Verfügbare Informationen zu "Do send im Master Schtrub sini Text"
Qualität des Beitrags: Beteiligte Poster: Master Schtrub Forum: Soo schtruub Forenbeschreibung: ???????????????????????????????????? aus dem Unterforum: Lyrics Antworten: 5 Forum gestartet am: Dienstag 18.01.2005 Sprache: deutsch Link zum Originaltopic: Do send im Master Schtrub sini Text Letzte Antwort: vor 19 Jahren, 3 Monaten, 5 Tagen, 9 Stunden, 8 Minuten
Alle Beiträge und Antworten zu "Do send im Master Schtrub sini Text"
Re: Do send im Master Schtrub sini Text
Master Schtrub - 19.01.2005, 15:29Do send im Master Schtrub sini Text
Alle diese Texte sind Urheberrechtlich geschützt. Durch Eigennutz machen sie sich strafbar.
Re: Do send im Master Schtrub sini Text
Master Schtrub - 19.01.2005, 15:32Schizophrenie
Schizophrenie
Är louft met ehre Omenand
Oni Abstand, oni Ufwand
Ond das alles Hand in Hand
Denn vo ehre werde är erkannt
Ond ou anerkannt
Alli andere tönd ehn ignoriere
Den tued är sie us Gspass mal imitiere
Die Type mönd notürlech den sofort Polizei alarmiere
Nei, im Ärnst die wärdeds nie kapiere
Ond das alles nor welsi hed afo lache
Sie heiged schienbar gmeint, sie töig die sache grondlos mache
Sged sogar settigi wo ehre laufid nache
Settigi wetti am luebste i bachohofe stecke ond bache
Ref 2x : Ehre Arzt seid sie seig Schizophren
Doch tänkt de bi niemer a ehn
Är esch emmerhen ou es Läbewäse
Ond ned ergend öpis zom änestelle, wie en Bäse
Är hed au gseid, sie redi met öpperem wo nor i ehrne Gedanke existieri
Sin Name esch gloub Dr. Bieri
Denn heder no gseid, dasss sie alles addieri
Alli ehri gedanke zämemeschi ond eifach chli experimentieri
Ond das de mängisch öppis usechond
Öpis wo esch konterbont
Wo sie vom Altag schont
Swietere löig ähr jedoch ondbetont
Das seig nor en foröbergehendi Fase
Die gedanke wördid sech jedoch schnell weder verblase
Seig zvergliche mettere Oase
Wenn sie erschmol rechtig äneluegt wördet sech die Gendanke vo sälber vergase
Ref 2x : Ehre Arzt seid sie seig Schizophren
Doch tänkt de bi niemer a ehn
Är esch emmerhen ou es Läbewäse
Ond ned ergend öpis zom änestelle, wie en Bäse
Tlüt hend ehn emmer kritisiert
Set dem esch är durend deprimiert
Am beschde wärs, wen sie ehn eifach wördid in rue loh
Ech chan ehn super verstoh
Of dere Ärde
Vo niemerem osser öppertem beachtet wärde
Ond niene chönne si debi
Das mues enorm schlemm si
Ref 2x : Ehre Arzt seid sie seig Schizophren
Doch tänkt de bi niemer a ehn
Är esch emmerhen ou es Läbewäse
Ond ned ergend öpis zom änestelle, wie en Bäse
Lang tued är ou nöme plange
Zit wert cho, Zit wert cho wo när sech tuet erhange
Re: Do send im Master Schtrub sini Text
Master Schtrub - 19.01.2005, 15:48Gott
Gott
Höt esch ewder mol eine vo dene Täg, von ech mer Gedanke öber Gott han gmacht
Öber sini Exischtänz, oder zom Bispel was är usüept, wievell Macht
Ech mues au zue gä, ech bätte amix am obe, mängisch sogar ou i de Nacht
Doch eschmer ersch ez bewost worde ond ech glou s’esch no be felne so
Das ech mini bettende Gedanke zo Gott nor den los loh
Wensmer so rechtig schlächt tued go
Ref: Im Name vom Vater
vom Son
Ond vom heilige Geischde
Erlech gseid chan ech mer so Gebät gar nöme leiste
Den ech han es grosses Stöck vo mim Gloube verlohre
Ond ech hof ech gfendne weder, oder werde wenn nötig sogar nöi gebore
Wen ech ez als Chreschd ned wörd a Gott gloube
Ja, das chans sech jo eigentlech jede erloube
Doch wemmer mech öber das frog, esch jo die einzig Antwort wommer ifallt
Ja so eschs, denn ech gloub anne höcheri Gstallt
Us eigeter erfahrig weis ech jedoch dasses settigi get
Wo säged, wieso helft är mer, wensmer schlächt god den ned?
