Verfügbare Informationen zu "FoMe II Abschluss"
Qualität des Beitrags: Beteiligte Poster: stannum - mozilla - hOOv3r - Anonymous - benil - !LLusion Forum: LAN BROTHERs Forenbeschreibung: CH aus dem Unterforum: Band Antworten: 44 Forum gestartet am: Sonntag 09.04.2006 Sprache: deutsch Link zum Originaltopic: FoMe II Abschluss Letzte Antwort: vor 14 Jahren, 10 Monaten, 12 Tagen, 23 Stunden, 37 Minuten
Alle Beiträge und Antworten zu "FoMe II Abschluss"
Re: FoMe II Abschluss
stannum - 03.03.2009, 23:22FoMe II Abschluss
Hoi zäme
De Heinz het eus agfrogt, öb mer am diesjährige Follow Me II Abschloss wörde spele. Dä findet am 7. Juni ide Mehrzweckhalle 58 in Frick statt.
Wie gseht das bi euch us?
Re: FoMe II Abschluss
mozilla - 03.03.2009, 23:48
hmm... aso i weisses noni
Re: FoMe II Abschluss
hOOv3r - 04.03.2009, 14:24
Da simma dabei (ämel ich^^)
Re: FoMe II Abschluss
mozilla - 21.03.2009, 17:04
aso ich wär au debie ;)
Re: FoMe II Abschluss
Anonymous - 09.04.2009, 08:23
wenn der wänd u wesi no ke anderi sängerInne bstellt händ, bini o debii! ;)
Re: FoMe II Abschluss
benil - 10.04.2009, 08:54
hejo da simer au dabnei=)
Re: FoMe II Abschluss
!LLusion - 11.05.2009, 17:47
so, de FoMe abschluss isch scho langsam in sichtwiiti - mer chönnte eigentli blad moll avo üebe! ;-)
Jetz müend mer eigentli nor no de Mani ahfroge (oder sösch en Schlagzüger!) und de müend mer no usefinde was sie wänd das mer för Lieder spiele (aso i nemm scho ah das si die sälber wärde ussueche - wie immer halt!) , denn übigstermin abmache und hoblä!!!
Re: FoMe II Abschluss
mozilla - 11.05.2009, 18:33
be jo mol gschpannt wie de follow-me abschluss werd .. früehner (wo de raph, de mani, de dave und de jöni no de abschluss gha hend) hend si sech voll is züg gleit mit movie dreie, cs-sounds ihbaue .. 3 monitore währed de uffüehrig (glaub meh show gsi vom raph xD) und mer hend au no es movie gmacht undso und nochär eschs eig. nur no scheisse gsi .. xD hets mech emel dunkt .. und jetzt wo de reini da nüm macht ... naja vellecht werds aber au guet ;)
Re: FoMe II Abschluss
stannum - 11.05.2009, 21:47
Hehe, ja, of de Follow-Me-Abschloss bini au gspannt, nimmt mi wonder, wie de Heinz das macht ;).
I han met ehm öbrigens no öber d'Lieder gredt, er het gseit, mer chöne die sälber ussueche. Eigentli dörfti jede wo s'Follow-Me abschlüsst no es Lied wähle; bis jetzt het de Heinz aber keni becho, dorum chöne mer wähle; setti no en Mosigwonsch iträffe, wördi er mech informiere ;). Ansonsten...eifach 8 Lieder ussueche. S'chöne also au welchi vode Worship-Night sy.
Re: FoMe II Abschluss
Anonymous - 12.05.2009, 08:43
ich ha ghört, dass fängs "i cha nümm länger still si" gwönscht worde isch... ;)
Re: FoMe II Abschluss
mozilla - 22.05.2009, 16:16
heyhey ;) ich ha do mol es paar lieder usegsuecht füre Follow-Me Abschluss, well mer jo am Sunntig scho üebe ^^
Anderi Vorschläg oder süschtigi Kritik bitte ahbringe ;)
Greez
- This is our God
- I cha nüm lenger still si
- Dir alli Ehr
- Breathe
- Chume vor di
- Necher zu dir
- From the inside out (änglisch oder schwizerdütsch)
- irgend es spannends sägenslied ^^
Re: FoMe II Abschluss
!LLusion - 22.05.2009, 17:48
Fendi e super uswahl, understütz i voll und ganz!
