und was loseder so? - A4b forever :D

iphpbb - Forenarchiv: Archivbeitrag des Forums A4b forever :D

Verfügbare Informationen zu "und was loseder so?"

Qualität des Beitrags:
Beteiligte Poster: |luki| - mimu - *Sasa* - Ale - Trimi - jemi - simi - jtroesch
Forum: A4b forever :D
Forenbeschreibung: Oisi Siite
aus dem Unterforum: also los...
Antworten: 16
Forum gestartet am: Donnerstag 05.04.2007
Sprache: deutsch
Link zum Originaltopic: und was loseder so?
Letzte Antwort: vor 23 Tagen, 12 Stunden, 44 Minuten

Alle Beiträge und Antworten

|luki| - 02.09.2007, 18:32
und was loseder so?
und wemmer grad scho debi sind: was loseder so?

mimu - 19.11.2007, 21:26

komisch eigentli, dass da no niämert gantwortet hät, das wär doch interessant... naja, oi interessiärts warschindli nöd, was ich so lose.... und was losisch du dänn luki? immer silbermond und so?

*Sasa* - 20.11.2007, 20:13

soso..michal...
zerscht sege s antwortet niemrt und nachher selbr kei direkti antwort ge ufd frag:D

mimu - 21.11.2007, 18:45

jaja... :wink: ich ha doch gseit, äs interessiäri niämert, abr ich chans scho säge: ich lose eigäntli zum grossä entsetzä vo gwüssne lüt "nur" klassischi musig, abr ich bin also offe i dem bereich, vo barock bis moderni gfallt mer eigentli sehr vill, nur mit de einte romantische kompositione hani mi nöd immr so guät vertreit... und du, was losisch du? ich röötle: beatles odr so?

*Sasa* - 21.11.2007, 20:13

hei...aso muess sege rätlisch nid schlecht :D
ia i los beatles..und queen...odr halt so elteri musig...abr au nois züüg...wens nid techno isch...abr eigentli filsiitig...klassik isch abr nid für iedi schtimig...und am beschte denn Vanessa Mae(elektrischi giige)...
und wer giz sus n zu wasr lost?

|luki| - 22.11.2007, 15:36

silbermond? aber hallo?! lachhaft...

hauptsächlich Hiphop, aber je nach schtimmig au lieber Rock (aber kei so schnulzepopzüx!!) und alles dezwüsche...
und was händ ir gäge klassischi musig? isch ja scho nöd min stil, aber ich denk s isch die musig wo am schwirigschte isch zum mache...sozäge am meischte niveau...

Ale - 23.11.2007, 20:19

Wow Luki!!! Mach ned Silbermond abe!!! Ich find die wükli no guet und füre Dütschi Band (Wo ned englisch singt) hends es echt wiit bracht!!!

Aso wie gxeit minMusiggschmack ghat relativ querdurs ganze Repetoir:

Aso ebä sosache wie Silbermond etc. losi no gern, Usserdem Rihanna und efach fasch alles was momentan ide Charts isch, und ich lose au sehr gern (Michal mini Vrbündeti!!! :) ) Klassik, wobi mir vorallem d'Opere Nabucco und Schwanesee gfallid allerdings findi au dMusig vo de Anne-Sophie Mutter no guet...
Hip Hop meide ich eher, aber ab und zu gits au Stuck wo no guet sind...
Au Rock wie ACDC het mengisch no Style aber ABBA isch efach eine vo mine ABSOLUTE Favorite.

So das wers zu mim quirlig komische Musiggschmack... :)

mimu - 24.11.2007, 16:31

hey, sgit aso dochno lüüt, wo au klassischi musig losed... :D abr ale, ich ha der no en tipp: wännd anne-sophie guät findsch, dänn würi umbedingt au mal di glich version mitem itzhak perlman odr em gidon kremer, am allerbeschtä mitem isaac stern aalose, diä spieled minere meinig naa no besser als da.s. :wink: übrigens. wär isch das eigentli uf dim bildli?

Ale - 26.11.2007, 18:27

Hey Michal!!!

Ich wird mal dini empfolene Versione lose (ev. hets es ide Medi) Ich bi immer offe fü neuis! Merci füde Tipp!
De üf mim Bildli isch en englische Schauspiller. Nöd sehr bekannt, aber ich find en no guet. :) Warum was hesch gmeint wer dasses isch? :)

mimu - 30.11.2007, 21:48

naja, zersch hani dänkt, es chönnt vilicht din fründ sii odr so, abr dänn hani übrleit, dass das ja irgendwiä komisch wär, und so bin ich schliässlich ratlos vor dem rätsel gschtande, bis ichs nümme uusghalte han und dänn hani di halt gfrögt... :wink:

Ale - 03.12.2007, 18:08

:) Oh... Aber den hanich dich wenigschtens vor es schön kniffligs Rätsel gschtellt... :)

Trimi - 03.12.2007, 19:04

mimu, wännd sorgfältig im forum gläsä hetsch, dänn hetsches usägfundä :D neenee, simmer ned so fiis..

jemi - 29.01.2008, 18:20

Ich los gern Tokio Hotel. So etz wüsseds alli.

Nei Scherz. Ich alles, nur kei hiphop und rap (vor allem kei Dütsche!) und au kei techno oder house. Aber i find französische Rap/hiphop het no style, drum findi de stress mal gar nöd so schlächt. Aber suscht los ich vor allem rock/hardrock/punk aber au grunge/pop/britpop/beat/metal/klassisch/filmmusig/ und mega vil anders züügs.

@ale: wer genau isch "din" schauspiler? :D

simi - 29.01.2008, 21:17
musig
ja aso ich finde, jez isch endlich en thread da wo ich mich au wider emal im forum melde :D
aso ich los v.a. Pop/R'n'B/Rock. Ich lose aber au die aktuelli Charts-musig..
Zu mine absolute Favorite ghöred aber Supertramp & Alicia Keys!
Aber @ Michal und Ale: Ich ha au nüt gege Klassik, am liebschte hani aber d Nocturnes vom Chopin.. :)

jtroesch - 26.05.2008, 22:06

Wänder jetzt würkli alles wüsse? :) Ich lose eigentli recht vill und
alles zimmli gern. Das gaht vo de klassische Filmmusig, über Metal,
bis zu Hardcore.

Am meischte losi sicher ASP (Gothic Novel Rock), mini absolut
Lieblingsband, Samsas Traum (Gothic Metal), Schandmaul (Folk-Rock)
mit Giige und Dudelsack und so... :lol: , Eluveitie (Folk-Metal)...Schwiizer
Band halt...
Und na villes meh...aus so Mainstream züüg...aber ja nid zvill...

Gute Nacht :wink:

Ale - 25.06.2008, 17:53

@Simon:Villich schaffed Mimu und ich ja sogar dich uf die unbeliebte Seite der KLassik z zieh:)

Und ja die Nocturne findi auno schön...

Mit folgendem Code, können Sie den Beitrag ganz bequem auf ihrer Homepage verlinken