Of die Frog chani üch ou scho en Antwort säge
Nämlche wenn Gott alne Mensche of dere Ärde
Wörd hällfe ond sech somet zerkenne gäbe
Wördid sie schlossändlech vo ehm abhängig wärde
Ref:
Jedoch muesi zuegäh, ech go eigentlech ned vell id Kele
Ond gloube ehrlech gseid au ned a freii Wele
Denn ech dänke wemmer sganze wösse i dem Uniwersum wördi psetze
Chöntmer theoretisch gse scho for de Gebort de ganz Läbesablouf fomne Chend i Stei retze
Ja, zom Bispel wöstisch de wensi met was ah fod
Wärsi ned in rue lod
Oder wele Gedanke sie grad plogt
Ond felecht eschs jo sogar Gott wo alles wösse psetz of dere Ärde
Den hät är jo scho fo gebort gse, was ou us mer wörd wärde
Ref:
Oder han ech mer ou öperleid
Ond ehrlech gseid, nor us reiner heiterkeit
Wenn Jesus jo öber jedem Mönsch gstande esch
Das esch dä wo teilt hed Brod ond Fesch
Ond Gott üs beckantlech erschaffe hed noch sim äbebeld
Wär Jesus jo theoretisch gse sis vorbeld
Klar felecht tönt die Öberleggig ez sehr dördacht
Doch trotzdem erschientmers komisch, das die schienbar no niemer hed gmacht
Ref:
Doch hend er ez eigentlech vo mer nor negativs öbere Gott ghört
Denn ech han eigentlech wäret minnere Läbeszit emmer öpper näbe mer gschpört
Jedoch chan ech üch verstoh
Wenn ehr de gloube ned chönd foh
Denn feles werd ou emmer schlemmer
Pfrog esch ou öb ech secher bemmer
Nei, doch hoffe dafmer emmer
Re: Do send im Master Schtrub sini Text
Master Schtrub - 19.01.2005, 15:56Ech ha tänkt
Ech ha tänkt
Ez senz scho füf mönet, wo nech be i mim Bett en gläge
Ech weis no verosse hed grad begonne de Räge
Ond met ehm grad de Wend afo fäge
Denn hani gwösselos, voll vernarrt
Of mini öber mehr leggendi Teli gschtarrt
De hend komischerwies voll verröckdi Gedanke chönne i mech idrennge
Ond mech dröber nochzdänke z'wenge
Wies wär, wenn ech de Herr M. wörd ombrennge
Als erschts hani mer mol öberleid, wasi mer chönt öberzie
Den hani öppis pasends gfonde ond tänkt; wow met dem erkennt är mi nie
Den ech han i mim Schrank gfonde passendi Chape
Pe gschloffe i mini Schlarpe
Ond dezue no es pasends Chleid gsuecht
Han ou grad öppis gfonde, doch ghör ech mech i dem Momänt sälber t'schreie; oh verflecht
Den ech be of öppis gschtande am Bode onde
Ond somet mer igschnette en nöi Wonde
Ech loufe dör tschdäge dörap ond verspör i mim rächte Fuess en stächende Schmärz
Ghör kei Grüsch, nor t'Schleg vo mim Härz
Denn, donde im Gang ah glangt
Loufi i Kochi ond nem scho weder ganz entspannt
Es scharfs Chochimässer vöre
Loufe of Zechespetz bes zo de Töre
I dem momänt hani gmeint ech töig öppis ghöre
Denn ech han vermöch schallwälle i mim Trommelfäld z'gspöre
Ond ech han ghofft, ech seig no ganz decht
Den om mech ome esch nüd gse, kei bewegig in secht
Also beweg ech mech vor
Veruse, denn witer, bes zum Garagtor
Mache en träibewegig met minnere Hand
Stosse s'Tor uf ond loufe, mech aptaschdend a de Wand
I di rein Donkelheit
Ond ech gschpör, mini Platzangst macht sech ou scho breit
Doch mini Ouge passid sech gli a Tonkelheit ah
Loufe anne Schrank dra
Ond zien use en grossi, schwarzi Täsche
Loufe witer, verbie a es par Pet-Fläsche
Wo glageret send i so bruen quadratischi Fässer
Do meini i heig öppis ghört, ond us reiner vorsechtsmasname, tröcki t'Hand no feschder a gref vom Mässer
Doch hani mech schienbar ghert
Loufe vor, weder ganz onbeert
Zom mim fahrbahre Ontersatz
Gompe ofe Sattel metme riese Satz
Tuen no schnell Seili ond Smässer im Rocksack verstoue
Ond fahre in Räge use, indem dasi met de Füess of t'Petal tuen houe
Ech verspör jede einzelni Rägetropfe
Sanft of mini Körper chlopfe
Jedoch werds met de Zit onagnäm ond ech werde blass
Denn die meischte Tropfe chönd der t'Schtofffaserig idrenge ond meched mech pflotsch nass
Ech verspör wie mech en Chöutewerbeld packt
Ond merk, das ech mettem Velo emmer me i Schlammbode isack
Ech versuech mech trotzdem weder z'besinne
