Verfügbare Informationen zu "Spele am 14. Juni"
Qualität des Beitrags: Beteiligte Poster: stannum - mozilla - !LLusion - hOOv3r Forum: LAN BROTHERs Forenbeschreibung: CH aus dem Unterforum: Band Antworten: 18 Forum gestartet am: Sonntag 09.04.2006 Sprache: deutsch Link zum Originaltopic: Spele am 14. Juni Letzte Antwort: vor 14 Jahren, 10 Monaten, 10 Tagen, 7 Stunden, 8 Minuten
Alle Beiträge und Antworten zu "Spele am 14. Juni"
Re: Spele am 14. Juni
stannum - 09.06.2009, 20:49Spele am 14. Juni
Moinsen!
Yippi-jay-o, mer spele am Sonntig wieder im GD! :D
...ond mer sette bis spötischtens am Donnschtig d'Lieder abgmacht ha, demit ich die an PP-Presenter ond an Moderator chan wiiterleite ;). Was wördet ehr gern spele? Daf au chli fätzig sy; i wörd mi met Worship-Night-Lieder aber chli zroghalte, wöll's doch vell GD-Bsuecher ned kenne. Also denn, postet Vorschläg! :)
De Lobpriisteil isch dä Sonntig öbrigens erscht nach de Predigt. De Ablauf gseht folgendermasse us:
- Lied, Einstieg, etc.
- vor der Predigt nochmals ein Lied
- nach der Predigt Lobpreiszeit
- Segensgebet
- Lied zum Abschluss
Re: Spele am 14. Juni
mozilla - 09.06.2009, 21:58
öh dasch au mol e geili idee de worship nach de predigt ;) well denn lost me de predigt besser zue und esch nochär ned no müeder und denn möges au meh singe well si ned ersch grad ufgschtande send ;) fendi cool die abwechslig im gd ;) und i mue no luege obi cha schpele, aso ume beni aber i bring mini gitarre am samschtig in service, vermisse chli de vorderi pick-up, süsch schpell ich emmer so aggressiv .. ^^ und wenns döt grad e gueti dreadnought gitarre het, chaufi mer natürli grad eini, aber de musik-produktiv het das ebe ned so würkli, drum gohni mol no i de shop uf züri .. ;) i geb der de bscheid wenn mer würe goh andy, dassd au chöntsch mitcho wend luscht und ziit hätsch, hesch der jo au eini welle zuelegge ;) und ebe weni am sonntig mini e-gitarre ned chönt ha .. denn halt entweder ned oder denn halt mit de washburn xD (wo vellecht no knapp 2 saite druf het)
ah jo sorry i dem thread gohts jo eig. um lieder poste .. sry do hani im moment kei idee XD
Re: Spele am 14. Juni
!LLusion - 09.06.2009, 22:18
I dem Thread cha me doch allgemein zum Sunntig schribe, ned nor Lieder poste! ^^Also ich ben ume.
Simi, am Samstig wäri scho ume, aber i ha eifach kei Gäld..! ^^ Trotzdem merci..aber sone eigeni Akkustischi wotti ebe scho au moll - aber ned e dreadnought sondern eini mit Cutaway...! ..;-) aber isch halt gschmackssach!
Zu de Liedervorschläg:
Mis mami het: "The River" oder wie da lied au immer heisst gwünscht..^^! Do hani gseit da chönd mer scho moll spele.
Re: Spele am 14. Juni
mozilla - 09.06.2009, 22:26
jööö ;) joa voll schpele mer da =)
sry cutaway seit mer grad nüt .. dasch eifach en hals wie bide e-gitarre oder? eifach schmaler? da wär scho besser jo .. ^^ und wegem mitcho hani eig. gmeint in promusig uf züri aber das hani glaub irgendwie falsch gschribe :D oder emel so as mers sicher falsch verschtoht ;)
/edit: alles klar mit de cutaway .. für mech sind cutaway demfall eifach westerngitarre gsi und dreadnought halt di andere :D aber i wott demfall e dreadnought ;) klar esch cutaway geil für chli soliere aber jo .. für das hani jo mini esp eclipse II ;)
Re: Spele am 14. Juni
!LLusion - 10.06.2009, 09:25
Ah jo, jetzt hanis au tscheggt wäg em Lade..! ^^
Und i ha zersch au immer gmeint Gitarre met Cutaway sind Westerngitarre, und Dreadnought sind sones gmisch..(mim Papi sini Tanglewood isch ja au de Dreadnought) ^^
Aber Wikipedia bildet..^^
Re: Spele am 14. Juni
mozilla - 10.06.2009, 10:48
jo mer hend also e cutaway dehei .. wo di 6. saite chroset ^^ aber ich be wedermol ned bem chauf vo dere gitarre debie gsi .. so wie bim chauf vom fernseh .. mini family chauft eifach emmer, au wenn de wo chli ahnig het ned ume esch .. ^^
Re: Spele am 14. Juni
hOOv3r - 11.06.2009, 18:55
So au mol Sänf dezuegeh und zrogg zom Thema cho:
- Your love is amazing
- History Maker
- Above all
- Rückenwind
- Etwas in mir
- Halleluja, der Herr regiert
- Come now is the time to worship
- Lord I lift your name on high
Jo, mol so es paar Vorschläg...
