
    und am SO müässtemer jo scho fascht wieder hai. da wär denn scho mega churz! wär ebe scho gern so 4 täg gange!



    Re: Tessin

    Dani - 06.06.2006, 16:03


    Zitat: hmm und wa isch wend halt denn chrank bisch?? chasch jo nüt defür... Lachen

    I weiss nöd, das chöntet jo alli mache. Und de Rektor wird üs vermuetlich nöd abneh das alli chrank sind... Und denn gönd Problem los :?

    Stimmt aber scho, mir chömed 100% in Stau wenn mir nöd am Obig gönd. Steirege am Gotthard sei dank :(



    Re: Tessin

    andi - 06.06.2006, 16:10


    ebe! i wäre ebe scho defür dasmor am do idä nacht oder fr idä nacht wöred go.
    erstens wäremer denn friedlich vorem weekend scho dune (ev bessere platz fürs zelt??) und zweitens hetemor denn kein ziitstress wegem wieder heigo.

    chum mir haued mol dä öhler a wiäs wör usgse wemor idä feriä isch.
    do gits jo ä möglichkeit zum es gsuech stelle wemmor idä feriä wär.



    Re: Tessin

    Dani - 06.06.2006, 16:18


    De Öhler würd üs jo 100pro freigeh, nur ob da de Rektor genau glich gseht ?

    Logisch chan me es Gsuech stelle das wird aber nur ganz sicher nöd agnoh. Mir hend die Diskussion schomol mitem Nufer gha und er het gseit dases bi Ferie nur agnoh wird wenn me mitem Flüger goht (wöll döt ageblich d'Flugtermin beschränkt sind). Mir chöntet nöd emol en guete Grund bringe wieso das mir genau denn müend go.... :(



    Re: Tessin

    andi - 06.06.2006, 16:38


    nene, da kenni denn abor anderscht.
    bi üs (und wohlgemerkt bim wehrli und bim blum) hend jenes amel chönä d'feriä verlänger. und diä sind nume mitem car und nöd mitem flüger weg :)
    aso versueche chömers jo uf jede fall. oder mol sicher am fritig abkläre idä schuel.
    wör mi denn süsch aso scho huere akacke! oder anderscht gseit, mir chöntet au mol luege wiä höch diä buess wär :lol:



    Re: Tessin

    Dani - 06.06.2006, 16:45


    I behaupt jetzt emol du hesch kei Ahnig wie da mit de Absenze funktioniert!

    Zitat: (und wohlgemerkt bim wehrli und bim blum)
    Absenze werdet vode Lehrerkommision und em Rektor genemiged.

    Zitat: hend jenes amel chönä d'feriä verlänger

    I üsem Fall hend mir aber weder vor no noch üsne "Ferie" Schuelferie, also isches kei Verlängerig. Ide Schuelornig hets en Abschnitt "Absenzen", lies da zerscht mol dure...



    Re: Tessin

    andi - 06.06.2006, 17:08


    ou gopfetelli wa isch denn hüt mit dir los??
    zerst in HT und jetzt auno do!
    himmerl herrgott!

    nimm doch nöd immer jedes wort uf goldschale! meinsch mir isch nöd bewusst das d'absenze nöd vom lehrer genehmigt werdet?? abor schriebe hanis jo wohl scho dörfe.
    und jo und? hemmor halt denn unmittelbar nöd gad feriä. spiel jo au kei rolle. ä absenz chamer immer bringe. segs ä feriä-genemigung, ä beerdigung oder weiss doch aunöd wa.
    hei, bis doch mol chli positiv! bisch jo schliässli kein lehrer :)

    und wend scho immer jenes zitiersch, denn hetsch gschieder aumol chönä uf:
    Zitat: aso versueche chömers jo uf jede fall. oder mol sicher am fritig abkläre idä schuel.
    wör mi denn süsch aso scho huere akacke! oder anderscht gseit, mir chöntet au mol luege wiä höch diä buess wär anwortä!



