Ferien Summer 08 - Untitled

iphpbb - Forenarchiv: Archivbeitrag des Forums Untitled

Verfügbare Informationen zu "Ferien Summer 08"

Qualität des Beitrags:
Beteiligte Poster: LuMp - Fronti - Ditsch - King_Free - DUDE - she3p - Goldfish
Forenurl: Klick
aus dem Unterforum: Weekend
Antworten: 57
Forum gestartet am: Mittwoch 10.05.2006
Sprache: deutsch
Link zum Originaltopic: Ferien Summer 08
Letzte Antwort: vor 1 Monat, 14 Tagen, 18 Stunden, 15 Minuten

Alle Beiträge und Antworten

LuMp - 23.03.2008, 17:46
Ferien Summer 08
jaja nim du ferie im juni... ich sege ich nimm den kei.

ich haben ferie vom 14.07.08 - 10.08.08

ersti week also 14-18 oder 19 bini in moldawie mit de schuel
so vom 21.07-2.08 hani vor ferie zmache (zelte frankrich spanie ?) und die letscht wuche isch zum lerne

lueged mal ob er bi dene date obe chönd ferie ne... also die wo bock hend mit uf spanie zcho...

Fronti - 25.03.2008, 10:26

Gseht nöd mal so schlächt us wäg dä Ferie, es überschniit sich eigentlich nur 1 Wuche mit öpper anderem ide Abteilig, ide andere isch nur öpper wäg wo eh nur 20% schafft. Chli problematischer isch das ich innerhalb vo 6 Wuche 5 wäg wär. Zerscht 2 Wuche campingferie, 1 Wuche schaffe, dänn 3 Wuche Milidäär... 8)

Ich sprich das Thema mal ah, hoff si tüend nöd allzu schwierig...

21. Juli 08 - 2. August 08

Wär isch überhaupt alles debii bi so camper Ferie?

Fronti - 25.03.2008, 11:26

Strecki Russikon - Barcelona (als Referenzort) isch 1083.94 km lang und duuured exakt 10:56 h
Ich dänk mer gönd in Montpellier mal schnäll ane Tanki... mowl

LuMp - 25.03.2008, 13:28

jo sölled alli mal schribe ob ja oder nein usw... plant isch ja nanig genau und mir sind für vieles offe.

was wetsch genau sege mit dim post reto ? logisch is net grad um de huusegge... aber isch eigentlich keis problem.. letsch summer hani au 800km a eim tag gmacht und dete bini de einzig gsi wo het chöne fahre.

Fronti - 25.03.2008, 13:55

LuMp hat folgendes geschrieben: jo sölled alli mal schribe ob ja oder nein usw... plant isch ja nanig genau und mir sind für vieles offe.

was wetsch genau sege mit dim post reto ? logisch is net grad um de huusegge... aber isch eigentlich keis problem.. letsch summer hani au 800km a eim tag gmacht und dete bini de einzig gsi wo het chöne fahre.
Das isch nur Info, ich persönlich ha sogar no mit meh Fahrziit grächned... Aber isch ja sowieso keis problem, Reni, Digi, du und ich chönnd ja all fahre. Zwei Autos bruchemer sowieso, au wämmer z 4t oder 5t sind...

D Frag isch jetzt vorallem mal wär luscht hät, sichs chann leischtä und Ferie bechunnt...

- Ravvi (mit Auto)
- Reni (mit Auto?)
- Digion
- Fronti (in Abklärung)
- Free (?)
- Jim (?)
- Manu (?)
- beschti wo gits (?)
- Janine (?)
- Vince (?)

Ditsch - 26.03.2008, 12:52

Ich find d'Idee rockt und ich gib d'Ferie i vom

21. Juli 08 - 2. August 08 -> Wuche 30 + 31
bi mir überschnid sich die 2. Wuche mal luege öb das gaht..

Und Reto isch 16.06-20.06.08 ok, 2. EM-Wuche? (Wuche 25)

Ditsch - 26.03.2008, 13:08

Ach ja und ich gib mal no Wuche 1 i für nächst Jahr, das wär vom 29.12.08 - 02.01.09. Wär genial, wämmer das gnueg früeh chönd sege, au in Hinblick vo Hüüslireservation. [-o<

Und da ja sowieso die meiste a Wiehnachte dihei wennd si (letscht Jahr lässt grüssen ](*,) ), h an ich jetzt mal nöd d'Wiehnachtswuche gnoh, au wemmer denn gnau müest 3 Täg frei näh, will 25.+26.12.08 en Do und Fr isch.. :-k Ziehds eui mal ine ufem Kalender.