Re: Spele am 14. Juni
mozilla - 11.06.2009, 19:38
Jo schpele mer alli Komerzlieder ufs mol, denn hemmer si wedermol gschpellt :D aber fendi au cooli uswahl ;)
Re: Spele am 14. Juni
hOOv3r - 11.06.2009, 19:40
Es isch en Uswahl vo es paarne^^
D' Meinig isch ned, dass mer alli spele, sondern eifach es paari...ergänzt dur anderi Vorschläg.
Re: Spele am 14. Juni
stannum - 11.06.2009, 23:15
Ok, i han us euchne Vorschläg mol en Lischte zämegstellt ond au no s'einte oder ander Lied vo mer hinzuegfüegt :).
För am Sonntig wäre das folgendi 8 Lieder:
- Nr. 84: Etwas in mir
- Nr. 46: Your love is amazing
- Nr. 107: Over all the earth
- Nr. 112: Rückenwind
- Nr. 99: So wieni bin
- Nr. 93: Du bleibst an meiner Seite
- Nr. 83: Halleluja, der Herr regiert
- Nr. 126: The River
D'Reihefolg chöne mer jo am Samschtig wenn mer üebe no abmache ;).
Re: Spele am 14. Juni
mozilla - 12.06.2009, 06:12
ich fend mer bruche dringendscht neui lieder .. so di alte gömmer langsam aber sicher ufe sack xD vellech liits aber au dra, dass ich scho 18 johr i dere gmeind be ... ^^
Re: Spele am 14. Juni
!LLusion - 12.06.2009, 14:48
Ok, d Lieder findi voll easy..;-) Merci förs usesueche.
Wenn düend mer eigentli üebe am Samstig hend mer da scho abgmacht?
I be so för nach em Regiogebätt (10:30/11:00?), well 2 mol uf Frick fahre nachenand suckt..! ^^ Chunsch morn au Micha? I ha doch mol gseit i chäm ned, aber i glaub es isch ebe sösch niemer ume..^^ chum scho, chli cho zmörgele..xD
Re: Spele am 14. Juni
hOOv3r - 12.06.2009, 15:44
nei, i chume morn ned^^... de erschti Samstig sit ewigs langer zyt, won ich weder mol chan usschlofe :P
S' Het jo no anderi wo chönd für eus goh^^
Re: Spele am 14. Juni
stannum - 12.06.2009, 17:57
Hehe, jep, do stimmi der zue, Simi, noii Lieder wäre wörklech ned schlächt ;). Da mer jo no oft im GD spele, chönte mer guet mol es paar noii ifüehre :P.
Was s'Üebe abelangt, mer wäris rächt, wenn's ned vor de 11ne wär, da ich morn wörkli au mol richtig wött usschlofe ond gmüetlech brunche :). Wenn das för euch au ok esch.
Re: Spele am 14. Juni
!LLusion - 12.06.2009, 19:09
Ja das tönt doch schomoll guet Jöni, i neme mini Ussag nämmlich zrugg..^^! D Andrea het grad gschrebe s Regiogebätt fändi morn ned statt. -> I wott au rechtig fett uspenne..^^! I be so för die 12:30. Komischi Ziit, aber wayne..de ischs ned zmittst im Nomitag inne..;-)! Wa meined ehr?
Und zu de Lieder - nach em FoMe Abschluss hend doch no es paar gseit mer sele doch eigeni Lieder schriibe, und da fändi eigentli au no cool..! ;-) Aso wenn er weder moll einisch nor am Umerödle sind und ned wössed wa spele denn schribed es lied, odern Text, oder weis ned was..^^ wär doch was, nöd? Adee
Re: Spele am 14. Juni
mozilla - 12.06.2009, 19:25
jo i ha jo do au scho es paar riffs und ideeä woni i mim lied mol ha welle ihbringe aber mer feeehlt en TEEEXXTT!!! ^^ (ha zwar do schochli en idee aber nüt konkrets ;))
Re: Spele am 14. Juni
stannum - 13.06.2009, 10:55
Oki, jep, 12:30 esch super ;).
Joa, so es eignigs Lied wär' schomol was!
Re: Spele am 14. Juni
hOOv3r - 14.06.2009, 00:22
Morn am Morge am viertel ab 8i, für die wos ned wösset :P
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum LAN BROTHERs
W7 - gepostet von Anonymous am Dienstag 06.01.2009
Micha buys an AEG - gepostet von mozilla am Freitag 29.08.2008
Ähnliche Beiträge wie "Spele am 14. Juni"
Bestellung - gepostet von Fedraz am Dienstag 06.06.2006