yaminaundluca.ch.vu

yamina - 01.10.2007, 22:04
Lezter Tag in Canada/ Calgary
Wer hätts glaub ich ämel sicher nid. Eze sind mier scho sit dri Mönet us dr Schwyz irgendwie isch alles mega schnäll gange und doch ai wieder mega langsam ich cha mich nid so richtig entscheide. More gants wieter mier flieged uf San Francisco hend nu keis Hostel oder en Platz zum schlafe nimmt mich ja wunder wie das Uisechund. Obwohl, de Luca seid immer es chund scho guet. Bi mega nervös, hoffe das es mega guet chund.
So üses fazid vo Calgary mier chend ja nid uber ganz Canada urteile sind ja nid so gross umecho bis eze.

Also Sie hend mal ganz sicher die besser Chips minere meinig nach, chönd sich Zweifel vo ihne nu en Schiebe abschnide. Was Burger abelangt isch s MC One mindistens 1000 mal besser, also wäge däm gahn ich ganz sicher nimme zrugg uf Kanada. Bärge hends wie mier, nur das die nid so uberbuit sind wie üsi, die sind alli im Naturschutzgebiet. also es isch so ziemlich unmöglich i de Bärge zwohne in Canada, ussert dui gahsch grad uf Banff oder Lake Louis.
D Lüüt sind zum Teil meega offe und in Teil sache ai wieder mega verklemmt. Aber was sicher mega positiv isch, das sie nie so gstresst sind wie mier, de Zug oder Bus cha en halb stund zspat cho das interessiert doch niemmert, oder de Busschauffeur, cha sich mitte uf de Strass ahalte und es Kaffee und en Donut go boste und keine macht stress das er eze 5 minute spöter achund.
So mier mäldet üs wieder, sobald mier üs es bizli igläbt hend in San Francisco. machids guet.

Ganz vieli liebi Griässli und en dicki umarmig.

yamina und luca