Morn bim Üebe hani de halt nor die Akkustisch Gitarre - die Elektrisch hani i de Schuel..(jo, das chas moll geh..xD)
Het ned öbber no "Der Herr segne dich (behüte dich, lasse sein..)" bstellt?
Re: FoMe II Abschluss
stannum - 23.05.2009, 12:59
Jup, cooli Lieder! ;)
Jo, also i be met em Heinz einfach mol so verblibe, dass mer das als Sägens- ond Schlosslied nähmed :).
Re: FoMe II Abschluss
mozilla - 23.05.2009, 13:34
jo aber das lied esch so scheisse :D
Re: FoMe II Abschluss
hOOv3r - 23.05.2009, 13:42
Dasch doch egal ey :D...Mer händ deför im Worshipteil 6-7 Lieder wommer chönd durerocke. Und för de Schluss isch das no so schön usklingend, findi.
Re: FoMe II Abschluss
mozilla - 23.05.2009, 15:23
am schluss muess eis si wo chli öbis lauft süsch send nochär all ufem emo-trip
Re: FoMe II Abschluss
!LLusion - 23.05.2009, 15:28
Hm, s isch ja ned wörkli es Ruigs lied, es isch eifach es "anders" Lied..! Und vo dem her findis easy wenn mers spele.
Re: FoMe II Abschluss
hOOv3r - 23.05.2009, 17:07
Guet Simi, denn säg mer doch es Sägenslied vo heftig abgoht?? :D
Gets ned, gäll?^^ i kenn nämmlech au kes fätzigs Sägenslied. Und wie de Andy gseit het, es isch halt eifach "andersch", aber ned zom ihschlofe.
Re: FoMe II Abschluss
Anonymous - 23.05.2009, 17:13
@ andy...wege de akustische isch sicher ned schlächt...de simon spielt ja egitarre u de chamer wie a de WN abwechsle...z.B From the Inside Out isch die Akustischi Gitarre perfekt...
@ALL: zum segenslied..ja es isch au ned mis lieblingslied, aber wemer ziit hend chömer ja ded e cools Intro mache mitere Egitarre SoloBallade u de isch das lied scho grettet...:-)
chunt guet...
dLieder findi au easy...ha eifach das lied (cha nümm länger still sy ) gspielt oder scho uuu lang nüme ghört...
lg Manuel
Re: FoMe II Abschluss
mozilla - 26.05.2009, 18:24
de mone ehre vorschlag esch es gsi, as mer alli öbbe glich kleidet würe am follow-me abschluss ufträtte. was mer zu dere idee as erschts ihgfalle esch, wär wenn mer all so en schotterock hätte:
http://www.funpunk.ch/coppermine/albums/Kaisten/Kaisten15.jpg
das wär total geil! ^^
Re: FoMe II Abschluss
!LLusion - 26.05.2009, 22:02
Ja, Thema Akustischi Gitarre / Elektrischi Gitarre... Mer müend d Reihefolg vo de Lieder wohl oder übel minere Gitarre ahpasse - isch gar ned schlächt wenn die ruhige Lieder chli nachenand chöme und die Fätzige au...immer hinundhärgumpe mit de "Stimmig" isch ned so de hit (Edit: Loht sech zwar ned gross vermiide bi 7-8 Lieder..^^). Vorallem sette mer alles eigentli am Stuck spele, ohni langs Gitarrewächsle wie a de WS-Night...da macht d Stimmig nome kabutt wenn me immer weder mue warte..!
Was natürli no e Möglichkeit isch, isch das me irgend e Bibelstell vorlist öber s Piano, i dere Ziit chan i natürli chillig wächsle.
Min Reihefolgsvorschlag daher:
1.Dir alli Ehr
2.This is our god
3.Necher zu dir
4.Chume vor di
5.This is the air I breathe
- Bibeltext
6. I cha nömm länger still sii
7. From the Inside Out (Mani, do speli met E-git. ;-)!)
Schlusslied: Der Herr segne dich.
Jo, dasch min Vorschlag
Edit: :D JAAA, SCHOTTE KILT..:!!!! ^^ Oder wart: Nei..ich säg nor: hoooomooo..^^
Be aber au deför das mer eus Einheitlich ahlegge..fends no easy idee wies a de WS night gsih isch - d Band und de Bassischt i einere Farb, und d Sängerin inere andere. (Schwarz - Wiss? ^^) da git eifach sonen schöne Kontrast, all hend s gfühl mer hend is öbbis öberleit, und gseht eifach geil us..^^!
