Verfügbare Informationen zu "Chips mit Lemone gschmack"
Qualität des Beitrags: Beteiligte Poster: yamina Forum: yaminaundluca.ch.vu Forenbeschreibung: Eine Weltreise - Es gibt viel zu erzählen... aus dem Unterforum: Tagebuch Yamina Antworten: 1 Forum gestartet am: Freitag 29.06.2007 Sprache: deutsch Link zum Originaltopic: Chips mit Lemone gschmack Letzte Antwort: vor 16 Jahren, 8 Monaten, 22 Tagen, 1 Stunde, 15 Minuten
Alle Beiträge und Antworten zu "Chips mit Lemone gschmack"
Re: Chips mit Lemone gschmack
yamina - 04.08.2007, 02:04Chips mit Lemone gschmack
Also die Wuche hemmer doch eh chli epis wieder einisch erläbt gha. Am Zischtig simmer go bowle, mier hend endlich wieder einisch chennä amene Hobby vom Luca nachegah. Mier sind bi der richtige Haltestation uisgstige und hend de wellä is Bowlingcenter laufe. Mier hend nid gnau gwüsst wo dure und drum hemmer dänkt mier fraged mal en Canadier, dä weiss das sicher. De ersti hed üs gseid gha, das er wüssi, das es i dr 42 Avenue isch, er dänki es sig uf de linke site, aber es chön ai uf de Rächte si. de luca hed de zgfühl gha, mier laufed mal nach Links de hemmer en anderi gfragt, die isch sich ziemlich sicher gsi, das mier müessed rächts laufe. De simmer so verrwirt gsi, das mier nu ines Gschäft ine sind go frage, dä hed üs de gseid,das mier müessed nach links laufe. Mier sind de SChlussendlich nu ines dritts Gschäft go frage bis mier de endgültig gwisst hend wo dure;). Den simmer endlich im (luit Schuel)bestä Bowlingcenter vo Calgary acho. Nur das hed gar nid so uisgseh wie bi üs im Rex zStans oder so. Also erstens hemmer epä glichviel zahlt wie i dr Schwyz, aber d PC wo eigentlich settet Pünkt zämezelle, sind glaubs us der 70er gsi oder so und hend ämel nimme funktioniert. Mier hend alles müess vo hand uifschriebe, aber de Luca heds zum Glück nu gwisst wies gahd. Es isch verbote gsi bi de Bowlingbahn zässe oder ztrinke. Aber ztrinke hed nur us somene alte Automat gäh. Wo wahrschindlich ai us de 70er gsi isch, und ztrinke dinne hed ai mega alt uisgseh, drum simmer de dört ai nid länger als 1 Stund blube.
Nachem Bowle simmer zu üsne zwei Bärner Kollege hei go znachtässe. Mier sind vorhher nu go ichaufe und hend eifach mal es paar Chips mit Dipsauce gnu und en 2.27 kg Lasagen für elf dollar.
Womer de de heime achosind hemmer Chips afä ässe und mier hend wirlich die ganz ziit zgfühl gha die schmöcked meega komisch, mit de Dipsauce hesch zwar nid chennä säge aber sie sind eifach mega komisch gsi. d Lasagne hed nume 2 Stund gha, bis sie fertig gsi isch. Und den isch die so gruisig gsi, das ich die nid han chennä ässe, de Chäs hed irgendwie nach blastik gschöckt. Naja und 2 Stund speter hanich mal d Verpackig vo de Chips agluegt und gseh gahdas es Chips mit Zitrone gschack sind. Eze wissemer ai was a däne Chips so komisch gsi isch. isch wirklich nid unbedingt zempähle, aber dCanadier mixxed eh eh chli alles mit de Chips.
Am Mittwoch isch ja de ai erste August gsi und mier sind 5. i Park chli go fire. Isch scho nu irgendwie komisch gsi, ohni SChwyzerfähndli und Ragete hemmer ai keini gfunde. SBeste isch halt gsi das mier mitem Canada Bier uf e SChwyzer Geburi agstosse hend;) sSchlächtiste vom Abig isch eigentlich sFleisch gsi. De Luca hed zwei Stakes kauft und wo mier die ufe Grill dah hend, hed das mega afä Stinke so wie vergammlets Fleisch, aber mier hends epä vorere Stund im Lade kauft gha.
Mier sind de Meinig, das das Fleisch vonere alte Chue gsi isch will es hed uberall Sehne dinne gha. De Luca hed epä zwei Biss gnu und hed de nimme witer chennä ässe wills so gruisig gsi isch. ( Eze wissemer ai wieso üsi Home mother immer nur Spiessli hei nimmt, isch glaubs zbeste Fleisch hie und Chicken natürlich).
Gester hemmer natürlich üse Stammabig im Wisky gha isch lustig gsi wie immer. Cha ai nid leid uisecho, wenn eis Bier 25 cent kostet;)
So das Wucheend gemmer uf Lake Lois mit mim onkel und mier chemid erst am Mäntig wieder hei. Wir üse ersti Trip usserhalb vo Calgary. Mier freuded üs meega drui. Am Mäntig hemmer de sicher viel zum schriebe. ganz vieli liäbi griässli und dicki schmüzli yamina und Luca
Mier versueched eze wieder mal es paar föteli zlade.
http://img222.imageshack.us/slideshow/player.php?id=img222/4480/1186184892rx6.smil
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum yaminaundluca.ch.vu
Grand Canyon / Los Angeles - gepostet von yamina am Dienstag 30.10.2007
Ähnliche Beiträge wie "Chips mit Lemone gschmack"
Biz & Chips - JMR (Sonntag 11.11.2007)
Produktion der Wii-Chips gestartet - H.A.M.M.E.R (Freitag 08.09.2006)
Chips, Knabberein - clubmed (Sonntag 20.03.2005)
punky chips!! - veganarchopunker (Montag 15.10.2007)
e-Chips - Annily2004 (Freitag 23.03.2007)
RFID-Chips: Patientenkennzeichnung - BZF (Donnerstag 28.06.2007)
Business Idea "Chips" - R.Igor (Samstag 14.07.2007)
Ein Käfer sorgt für kühle Chips - prasu2926 (Donnerstag 30.11.2006)
Poker-Koffer 250 u. 500 Chips - Rachel (Samstag 04.08.2007)
Hab Picknick mit Gott & bring Chips mit - mikey:-) (Dienstag 21.08.2007)