Fronti - 26.03.2008, 13:35

Ditsch hat folgendes geschrieben: Ach ja und ich gib mal no Wuche 1 i für nächst Jahr, das wär vom 29.12.08 - 02.01.09. Wär genial, wämmer das gnueg früeh chönd sege, au in Hinblick vo Hüüslireservation. [-o<

Und da ja sowieso die meiste a Wiehnachte dihei wennd si (letscht Jahr lässt grüssen ](*,) ), h an ich jetzt mal nöd d'Wiehnachtswuche gnoh, au wemmer denn gnau müest 3 Täg frei näh, will 25.+26.12.08 en Do und Fr isch.. :-k Ziehds eui mal ine ufem Kalender.
Bin nächscht Silveschterferie wohl nöd am start, mini downunder plän wärded immer konkreter... (planti abreis ca. 30. Dez) =P~

Wäg dä Juni wuche warti no bitz ab, bin eh dä einzig wo dänn wäg wär im gschäft, so bliibi chli flexibler...

Camping hät priorität... 8)

LuMp - 26.03.2008, 13:37

nice nice, gseht so us als chönted die hardworking kvler na d ferie kriege wos wend.

den luegemer doch mal was vo de andere reihe für e resonanz chunt :D

Fronti - 26.03.2008, 13:41

LuMp hat folgendes geschrieben: nice nice, gseht so us als chönted die hardworking kvler na d ferie kriege wos wend.

den luegemer doch mal was vo de andere reihe für e resonanz chunt :D
Ich bin dä einzig hardworking kvler, all andere schaffed nur es paar schoggi-prozent... 8)

Resonanz? ich känn niemmert wo ä resonanz git da ine ussert ois 3... #-o

EDIT: Es gilt s gliich wie immer: Wär sich nöd mäldet, hät gha... 8-[

King_Free - 26.03.2008, 19:54

blablabla.

bin logischerwiis am start

LuMp - 27.03.2008, 13:46

aight...

de jim söll au mal na was melde.. de müsst ja au na ferie igee. wobi er chan ja au fascht immer ferie neh.. de het ja, usserd em lohn nach de kiddie lehrling status :D

DUDE - 27.03.2008, 20:17

ich lueg naechscht wuche ob ich den chan ferie naeh, wird aber wahrschienlich keis problem si!

Fronti - 28.03.2008, 10:12

Fronti hat folgendes geschrieben: Stand:

- Ravvi (mit Auto)
- Free
- Fronti
- Reni (mit Auto?)
- Digion
- Jim
- Manu (?)
- Dänu (endr wenigr)
- Janine (endr wenigr)
- Vince (endr wenigr)
Yess!!! Ich haben mini Ferie grad zuegsichered bechoo. \:D/

Fronti - 07.04.2008, 16:20

Gits News? Digion & Reni, händer chönne frei näh?

Und Jim, wie gseschs du?

she3p - 10.04.2008, 12:32

no kei ferie igä, aber sobaldi ziit haben machis

Fronti - 10.04.2008, 13:58

Ziit ha? Halloo? Du bisch im "Ziitverschwändigs-Forum" und beklagsch di dasd "kei Ziit häsch" zum Ferie näh?! ?! ?! ?!

Ditsch - 15.04.2008, 12:07

zweiti Wuche isch nöd möglich (W 31)

hmm.. viellicht doch s'git ja kei Regle ohni Usnahm.. morn weiss ich meh, wie gsehts bi de anderne uus?

beschti wo gits? vo dir hämmer nonig so viel ghört;-)

Fronti - 15.04.2008, 15:06

Ditsch hat folgendes geschrieben: zweiti Wuche isch nöd möglich (W 31)

hmm.. viellicht doch s'git ja kei Regle ohni Usnahm.. morn weiss ich meh, wie gsehts bi de anderne uus?

beschti wo gits? vo dir hämmer nonig so viel ghört;-)
Machs wie dä Reni: Wänns nöd gaht -> Kündä... :^o Gäll Reni?! =D>

Bim "beschti wo gits" muesch glaub fascht en Huusbsuech mache wännd Info willsch... =P~

Ditsch - 15.04.2008, 15:10

haben ich denk scho überleit: bringt nüt mitere Kündigungsfrist vo 3 Mönet:

Kündigung fällt auf Ende April: 30.04.08.

Ab denn 3 Mönet: 31.07.08 letzter Arbeitstag... denn simmer scho i de Ferie

Goldfish - 15.04.2008, 18:22

aber denn chasch doch no die reschtliche ferie mache??

