Verfügbare Informationen zu "Spele am 10. Mai"
Qualität des Beitrags: Beteiligte Poster: stannum - hOOv3r - !LLusion - mozilla - Anonymous Forum: LAN BROTHERs Forenbeschreibung: CH aus dem Unterforum: Band Antworten: 20 Forum gestartet am: Sonntag 09.04.2006 Sprache: deutsch Link zum Originaltopic: Spele am 10. Mai Letzte Antwort: vor 14 Jahren, 11 Monaten, 9 Tagen, 11 Stunden, 30 Minuten
Alle Beiträge und Antworten zu "Spele am 10. Mai"
Re: Spele am 10. Mai
stannum - 03.05.2009, 21:27Spele am 10. Mai
Grüezi die Herre
Mer send nöchschte Sonntig wieder im GD im Isatz. Damol fändis cool, wenn mer eus vorem Sonntig no chönte träffe ond üebe. D'Lieder chöne mer wieder sälber uswähle, dörfed also gern Vorschläg mache, damol pfuschi also ned dri ;).
I hetti folgendi 2 Vorschläg:
- 53: Mein Jesus, mein Retter
- 59: Open the eyes
De Räscht esch up to you :).
Bis am Donnschtig sette mer die 8 eifach zäme ha, damit i sie chan an Folielegger schecke.
Wenn wör's euch am beschte go zom Üebe?
Re: Spele am 10. Mai
hOOv3r - 03.05.2009, 21:47
Guet denn spele mer halt damal s' Nr. 4 Soon and very soon :P
Re: Spele am 10. Mai
!LLusion - 04.05.2009, 22:35
Haallo! Also, freu mi voll ufs spele met euch!;-) lieder chani grad keini poste, be nämmli scho im bett!^^ aso ned bim ordner! Und i kenn ja keis lied..xD!nenei, isuech was bis am mittwuch! Wägem üebe: i cha a folgende date:
Nie.
Müessted wohl ohni mech,Ha nämmli leider die wuche scho komplett verplanet!
Re: Spele am 10. Mai
mozilla - 05.05.2009, 07:40
aso liedervorschläg gets vo mer dasmol keni, aber wend wotsch jöni chasch es paar vo dene ussueche woni letschtmol postet han:
mozilla hat folgendes geschrieben: 78 Der König lebt
109 Euses Land
19 Friedefürst
4 Bald schon kann es sein (Englisch!!!) ^^
117 I wett di gschpüre
Jesus Freak vo DC Talk (wär mol stylisch und glaub rächt eifach zum schpele)
73 Wir kommen zu Dir, als erlöste Schar
zudem wär ich deför, dass mer am samschtigmorge vo 09:00 bis 11:00 üebe, denn hemmer 2 ganzi schtunde, vo mer us au 09:30 für eusi langschlöfer *zwinker@andy* :D
1. hemmer denn s'züg scho dunde und müesstes nüm mithei neh, well scho samschtig esch.
2. hemmer jo am 11:10 fürs Paintball im Zenti abgmacht.
Re: Spele am 10. Mai
hOOv3r - 05.05.2009, 13:49
Einer guten Vorschlag...be voll deför :P
Re: Spele am 10. Mai
Anonymous - 05.05.2009, 21:04
ich bi ou debii ;)
füres lied hani grad kei idee, aber "euses land" fändi mega kuul :D
Re: Spele am 10. Mai
stannum - 05.05.2009, 21:42
Merci för euchi Vorschläg so far, d'Liederlischte setzt sech bis jetzt also so zäme:
- 53: Mein Jesus, mein Retter
- 59: Open the eyes
- 04: Soon and very soon
- 78: Der König lebt
- 109: Euses Land
- 73: Wir kommen zu Dir, als erlöste Schar
- 117: I wett di gschpüre
Fehlt no eis Lied. Andy, du dörfsch gern no en Wonsch abringe :).
Ich wörd vorschloh Samschtig am 09:45 Uhr üebe, länger als 1h wärde mer wohrschindli ned ha :). Ond so chönd alli schön usschlofe ;).
Re: Spele am 10. Mai
mozilla - 05.05.2009, 22:10
ok :) cooli lieder jöni :wink: und cool asd singsch mone :wink: d'ziit esch för mech au ok.
Re: Spele am 10. Mai
stannum - 06.05.2009, 22:26
Hehe, jep, mol wieder chli fätzigi Lieder ;).
