Untitled

Kaki - 09.05.2007, 15:53
Fonts
Ähm, für die wo's nid wüsset, fonts nennt mer eigentlich die verschiedene schriftarte, also z.B arial, oder d HdR-schrift.

Und die chönd er da abelade: http://www.dafont.com/

I han zwar jetzt grad gseh, dass d'siite nümm gat, aber was er müend mache, stat ja det.

Jetzt, wenn er die schrift abeglade händ, isches gar nid so eifach, sie au z installiere.
Ich mache das so (kA, öb de afang stimmt, hand scho lang nümm gmacht.)
Wenn er d Datei ufmachet, het's glaub mehreri dateie dinne. Eini vo dene wird denn mit einem bildli azeigt, wo en blaue, en rote und en grüene punkt druf het (wenn öber weiss, wie mer dem seit, bitte teilet's mir mit^^).
Die nämed er und ziend sie uf de desktop. Det sötti jetzt d asiitcht vom bild ändere und zwar zu entweder enem rote a, enem blaue T oder enem grüene O.
Jetzt mached er de Ordner C:\WINDOWS uf und suechet det de ordner Fonts, also C:\WINDOWS\Fonts

Und jetzt ziend er d datei vom desktop i de ordner. Wenn alles stimmt, söttet er jetzt die schrift ha und ufem desktop chönne lösche.