Re: FoMe II Abschluss
stannum - 26.05.2009, 22:44
Moin zäme!
Also de Ablauf vode Lieder chöne mer selber bestimme, aber weiss ned, was mer soscht no dörfe / chöne iboue in Worship (Bibelstelle, Gebätsziit etc.).
Eis vo dene Lieder sette mer jo no als Instrumental neh, welles wördet ehr vorschloh?
Hehe, i chönt mi Azog mol alegge, woni of d'Wiehnacht öbercho han, aber de esch langärmlig, do wördi rächt drin schwitze :D.
Re: FoMe II Abschluss
Anonymous - 27.05.2009, 08:22
hallo!
aso zu de reiefolg: findi eigentlich guet, ich würd villicht di letschte zwoi lieder tuusche, wenn mer us sonere adächtige ziit chöme - susch verschrecke aui ^^
wägem instrumental: für was isch denn das? isch das nid so für noch de predigt oder so? will wenns eso wär, würdi eifach eis nä, egau weles... aber im lobpristeil würdi irgendwie alli spile/singe... usser villicht ds letschte ^^
und no wägem alegge: langärmlig würi o nid empfäle ;) aber schwarz wiss findi gueti idee :D
Re: FoMe II Abschluss
mozilla - 27.05.2009, 09:34
aso guet chöme mer alli schwarz wiss, da passt ;) unde schwarz obe wiss ned umkehrt ;)
und jo wenn mer di letschte beide lieder chere fändi da au besser.
und wenn mer no es instrumental müesste schpele wär das doch au chillig, eifach es zuesätzlichs halt .. z.b. 'Always will be' oder 'Master of Illusion' nene ^^ aber wie esch das denkt? as mer irgendeis 'opfere' und das denn nur instrumental schpele? Wenn jo denn s'Sägens Lied!
Re: FoMe II Abschluss
Anonymous - 27.05.2009, 10:35
mini meinig ^^ so wieni de heinz langsam kenne möchter eh eifach zum irgend über öppis noo zdänke ;)! dass mir bzw. ihr nüt me müesste iistudiere chöneder jo eifach sones ruhigs ne, womer eh no spile z.b. necher zu dir...
aber ich wür nid unde schwarz und obe wiss, suscht gsähmer us wie zebras ^^, sondern irgendwie jeans und denn obe schwarz oder so?
Re: FoMe II Abschluss
hOOv3r - 27.05.2009, 18:16
Aso d' Meinig isch glaub gsih, dass alli weder in Schwarz chöme (ämels Top) und d' Sängerin eifach in Wiss. Wöll i han kei schwarzi Hose und au kes wisses Oberteil^^ Hose wäre denn wohl blau (jeans halt). Vo mer us muess es eig. ned einheitlech sii...mer spele jo ned amne Musical^^
Re: FoMe II Abschluss
mozilla - 27.05.2009, 18:56
du hesch ke schwarzi hose und ke wisses oberteil? asoaso .. ^^ jo so han ichs im nochhinein au verschtande und fänd da au cool so! (Band & Bassisch schwarz, Sänger wiss) und mol füre follow-me abschluss chli einheitlich ahlegge wärs scho, süsch gsehts doch chli so us, as wäre mer ned abgschproche und schpele do eifach echli well mer eus halt gfrogt het ..
Re: FoMe II Abschluss
hOOv3r - 28.05.2009, 19:52
Woa weisch wie, meine all, mer heige nieh zäme güebt und send sau guet ^^
Re: FoMe II Abschluss
benil - 30.05.2009, 12:51
also de basisstch zhiet was rots ah=) de ghört ja au ned id band darum chan er ja sie wie er will=)nei isch en witrz isch guet isch gebongt
chan mich eine im velrauf vo de wuche per sms no informiere wegem ufstelle und üebe und so ich han i de RS ei zuegang zum PC=)
greez benil
Re: FoMe II Abschluss
mozilla - 30.05.2009, 13:31
denn chauf der folgendes: http://www.digitec.ch/ProdukteDetails2.aspx?Reiter=Bilder&Artikel=162745
besser als s'iPhone 3G und denn stürzts hoffentli under dinere Benützig ned ab :D
Re: FoMe II Abschluss
Anonymous - 31.05.2009, 19:11
huhu ^^
mir händ hüt morge nomol mitem heinz gredet, wägem fome abschluss... mir chönnte am samschtig morge vo 9-11 noeinisch üebe, müend denn aber wörklich am 11i fertig sii.