Ditsch - 16.04.2008, 11:15

Guete Konter, aber au denn müested d'Ferie abgsproche sii. s'Problem blibt also s'gliche. Wenns gsetzlich härt uf härt chämt het ich verlore, will de Arbeitgeber d'Ferie chan vorschribe, wenns du bezieh muesch.. (muss aber auf die Bedürfnisse der Arbeitnehmende rücksticht nehmen bla bla..)

Du gsesch also, ich bin mit de Gsamtsituation unzfride. ](*,)

Fronti - 16.04.2008, 11:49

Aber es git no chance wänn ich dä erschti Post richtig verstande haben, oder? :-k

Dä Reni erwarted no dä Bscheid "usem Büro", er glaubt d Chance stönd bi 50:50...

Hoffemer mals bescht...

Ditsch - 16.04.2008, 13:06

Ja s'chunt no us öbs klappt

Ditsch - 16.04.2008, 14:32

puh, het klappt..

UUUsnahmswiis, hehe

Fronti - 16.04.2008, 16:47

Wältklass!! Jetzt fählt nur no dä Reni und dä Jim, vo dänä wo definitiv gern mitcho würed... 8)

Zitat: - Ravvi (mit Auto)
- Free
- Fronti
- Digion
- Reni (mit Auto?)
- Jim

- Manu (endr wenigr?)
- Dänu (endr wenigr?)
- Janine (endr wenigr?)
- Vince (endr wenigr?)

Da no öppis fürd Vorfreud... \:D/

Goldfish - 16.04.2008, 17:30

*g* wahrschinli werdeder vo dene schöne stränd ect eh nixx mitbecho willer doch eifach alli zu verlade si werded -.-

Fronti - 16.04.2008, 18:06

Goldfish hat folgendes geschrieben: *g* wahrschinli werdeder vo dene schöne stränd ect eh nixx mitbecho willer doch eifach alli zu verlade si werded -.-
Mer sind doch kei Punks... maxen maxen

Nei, will mer erschtens immer wieder mal müend chönnä autofahre und zweitens mer ois au no chli wännd/müend erholä... :D
PS: Das bringt mich grad ufe Idee, ich lueg mal wasd Promillegrenze für Spanie isch... Hoffentlich kei 0-toleranz... 8)

EDIT:

Zitat: Promille-Grenze
Die Promille-Grenze liegt in Spanien bei 0,5 Promille. Für Personen, die ihren Führerschein noch keine zwei Jahre besitzen, Fahrer von Kfz mit mehr als acht Sitzplätzen und Berufskraftfahrer liegt die Höchstgrenze bereits bei 0,3 Promille.
Yes! Für mich gilt 0,5... 8) Ravvi? Langeds bi dir...? maxen

"sRc hät es Reschtalkohol-Problem, sRc hät es Reschtalkohol-Problem..." *sing*

King_Free - 17.04.2008, 16:02

Fronti hat folgendes geschrieben: Goldfish hat folgendes geschrieben: *g* wahrschinli werdeder vo dene schöne stränd ect eh nixx mitbecho willer doch eifach alli zu verlade si werded -.-
Mer sind doch kei Punks... maxen maxen

genau mir sind sRc, also viel schlimmer...

mer sötted mal no zämesitze und mal es paar grundleggendi sache kläre.

Fronti - 17.04.2008, 22:17

King_Free hat folgendes geschrieben: Fronti hat folgendes geschrieben: Goldfish hat folgendes geschrieben: *g* wahrschinli werdeder vo dene schöne stränd ect eh nixx mitbecho willer doch eifach alli zu verlade si werded -.-
Mer sind doch kei Punks... maxen maxen

genau mir sind sRc, also viel schlimmer...

mer sötted mal no zämesitze und mal es paar grundleggendi sache kläre.
Mer hännds im Bonnie schomal chli dure disskutiert, det isch aber nonig klar gsi wär chann und wär nöd. Am beschtä tüemers das wuchenänd nomal ufgriife... 8)

LuMp - 18.04.2008, 10:42

ja vorallem söt de ringo mal na ferie kriege....

DUDE - 29.04.2008, 18:25

....so dörf nomal e wuche warte bis i "definitiv" bscheid ueberchum weg de summerferie
aber wenigstens isch 6. und 9. Juni fuers rock im park buechet!