Wie wär's wenn mer als achts Lied no "Es isch Jesus, wo mer fiire" oder "I chan nömme länger still sy" wörde neh? Nor'n Vorschlag vo mer, mer chöne au ganz was anders neh ;).
Re: Spele am 10. Mai
mozilla - 06.05.2009, 22:40
ich cha nüm länger still si vom icf_chur (oder wer au emmer) oder da vom dän zeltner oder wiener heisst .. de sunnyboy wo meh umegumpet als er mit de gitarre schpellt :D ? aso i wär für beidi und fends e coole vorschlag
Re: Spele am 10. Mai
hOOv3r - 07.05.2009, 18:31
jup, näme mer au no, bin au deför :P
Re: Spele am 10. Mai
mozilla - 07.05.2009, 19:50
aso wohrschiendlech das womer fürd worshipnight güebt hend meined ehr oder? s'andere vo o2 (ned icf_chur sry) heisst "jetzt chani nüm still si" und "ich cha nüm länger still si" esch vom dän ;) nur het das de mani de halt no nie gschpellt.. oder mer organisiere de meury ^^
Re: Spele am 10. Mai
stannum - 07.05.2009, 21:12
Jep, i meine das vom Dän ;). Mer brüüchte denne aber wörkli en Schlagzüüger, soscht dönt's rächt fad...findi....de Mani hani agfrogt, er weiss aber noni ob er spellt, wenn, denne nor spontan. De Beni chont ned, i froge no de Luki ah wäge Bass.
Also wenn de Meury 100% chont ond chönt spele, wäri das natürli Hammer ;).
Re: Spele am 10. Mai
mozilla - 07.05.2009, 22:05
das wär eifach z'viel jo ;) mit em meury chönte mer de s'zenti rocke :D
Re: Spele am 10. Mai
!LLusion - 08.05.2009, 17:21
Hallo, ok, demfall am Samstig (morn..^^) 9:45 im Zenti..!
..zum "i cha nömm länger still si"..also i finde s esch ned wörkli geeignet för in GD, well es kennts niemert, und s isch chli "schnäll"..! D Lüt chönd öberhaupt ned mitsinge...aber wenn ers alli wänd spele und falls de Andy set zuesäge esch scho easy.
Jetz chani nömm stell si ( s andere..^^) fendi voll geils Lied. (anstatt der König lebt, oder so..!).
Werd fett morn zum üebe, freu mi, und denn no go Paintballerererere! ^^
Cyaa
Re: Spele am 10. Mai
mozilla - 08.05.2009, 17:37
joa i wär au für das vo o2 well mer hend süsch scho so fätzigi lieder debi .. ^^ und wägem paintball .. hender das gläse hüt ide 20min mit em tötungstraining? sorry aber d'SP het eifach en egge ab xD
Re: Spele am 10. Mai
hOOv3r - 09.05.2009, 09:21
Die händ en Egga ab, joh^^ Frühner send Killerspeli a de Amokläuf d Schuld gsih und denn het me gmerkt, dass sie met dem nüt erreiche und jetzt schiebe sis halt ufs Paintball ab. Wärde sie höchscht wohrschienlech au voll uf de Nase lande^^
Re: Spele am 10. Mai
stannum - 10.05.2009, 17:38
Moinsen!
Es hat super getönt heute ;). Het gfägt!
Mol no en chlini schüchi Frog am Rande, werom hemmer höt kei Mics gha? Das esch chli schad gsi :(.
Die Frog bitte ned als Kritik oder Beleidigung uffasse, esch wörkli eifach nor en Frog ;).
Re: Spele am 10. Mai
mozilla - 10.05.2009, 19:26
mer hend mics gha, sind eifach ned brucht worde
Re: Spele am 10. Mai
stannum - 10.05.2009, 23:14
Ah, ok ;). Luege mer demfall nöchscht Mol, dass mer die wieder chöne isetze, esch nemmli scho besser, bsonders bi neue Lieder, wie dem höt (Jitz chani nömm still sy), wo d'Gmeind ned kennt.
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum LAN BROTHERs
20. September , grossi TMT bstellig - gepostet von mozilla am Donnerstag 04.09.2008
Sunntig 4.Mai - gepostet von Anonymous am Dienstag 29.04.2008
Lobpriisordner - gepostet von !LLusion am Samstag 16.08.2008
Ähnliche Beiträge wie "Spele am 10. Mai"
ui´s - gepostet von Urgatak am Dienstag 08.08.2006