zum ablauf: es git es istigslied, s sägenslied und de worshipteil. zuesätzlich wird während de kollekte no es instrumental gschpillt (achtung witz: hauptsach kei blues ;) ). de heinz het schomol en ablauf gmacht, de chönemer aber ändere; es wär aber guet, wenn di "einzelne" lieder, d.h. konkret s iischtigslied, eis wär wome nid eso kennt. (är het s "from the inside out" gnoh...) was meineder do dezue?
jöni, chasch du no de genau ablauf poste, wies de heinz ufgschribe het? :)
gby mone
Re: FoMe II Abschluss
!LLusion - 01.06.2009, 20:40
Hey, am Samstig Morge hend mer eifach am 10:30 Sitzig (före summerevent), d.h mer sette denn fertig sih..;-)!
Fendi voll easy wenn mer s From the inside Out als ihstiegslied nämed.
Gut, einen schönen.
Re: FoMe II Abschluss
stannum - 01.06.2009, 20:58
Moin zäme
S'Programm för nöchscht Sonntig gseht wie folgt us:
10.00 Eingangslied: From the inside out
10.05 Begrüssung
10.10 Vorstellen Konfirmanden
10.20 Lied (Kollekte) Dir alli Ehr gä
10.25 Anspiel Teil 1
10.30 Lobpreisteil
- Ich ha nömme länger still sy
- This is our God
- Breathe (This is the air I breathe)
- I chume vor di
10.45 Anspiel Teil 2
10.50 Input Hene
11.05 Lied (Instrumental): Necher zu dir
11.10 Segnungsteil
11.25 Infos, Abschluss, Gebet
11.30 Lied - Der Herr segne dich
Wenn mer no was ade Reihefolg wänd schruube, müemmer's eifach em Andy Äschbacher mälde, da er d'PP macht.
Frage: Esch de Ablauf jetzt eso definitiv oder wird no was gänderet?
Wägem Üebe: Wie wär's demfall am Samschtig vo 9-10?
Re: FoMe II Abschluss
Anonymous - 01.06.2009, 21:03
ja düend ihr luege und bestimme...au wege de Bandprob...i weiss ned weni am Sa. heichan u weni dehei bin...u den mues i irgendwen no sdrum ufstelle... u das alles vor de 14.00uhr!
i bi den sicher am so.morge ume...:-) alles andere chani leider nonig sege...!
lg Manuel
Re: FoMe II Abschluss
Anonymous - 01.06.2009, 21:05
i finds guet...würd aber no sNecher zu dir in Lobpriis neh. sust hemer ja kei lieder im worshipteil...bim instrumental cha mone selber entscheide was sie wed spiele..:-)
Re: FoMe II Abschluss
hOOv3r - 01.06.2009, 21:10
vo 9i bes 10ni am Samstig sötti länge. Und de Ablauf fendi, eigentlech guet.
Re: FoMe II Abschluss
mozilla - 01.06.2009, 21:23
/signed
Re: FoMe II Abschluss
Anonymous - 01.06.2009, 21:39
aso d mone spillt gar nüt ;)! ney, das isch äbä das xi, woner gmeint het: mir chöne s necher zu dir ufe nä und denn det im instrumental irgendöppis spile, aso ich würd denn eifach am platz bliibe ^^ s gliche übrigens det bide kollekte... chönnteder jo dert öppis spile & de hettemer im lobpriisteil 6, chönemer jo aber am samschtig no luege...
am samschtig vo 9 - 10 üebe wird eifach chli schwirig, wiu erscht am 9ni offe isch, und mer jo d instrumänt & mikrofon zerscht müend uf- bzw. iistelle... müesstemer halt mitem erich luege, wenn är chunnt...
