Verfügbare Informationen zu "Rundbreif 2"
Qualität des Beitrags: Beteiligte Poster: Ändu Forum: Ex-2MNd Forum Forenbeschreibung: Das ex-offizielle Forum der Klasse 2MNd des Gymnasiums Neufeld - offiziell: www.2mnd.ch.vu aus dem Unterforum: Diskussionen & sonstige Beiträge Antworten: 1 Forum gestartet am: Donnerstag 15.02.2007 Sprache: deutsch Link zum Originaltopic: Rundbreif 2 Letzte Antwort: vor 16 Jahren, 11 Monaten, 17 Tagen, 7 Stunden, 19 Minuten
Alle Beiträge und Antworten zu "Rundbreif 2"
Re: Rundbreif 2
Ändu - 10.05.2007, 08:13Rundbreif 2
Hallo zäme
ha no mau e rundbrief gschriebe, dr bousi het gfunge i söt das mau wieder mache.
das forum isch würk no cool, vorauem d komantär vo de lehrer, so lustig.
aso, viu spass ir schuu
ändu
-----------------------------------------------------------------------------------------
Hei zäme!
Aus erstes mau e chlini entschoudigung für dasi so lang nüm ha gschriebe, ha mr eigentläch vorgno gha mi öfters mau z mäude. E zit lang hani gar nüm dra dänkt dasi ja no lüt z europa kenne.
Je lenger i hie bi, desto meh fägts. Lehre immer wieder neui lüt kenne, und d schuu wird immer eifacher. 1. hani iz dr stoff woni hie „verpasst“ meh oder weniger nachghout und 2. hani eigentläch ke problem meh mit em änglisch. Hie isch es fiu eifacher es „A“, aso e sächser z mache, i mängne fächer het das aube die haubi klass. Aber uf dr angere site bisch o u schnäu bim „F“ (schechtischti note) unge, sobaud d unger 55% richtig hesch.
Z wätter wird immer wie heisser. Hüt hest über 35°C gha. Z guete isch das es immer sehr troche sich, de gspührt me d hitzi nid so, derfür trüchnet dr immer d nase u ds muu us wed chli velo fahrsch. Me merkt o fasch nid das me schwitzt, das verdunsted immer grad, merkes eifach a däm dasi trinke und trike und ha glich no durst. Am beste geit me am nami ga schwümme. Das hätte hüt eigentläch mit nes paar kollege vor gha, aber z schwümmbad het früecher gschlosse wäg em ne speziaualass.
Es paar sache vermissi iz scho weni wieder zrück chume. Ds glace zum bispiu. S git glace mit rohem güeziteig und fudge (e art schoggi fondon aber mit u viu verschiednige sorte) din, das isch mi favorit! S git o „strawberry cheescake“, o sehr fein. När gits hie e riesigi uswah a cornflakes natürläch, im super markt hes ganzi regau vou. Was es hie o überau git si shrimps oder crevette wod zum snack chli chasch i sössli tunke.
S git aber o sehr dunkli kapitu apropos ässe. I üsere schuumensa zum bispiu, wos mr nach drü mau aso z viu worde isch. Aus wos dört git isch ufgwehrmt, ir plasitkverpackig inne. Wes e burger git, de wird z fleisch glichzitig kocht wie ds brot bache wird, u de isch ds brot inne aube no gar nid bache, nume so schmiereige teig. U de tüe si iz brot irgendwie so ne art aroma oder duftstoff, dass es meh nach brot schmöckt u das chunt dr immer entgäge weds uspacksch. Mängisch, we d mensalüt z züg zlang im ofe zum ufwehrme lö, de schmiuzt z plasik und chläbt när am hamburger.
Es git aber o ganz angeri Hamburger, muesch nume iz richtige restaurant. Ha hie die beste burger i mim läbe gässe. Es gits richtigs grilleds fleisch mit bachnige brötli und u viu chäs, zibele, piuz usw. Mmmmmhhhh!
Vor läbeswies här isch no mängs angers. Z ichoufe zum bispiu. Am meiste sich am abe los, wes agnähm chüu wird. D gschäft hei midistens bis am 11 offe, mänge bis am 12 und angeri mache gar nie zue. Hie ir nöchi gits es „Wal Mart Super Center“. Wal Mart isch e chöti mit risige gschäft, isch schwierig öpber wieder z finge. Dört bechunt me würk aus: Betwösch und chleider ir einte egge, zwüsch inn irgendwo z ässe, när aus mögleche a DVD und CD, iPods, Computer, Uhre, Outopneu, Eheringe, Gwehr, medikamänt, würkläch aus. Hie gits o „drive through“ apotheke, da chsch di usem outo us la bediene.
Ir schuu mache mr iz de 2 cooli usflüg. Dr eint geit nach Monte Rey, dörts hets es ziemlächs berüemts aquarium. När gö mr mit dr Physik klass i „grate amerca“, e rächtg grosse vergnüegigspark, wo mr a de bahne züg usrächne und mässe müesse, wird sicher cool.
Ja ja, d zit geit schnäu verbie. I ha nume no 6 wuche schuu, u när muessi mi scho wieder vo aune verabschiede woni ersch grad ha kenne glehrt. Schad eigentläch.
Und wie geits euch so? Fägs ging no ir schuu, heit dr o so schöns wätter? :-)
Wünsche näch witerhin aus guete, liebe grüess
Andreas
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Ex-2MNd Forum
Isch das dr 18407 bitrag oder nid??? - gepostet von jamflex am Freitag 25.05.2007
öksnef - gepostet von jamflex am Mittwoch 01.08.2007
i ha nur wöue sägä: i bi müed - gepostet von jamflex am Sonntag 19.08.2007
Ähnliche Beiträge wie "Rundbreif 2"