Untitled

ZAUNFAHNE - 02.06.2005, 12:04

Demfall fahred die bi mer vor de Hütte dürre!

ICh zünde PYRO!

ZAUNFAHNE - 17.06.2005, 16:02

Verdamte Scheisse!!!

Wie ch me so en scheiss Sport nur guet finde? Do sperrets scho am Morge am 5i die Ganze Alpeblickchrüzig ab, dass es de au würkli gnueg früe parrat sind, wenn die 3RadVelos am Obig am 11i verbiifahred. Ich natürli scho ghoffe, en Unfall isch passiert. Aber neu, de Merksc, dass nur d TDS verbiichont. De stelled die überall d Bulle anä, dass meinsch en Terroranschlag isch passiert. Verdammtnomole, so vill BUlle gits i ganz Europa ned. (oder isch das es neus Beschäfftigungsprogramm)
Über de Mittag wotsch chorz hei goo, aber nei denkste! de Bus chont mit 3 Täg verpötig endlich a und fahrt de friidlich nach Stihusä.
Uf em Wäg hocket alles so penetranti , vollhaarigi 1/365tel Velofahrerfans mit de SexyHösli und em Chäppi uf de Schüssle. Und au Grosmüettere mit Tisch und Bänk stelled de Teeplaus zmitzt uf d Strass. De Chont no s Militär und wott de Rescht absperre, wo nonig vo de Bulle kriegsicher gmacht worde isch. Spötischtens jetzt flüged au scho d Helikopter umenander und filmed mich deheime uf de Terasse am Zmittagesse.
Us trotz han ich min VeloPORSCHE deheime loh und bi z Fuess gange go schaffe. De laufsch bim Primarschuelhuus verbii und was gsesch dete? -Verdammtnomole- Anstatt, dass die Goofe am lehre sind, hocket dete meh Schüeller uf mim Arbeitswäg, alls es Scheisse i de Kläralag het.
Natürlich sind die Velo Ultras und Tifosis bewaffnet mit blöde Schwenkfähnli "Tirol". Ich ha mer grad überleit, ob die das luschtig findet, wenn ich eim so es Teil abnimme und en verdräsche. Ha s denn aber loh, schliesslich bin ich RUUUHIG, ICH BI NED GLADE, NUR RUUUUUHIG!!!!
De wotsch halt uf de Stras laufe, will die chline Bengel MER kei Platz mached und scho chont so gehuupe vo hinde. Ich drülle mich um und de gsesch eifach en 3 Kilometer grosse Lutsprächer hinter der, wo uf eme Autodach dich wott überfahre. Leider isch er so luut gsii, dass er mis "Verdammte huere Wixer" ned ghört het.
Une im Dorf isch de Halbe Kanton versammlet und wartet uf eusi Fahrer. Ich natürlich immerno schön RUUUUHIG warte und warte uf de Bus. Am 13.25 chont er de endlich. (ich setti sit em 13.20 wieder im Gschäft sii, aber das Stört ja eusi Kunde ned.) Easy, vill ändere chan ich nümme. Nauch um nach stiiged die andere Fahrgäsch us. Die wend sicher das Ereignis mitverfolge.
"nächster Halt Steinhausen Zugerland". "Brumm" *brems* *motorabstell*
ja supper Schmidi. "Fahrt de Bus nümme wiiter, oder was!?!" frög ich ganz fründlich de Buschauffeur. "Neii, d TDS chont. I 15-20 Minute fahred mer wiiter." Ok, ich laufe halt. Sind ja nur 5 Minute z Fuess..... HA, vergiss es! Ich wott d Stras überquere, zom über d Brugg laufe. De pfiift mi so en NavySealPolizischt zrugg und seit ich sell warte. - Langsam aber sicher bin ich ja Profi im warte.
UUUUUND de chömeds endlich füfzigAutos,denzehnVelos,dendäBäsäwage und nach 10,395828 Sekunde isch alles verbii gsi.
Juhuu, d Wält isch grettet gsii, min Bus isch wiitergfahre, s Militär abzoge und ich ha dörfe endlich go schaffe.


Und was habe ich daraus gelehrt? - NICHTS, denn ich fahre heute mit dem Velo zu Thierry.

c-you in tha Hell Š_Š

schurkenstaatfreund - 17.06.2005, 16:44

Zaunfahne, de Bitrag isch echt hammer, ha (m) mer voll eine abgröld... de wür bi mier als Dütschlehrer es 5.5 ghä, 0.5 Abzug für d Rechtschribig.... usser sigsch bsuffe gsi bim schribe :lol:

Ne jedefalls isch de Text würkli guet, denn so zimmli ähnlich isch's mer die letschte 2 Täg au ghange.... HEJ, ICH VERLANGE DOCH NET VILL, ICH WILL DOCH NUR HEI GHA ESSE MANN!!!
Bi üs heds au mega vill Bulle umegha wo umegnervt hend, blödi Fans mim Tiroler-Fähnli... hä? was hed Uri mit Tirol ztue... verdammti Firma oder was?? Villzvill Autos, wo ganz Bürgle-Westcoast verstopft hend, han ganzi 20 Min gha bis i mim Roller dihei gsi bi, normalerwis öbbe 4-7 Min - Wo simmer da eigentlich...
Und uf jede verdammt Fahrer chömed öbbe 1.8 Autos oder so... so übertribe!!!

En verdammte Zirkus isch das, net meh und net weniger!!!

Splash - 24.06.2005, 18:11

Andi hat folgendes geschrieben: Well bi üs wie jedes Jahr d Velo Schwiezermeisterschaft stat findet. )

... ned ganz! d'schwiezermeisterschafte send all johr neumed anderst!
velecht esch all johr de tell cup oder wie de au heisst, aber d'schwiezermeisterschafte send eimalig!

schurkenstaatfreund - 25.06.2005, 01:54

Wer lügt? 8)

Splash - 25.06.2005, 13:10

De Grätzer hed kei ahnig!
D'schwiezermeisterschafte send secher ned jedes johr am glieche ort!
Das esch au bi andere Sportarte so! Das wächslet met jedem Johr!

Andi - 25.06.2005, 16:46

Isch doch egal, das renne isch jedes Jahr da.