und no wägem ablauf... für mich isch das scho okay so, muess halt de andy säge wie das geit mit de gitarre... ;)
Re: FoMe II Abschluss
hOOv3r - 02.06.2009, 17:32
Es goht scho, wenn am 9ni (oder sogar scho es bitzeli vorher) parat stönd met allem. Denn ine, Züg ihrechte, ihstelle und stimme. Da goht max. 10 - 15 min. , wemmer chli gas gänd und enander hälfet. denn send emmer no 45 min. zom üebe doh. D Lieder hemmer jo scho gröschte Teils a de WS - n8 gspilt. Sötti also hehaue. I freu mi uf jedefall...bes denne
Re: FoMe II Abschluss
!LLusion - 02.06.2009, 19:58
Aaalso..! ^^
Am Samstig üebe chönd mer knicke, well mer versifft hend das de Mani/Beni denn gar noni dihei isch, Üebe ohni Drum & Bass isch för nüt... Am Nomitag hend mer Jungschi und am Obe isch glaub Argoviafäscht.
Das heisst mer wärde warschinli erscht am Sunntig Morge chöne üebe...i neme ah das denn scho alles werd ufgstellt sii, und Soundcheck gmacht (so wie eigentli jedes Johr bis jetzt).
Wäg em Ablauf voll easy, eimol Gitarrewächsel isch jo keis Problem. Aber i wörd s Necher zu der au in Worshipteil ufeneh, well 4 Lieder imene Worship?? goht ned 15 min, sondern 10-12, und mer chönd doch UNMÖGLICH e Ziit-Lücke im Program hinderloh.
I wörd vorschloh mer spieles 2 mal, eimal halt nor Instrumental. met Simi & Micha als Soliste.
I ha no e Frog, wie lauft da gnau met em Soundcheck/Ufstelle? Esch do scho gnauers bekannt?
Re: FoMe II Abschluss
Anonymous - 02.06.2009, 20:08
ich glaub ufstelle und so wänds aus am samschtig mache, so wienichs verstande ha...
suscht samschtig obe, usser ihr gönd alli as argoviafäscht, oder sunntig morge isch au iisi, müesst me halt luege wenn, well si sicher au nomol wännd üebe..?
Re: FoMe II Abschluss
mozilla - 02.06.2009, 22:59
lawl as argoviafescht würi grad mol so knapp wäge lovebugs goh süsch hets döt nüt ahschtändigs ;)
am samschtigobe hani leider vo 17:00 - 20:00 sone dumme Unihockey-Event .. aber abem 21:00 wäri süsch ume aber da esch de glaub bitz schpot :D Sonntig morge wär au ok,
Re: FoMe II Abschluss
mozilla - 05.06.2009, 21:46
wenn wämmer oder wenn döfe mer / chöne mer / söle mer / müemmer am sonntigmorge eig. üebe?
OT: @Andy .. Avenged Sevenfold kenni ned vo der sorry .. ha mol vomne Iron Maiden Album so d'Original-Interprete ghört und die hend no recht geil tönt, under anderem ebe die.
Wer ich gmeint ha esch "Sentenced" ;)
Re: FoMe II Abschluss
stannum - 06.06.2009, 00:56
Jo, i weiss au ned so gnau wenn mer am Sonntig chöne üebe, dänke aber 9ni wär' en aständigi Ziit ;).
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum LAN BROTHERs
16. Februar - gepostet von mozilla am Dienstag 29.01.2008
W7 am 5. April - gepostet von stannum am Mittwoch 02.04.2008
Ähnliche Beiträge wie "FoMe II Abschluss"
TUTORIAL: Veränderung von Augenfarben (von maggie) - maggie (Donnerstag 16.08.2007)
Tutorial charawechsel - Shino Aburame (Mittwoch 22.08.2007)
Tutorial Schneiderladen - bacocab (Mittwoch 05.01.2005)
Tutorial Glitzerschrift - ricky1 (Freitag 05.01.2007)
Ventile einstellen Tutorial - LazyJones (Freitag 27.04.2007)
C++ Tutorial - E-th4X[CREW] (Sonntag 30.07.2006)
[Videotutorial] Adboard Creating Tutorial by =>N4P4sT4< - Fastdog [ad] (Donnerstag 22.02.2007)
Metall-Avatar Tutorial (animiert) - oileee (Montag 04.06.2007)
Fraps + Tutorial - Nonchi_NPL (Mittwoch 18.07.2007)
TUTORIAL heute: wie man dateien runterlädt - Robin (Freitag 09.12.2005)