Fahre inne Chrützig ine
Biege rächts ap
Ond fahr en langi Bettongstrass dörab
Nach öppe 400 Meter erreichi sone art Puureschopf
Sprenge abem velo ond ghör wieni a bode chlopf
Legge s'Velo vorsechtig of Keselstei
Ond bewege mech vor mettem Rächte Bei
Bes zonnere Chline Halle
Go zonnere Töre ond dröcke abe ehri Falle
I mer werd gweckt en gwössi onrue
Denn Töre esch zue
Ech versueche mech z'behersche ond ned z'flueche
Denn muesi halt öppis anders zom idrennge sueche
So goni halt witer a de Huswand entlang
Besi zomne Fenschder ahglang
Ond wieni vermocht han z'hoffe
Eschs grad en Spalt wit offe
Somet stoni of eine vo dene vor mer leggende Holzbige
Ond versuech langsam is Badzemmer i zstige
Gompe abe ond lo mech lo abfädere
Loufe zo de Töre ond versuechsi ufztue oni lo ts'schädere
So glangi zomne lange korridor
Ond beweg mech bes zonnere Töre vor
Ech nem en tüfe Schnuf
Ond machsi ganz lislig ond vorsechtig uf
So stonni i sim Zemmer
Belüchtet vomne liechte Mondschemer
Ond do gseni ehn vor mer ofeme Bett lege met gschlossne Ouge
Go lislig zo ehm äne ond versuech ehn ned usem Schlof zroube
Ech lueg nomol zrog zo de Töre
Niemer in Secht, also nemi s'Mässer ond Seili vöre
Stige ganz vorsechti of sis Bett ou
Ond alsi gse, jo, är blibt be sinnere Rueh
Nemi sini Ärm, legsi ofe Bettrand
Ond ech bend mettem Seili fescht, die rächt ond die leng Hand
Zien s'Mässer so schnell hender mim Rögge före, dassi gspöre en liechte Wendhuch
Ond bewegs emmer nöcher a sin Buch
Den ghöri en lute Schrei
Ech riesse Touge uf on ech merk, ech be be mer dehei
Re: Do send im Master Schtrub sini Text
Master Schtrub - 19.01.2005, 15:59Wonderland
Wonderland
Ech touche i is Wonderland
Om Tschoutere es riese Gwand
Plötzelech send mini Hoor ganz lang
Be dem Ableck werd mer scho bang
Pfüess verpackt in Sandale, loufi ofeme Wäg
Om mech ome zischid berbie ganzi Täg
Felecht sends ou nor Stonde
Zomendest bni ez ganz verwehrt
Denn det onde
Det louft gmöetlech en Hert
Plötzlech Streckt är sin Arm
Ond zeigt zonnere chline Farm
Met Böim wo dra hend Kafiram
Verpackt i chline Bütli
Gsändsi jedoch so us als beenhaltetsi Chrütli
Ech entnehme öppe eis gram
Baschdle es langs Tütli
Hebe Tfürzügflamme dran
Ond ziene so feschd wieni nor chan
Ref: Es esch ned wit beckannt üses Wonderland
Ond ech hoffe, es blibt onerkannt
Ech tue min chopf sänke
Ond tänke
S’Wonderland esch doch seinzige wo üs no vom evig langwilige Altag tued ablänke
So luegi chli vor mech äne
Ond tänke, wow ez beni aber zemli dääne
Denn näb mer hockt als Gfährt
En Steibock met zwe Bärt
Wo grad füf chend gebärt
Ond dezue sech no vo Huestesaft ernährt
Obwohl dass är Thälfdi grad a bode glärt
Doch alles ändert sech ofe Schlag
Han ned ghoft of dä Tag
Alles verzieht sech inne Egge
Han grad no chönne mini Händ a Chopf legge
Denn eschs passier
s’Ganze hed sech vo sälber evakuiert
Ond ech merk, ech touch nöm i is Wonderland
Denn former stod en rise Wand
ond alles erschient onbeckannt
Ech fühl mech do gar ned geborge
Om mech ome luter sorge
Ez erschienedmer alli problem so klar ond dorchdacht
Spöteschtens ez werdmer Klar, ez beni ufgwacht
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Soo schtruub
Master S. vs. Master P. 14 zeile - gepostet von fluz am Sonntag 23.01.2005
Ähnliche Beiträge wie "Do send im Master Schtrub sini Text"
Night Master 2008 - Daddy Cool (Sonntag 09.12.2007)
Bilder in einem Text einfügen - drohne (Donnerstag 09.08.2007)
Necro-Master - killR (Dienstag 31.01.2006)
TT-Master in Holz - kafir (Dienstag 07.08.2007)
[G.P.K]*Master*Class - [G.P.K]****ELITE**** (Montag 12.02.2007)
Liga_Master - Liga_Master (Samstag 11.08.2007)
Master J: 500.000 XP - crowmania (Donnerstag 26.04.2007)
Lange Abwesenheit - Master StuG (Montag 22.09.2008)
Text für Einladung - melek1 (Dienstag 06.03.2007)
Neues TT-Master Defensivholz - kafir (Donnerstag 17.05.2007)