LuMp - 14.05.2008, 20:23

also da de reni au so einigermasse sini ferie bestätiget het chönd mer i die nächst phase gah.

lueged doch mal chli für campingplätz... vorallem für eine grad bi barcelona... wichtisch isch en bus und net alzuwiit weg und am meer :D jo suscht ischs ja nachher net soo wichtig welle campingplatz mir nämed, aber die grad bi barcelona sind recht gfraget drum sötted mer den dete mal bueche.

King_Free - 15.05.2008, 13:46

hmm ja stimmt scho, mir wär vorallem s meer wichtig.sowieso sötted mer mal churz zämesitze und es paar sache kläre. müends ja ned übertriibe aber allgemein mal d prioritäte kläre,

Fronti - 15.05.2008, 14:58

King_Free hat folgendes geschrieben: hmm ja stimmt scho, mir wär vorallem s meer wichtig.sowieso sötted mer mal churz zämesitze und es paar sache kläre. müends ja ned übertriibe aber allgemein mal d prioritäte kläre,
Mini priorität isch "Sun, fun and nothing to do..." lol

Nei, chömmer gern mache, wobi ich glaub dases abgseh vo ideeäustusch und Campingplätz reservation nonig so vill z fixe git.

Di ursprünglich idee, bzw. mini vorstellig vom ganze isch eifach dasmer au spontan chönnd si und je nach fieber (wätter, umgäbig, etc.) chli chönnted wiiterreise. Fänds scheisse wämmer nachher nur di ganz ziit uf em gliche camping platz wäred und schlussendlich s land doch nöd känned. Vilicht mal ufenthalt ide einte oder andere stadt, mal meer, vilicht au mal ein-zwei täg chli im landesinnere. Ganz gemäss em Ravvi sim Wohnort "mal hier, mal da, mal an einem anderen ort."
Uf wild-campiere wirds wohl au nöd grad läbenslänglich gäh... 8)

Kurz: Nüme basecampe wie im tessin sondern maximal 4-5 täg am gliche ort, chli en 'road-trip'. Willmer zwei Autos hännd, chönntemer ja, wämmer ois mal nöd einig wäred, au mal en tag getrännti wäg gah... Mis Ziel: Spanie chli besser känneleere, spass zha, erholt si... O:)

LuMp - 15.05.2008, 20:20

kk... ich währ au defür das mer zerst so ca. 2 täg in südfranzakistan verbringed... ich meine isch scho e rechti strecki nach spanie und unterwegs hets sicher au na gechillti places to be :D

Fronti - 16.05.2008, 08:17

LuMp hat folgendes geschrieben: kk... ich währ au defür das mer zerst so ca. 2 täg in südfranzakistan verbringed... ich meine isch scho e rechti strecki nach spanie und unterwegs hets sicher au na gechillti places to be :D
Genau, und ufem verbiiwäg in Nizza würdi gern no churz dä Lacosti go zämeschlah und mini 5 Euro zrugg... 8)

LuMp - 31.05.2008, 11:43

just as a reminder
featured by "coca cola zero - be a man"
http://www.rentocamp.de/filter/rx40zmx1.htm

LuMp - 31.05.2008, 12:35

its meeee, bigsheep
also, de ravvi und ich haend gad de perfekti summernachtstraum gfunde:

das hotel (foobar) isch ja wohl de hammer..

choscht noed vil, isch rel. naech a barca, haet es INET-kaffi (free, höääxxx), en buuuurehooof mit schaaaaeeeefliiiiii+++!!
und fuer alli langwiilige: es isch direkt am meer, und es waer erschwinglich fuer all die arme schlucker/schueler..

luegeds ah (abr mr kacked uf eui meinig) mr reserviered die wuche mal :)

also, cuon

LuMp - 02.06.2008, 11:58

da namal de link... ich würd die wuche reserviere wenns feedback ok isch...
[url]
http://www.campingplayasol.com/[/url]

LuMp - 02.06.2008, 11:58

mierda

namal

http://www.campingplayasol.com/

LuMp - 02.06.2008, 19:36

ja dammi interessierts eu eigentlich net das er nie was dezue schriibed ?

King_Free - 02.06.2008, 19:48

volltreffer :D

Fronti - 02.06.2008, 19:59

Tönt schomal guet...

Isch hald voll uf familie mit chind trimmt, aber das seg ja schins überall so det, oder?

Wo ungefähr wämmer di erscht Etappe mache? Südfrankriich isch ja nöd so chli... Wämmer wüssed wie lang mer det wännd bliibe, gsehmer öppä wämmer um Barça sind... Nacher söttemer öppä reservierä... Auf gehts... =D>

Ditsch - 02.06.2008, 20:08

JA d'Campingplätz zbeurteile mitre Ferndiagnose isch nie ganz eifach..

