Untitled

Schtärnfrucht - 28.04.2007, 17:37
Üses eimaligä Sekritariat
Jo ich find das ghört jetzt eifacht dohi, es muess jetzt würkli mal gseit si und das mir's a üsere Kanti hend erfüllt mich mit Schtolz, wemmer nümmä wiiter weiss, denn chammer zue ihnä goh und si chönnd eim würkli immer hälfä und wüsset immer alläs bis is chlinschtä Detail, nei, es isch nöd de Schuelpsycholog - es isch Üses Sekritariat! :grin:

Diä beliebtischtä Sätz vo üsnä Dame und Herrä:
- Ou, das weiss ich jetzt äu nöd.
- Das isch nöd mis Fachgebiet.
- Händ si es Ufgebot?
- Lueget si doch ufem Schtundeplan nochä.
- Sekritariat isch für Schüeler am Namitag ned göffnet!

Ja das wärs in öppä...

Kopierer vs. Sekritariatsfrau:

Wider einisch meh het üsä treui Kopierer en Papirschtau gha. Was tun? "Melden Sie sich bei Problemen mit dem Kopiergerät bitte im Sekritariat". Ganz nachem Motto 'da werden Sie geholfen' isch mer denn au is Sekritariat gangä.
D'Sekritariatsfrau isch denne nätterwiis grad go luege cho, das Morgä gsi isch und Sekritariat ja nur am Namitag zue het für Schüeler...

Sekretariatsfrau: "WAS UF KEIN FALL DÖF PASSIERÄ ISCH, DASS S'PAPIER VERISST!".
Colette/Jessica: *denk* "Ja diä weiss ja vo was si redt, das isch im Nuu wider gflickt."
Sekretariatsfrau: *blickt Kopierer an, öffnet Luke auf der Seite des Kopierers, blickt verwirrt*

*teatralischi Pausä ;)*

So und jetzt kommts:

Sekritariatsfrau: *Sekritariatsfrau stemmt ihren 10cm langen Stöggelschuhabsatz gegen den Kopierer und reisst an einer Ecke des Untäters - des Papiers*

Es isch nur no e Frog vo de Zyt gsi bis si mit emene Fätzä Papier dete gschtande isch und dass si so ned ganz zue ihrem Ziil chunt isch absehbar gsi...jänu...

Aber Sekritariat leischtet hiii und da doch au ganz gueti Arbet - danke!

Schöns Tägli,
wünscht eui d'Schtärnfrucht