    Re: Tessin

    Leue - 06.06.2006, 20:53


    so, nur zum do mol no en ufsteller drizbringe. immerhin hend mir es auto wo döt abä fahrt! :-D :-D :-D



    Re: Tessin

    andi - 07.06.2006, 08:34


    Neuer Tag, neuer Elan :)

    und denn hemmor no so wetter!

    so, wiä gsehts jetzt us?

    @leue: mir hend do glaubs weg dä schuel nochli troubles, abor da wird no undersuecht :) wenn hetsch denn du süs no ziet?

    @dani: du chöntsch au nume a sebem weekend, gell? wieso eigentli nöd under dä wuche? hesch jo no soviel feriä? aso mir wärs zwor au viel liäber amne verlängerte wuchenend!



    Re: Tessin

    Dani - 07.06.2006, 08:52


    14. Juni LAP
    16. Juni Abschlussreisli is Tessin
    19/20. Juni LAP ABU
    23-25.Juni OpenAir FF
    5. Juli Lehrabschlussfier Bernina
    7. Juli Lehrabschlussfier Schuel
    10.Juli - 14.Juli Lehrlingslager

    Es bliebt also eigentlich nur die Wuche vom 26.Juni - 2.Juli



    Re: Tessin

    andi - 07.06.2006, 09:51


    also guet. denn nehmemer jetzt diä wuche, und zwor wär da KW 26 gnauer under d'Lupe!

    i dere wuche gömmer also! juhuu :dance:
    leue, da isch scho ok für di, oder?

    jetzt müämer eifach nurno checke wenn wiä etc... und da car chömemer vo dir über leue? well min machts echt nüm lang.
    gester isch zwor gad no eine vorbi cho und heten wölä aluege.
    juhuu, hanen käufer gfunde :)



    Re: Tessin

    andi - 09.06.2006, 09:28


    So, jetzt isches klar!

    dä lehrer git üs d'erlaubnis zum fernbliebe vom unterricht :)

    also stoht üsem trip is tessin nüt me im weg!
    juhuuuuu :dance::dance::dance::dance::dance::dance::dance::dance:



    Re: Tessin

    breiti - 09.06.2006, 12:02


    mir gönd halt diä 2 wuchä is tessin inkl. kurzer aufenthalt in Rimini.
    und sössä no a par geilä ortä.

    wirt voll dä hammer



    Re: Tessin

    andi - 09.06.2006, 15:06


    vo welne zwei wuche redsch du?



    Re: Tessin

    breiti - 13.06.2006, 10:16


    nöd 2 wuchä sondern diä zweit wuchä.
    muäsch mol gnäuer läsä.



    Re: Tessin

    Rusty - 13.06.2006, 13:38


    Haha, chunt druf ah wie volle, dass mir sind... ;)



    Re: Tessin

    andi - 15.06.2006, 17:01


    breiti hat folgendes geschrieben: mir gönd halt diä 2 wuchä is tessin inkl. kurzer aufenthalt in Rimini.
    und sössä no a par geilä ortä.

    wirt voll dä hammer

    da chani no lang lese, es stoht glich immer sglich ;)
    i gsehn do nüt vo zweit... :lol:



    Re: Tessin

    Rusty - 13.07.2006, 13:06


    Ah, egal... Mir gönd eifach am Samstig...!



    Mit folgendem Code, können Sie den Beitrag ganz bequem auf ihrer Homepage verlinken



    Weitere Beiträge aus dem Forum Condor Regel



    Ähnliche Beiträge wie "Tessin"

    Rollerferien im Tessin 21.÷26.Aug.´06 u. andere Rollertouren - Pierino Keller (Montag 04.09.2006)
    Spielwoche im Tessin - David (Samstag 28.10.2006)
    Tessin - *SPECIAL* (Dienstag 09.01.2007)