Aber er gseht nöd schlächt us. Er isch 35 km vo Barca entfehrt, das isch kei grossi Distanz.

Ich haben no chli es Fragezeiche, wiemmer d'Strecki iteile wennd und wie lang mer wo wennd blibe.

So wien ich ghört haben, wemmer sicher no es paar Täg in Südfrankrich bliebe..

Mit wieviel Statione rechned denn ihr? Insgesammt 3? Ich fends scho besser wemmer denn amne ort chli chan blibe, defür gits halt längeri Autofahrte. Oder wie gsehnd ihr das so?

LuMp - 02.06.2008, 21:47

HUHU, d manu het na en komplett andere vorschlag, stadt mittelmeer eher ad atlantik küste gah, also bretagne und so. ich fänds sicher au na prüd dete, geile wind,grösseri welle und surfe. meinige ? meine mir hend ja na nix planet vo dem her isch ja no alles möglich....

King_Free - 02.06.2008, 21:57

ich find das sötted mer mal rL bespreche am beschte mit ere charte vor eus;) grad frankriich hät enorm viel schöni burge und sonstige historischi stätte, und ich finds eigentlich schad a all dem verbi z fahre. mer müessted ned det penne aber 2-3 foti sessions sötted doch eigentlich drin ligge? aber demits sich würkli lohnt müesst mer sich au chli vorher informiere, aber für das müessted mer scho in etwa de ziitrahme und d route (zumindest für die erschte paar täg) wüsse. ich mein das sind ja denn kei definitivi plän, wenn mer kei ziit/bock händ chömer immer no alles andersch mache.

Fronti - 02.06.2008, 22:24

Also, Bretagne und umgebig bini dägäge. haben au no churz d'Klimadate abcheckt und di durchschnittlichi Höchsttemperatur liit im Juli bi knapp über 20° (mit 7 Rägetäg im Monet) - und das isch Pfupf! (Wämmer dä Wind no rächnet, isch di gfühlti temperatur sogar no chüeler...)

Südfrankrich isch hammer, det wämmer ja glaub eh all es paar täg bliibe. Atlantik muess für mich hingäge nöd si, zwar im gägesatz zum Mittelmeer einigermasse Bedingigä fürs Surfe, aber für das gäbs definitiv no geileri Ortä. Usserdem eignet sich das glaub eh nöd so würklich für die ferie, willsichs di meischtä, dir inklusive, wohl eh nöd chann leischtä. :-k

Ich bevorzuge us obegnännte gründ di bisherigä plän mit südfrankrich und españa...

Ditsch - 03.06.2008, 08:51

Ich haben 0 Plan vom surfe.. isch glaub nöd ganz eifach? :D

Gebed mer 2 Brätter und Schnee under d'Füess, denn fühl ich mich save, hehe

LuMp - 03.06.2008, 09:36

ja machemer mal def en tag ab, und zwar under de wuche nöd ? jede söll sich aber jetzt scho informiere... ich würd mittwuch in einere wuche vorschla, alli sölled sich de tag freihalte

Fronti - 03.06.2008, 09:58

LuMp hat folgendes geschrieben: ja machemer mal def en tag ab, und zwar under de wuche nöd ? jede söll sich aber jetzt scho informiere... ich würd mittwuch in einere wuche vorschla, alli sölled sich de tag freihalte
Vergissen, Schwiiz - Türkei... [-(

LuMp - 03.06.2008, 12:08

ja wenn wetschs denn mache ? isch doch egal chönd au match luege und bespreche, interessiert mi e null, verlüred eh.

LuMp - 03.06.2008, 12:12

machemers morn ?

King_Free - 03.06.2008, 13:03

morn wär eigentlich kei schlechti wahl, denn chönted mer au no grad alles fürs rip endgültig kläre

Fronti - 03.06.2008, 13:07

King_Free hat folgendes geschrieben: morn wär eigentlich kei schlechti wahl, denn chönted mer au no grad alles fürs rip endgültig kläre
A O E, morgen ist oke... Wänn und Wo? (Dä Mäck hät glaub schuel und isch meischtens öppä am 9i zrugg...

Ditsch - 03.06.2008, 13:13

jä richtig so am 9i bini back

LuMp - 03.06.2008, 14:10

ja easy, würd sege so am 7i halbi 8i, würd sege mer macheds im rümli oder ?

Mit folgendem Code, können Sie den Beitrag ganz bequem auf ihrer Homepage verlinken