Verfügbare Informationen zu "Priefige"
Qualität des Beitrags: Beteiligte Poster: Dizzy - nice - X3ne - Trib - Gabba - Cols Forum: ZimtZone.ch Forenbeschreibung: Pix uf http://gallery.zimtzone.ch !!! aus dem Unterforum: Psychologie (Dizzy's Corner) Antworten: 244 Forum gestartet am: Montag 19.12.2005 Sprache: deutsch Link zum Originaltopic: Priefige Letzte Antwort: vor 14 Jahren, 3 Monaten, 18 Tagen, 16 Stunden, 26 Minuten
Alle Beiträge und Antworten zu "Priefige"
Re: Priefige
Dizzy - 15.01.2007, 00:06Priefige
so...es lauft wieder mol öbis in "mim" forum
ich informier euch do inne über mini priefige...(dir händ rächt...mir isch momentan langwilig)
also morn, dr 15.1.07 goht los mit minere erschte priefig in däm semester: MMI (Mensch-Maschine-Interaktion)
foht leider am 8i am morge a, drfür erwarti nid esone schweri priefig
mol luege wies lauft...ich halt euch uf em laufende
Re: Priefige
Dizzy - 15.01.2007, 12:27
also, jetzt hani die erschti priefig hinter mir...
isch glaub guet gange, sötti gschafft ha, sunsch wär nüm guet...abr me weiss jo nie...
Re: Priefige
nice - 15.01.2007, 13:07
dir muess ächt langwilig gsi^^ jo mir hän se jo au scho bald mol...
Re: Priefige
X3ne - 17.01.2007, 08:24
poah du chasch es so easy näh? ich stirb :)
Re: Priefige
Dizzy - 17.01.2007, 20:38
immer locker bliebe... wenn de zu nervös wirsch blockiersch di nume... und das willsch jo nid ;)
Re: Priefige
Trib - 17.01.2007, 21:56
ich ha ghört s söll gueti beta blocker gäh gege das:)
Re: Priefige
nice - 17.01.2007, 22:10
ich ha ghört droge sige kei lösig?
Re: Priefige
Dizzy - 17.01.2007, 23:29
nur loser und schwöschtere bruche droge zum em druck standzhalte :P
mini mitkomilitone föhn jetzt scho wieder a mit panikattackene...:D abr jo...bini mr gwohnt vo letscht joor :)
Re: Priefige
Gabba - 19.01.2007, 00:25
High Five Dizzlahhhh
Re: Priefige
Dizzy - 19.01.2007, 17:33
High Five!!!!!
ha jetzt die definitive priefigstermin...und ei wuche wird sehr spannend:
vom 12.2. bis 15.2. hani jede daag e priefig...olé froi mi scho :roll:
6.2. und 8.2. hani au no priefig...
die eifachschti chunnt am schluss: 23.2. vwl 2b :P :D
Re: Priefige
Dizzy - 01.02.2007, 22:03
update: die erschte 2 credit points sin scho mol flötte gange...
Re: Priefige
X3ne - 02.02.2007, 00:27
oh verdammt..was hesch kah??
Re: Priefige
Dizzy - 02.02.2007, 10:55
e "fail" hani kha...abr bi jo nid dr einzig, kollegin hets au nid gschafft...
Re: Priefige
nice - 02.02.2007, 16:29
isch in däm fall jetz nümi guet? ;)
Re: Priefige
Dizzy - 02.02.2007, 20:57
:P
jup...isch nüm guet... ;)
abr am tsischtig chani das wieder guet mache...odr ich probiers ämmel
Re: Priefige
Dizzy - 06.02.2007, 22:47
so...hüt e priefig kha...genau gseit diagnostik
s schlimme isch ich ha e guets gfühl...und so öbis hani jo scho mol kha...wäge däm hani chli zwiefel...
abr mol luege, es würd jo e wiederholigspriefig geh...
Re: Priefige
Dizzy - 08.02.2007, 17:37
und scho wieder priefig kha...
und diesmol e ganz e witzigi, vor em tescht het dr prof gfunde: "auch wenn es eng ist, versuchen sie die prüfung alleine zu lösen"
isch abr nid gange, praktisch alli hän gspickt, no meh hän gschwäzt usw...isch dr burner gsi
sött die priefig bestande ha, sunsch het die näbe mir dr tescht au nid gschafft, und die lüt vor und hinter mir au nid :D
Re: Priefige
X3ne - 08.02.2007, 18:56
ich glaub das nennt sich gruppeversage :) aber chasch trotzdäm hoffe! d'noteskala wird denn uff jede fall apasst ;) hehe
Re: Priefige
Gabba - 10.02.2007, 20:05
uni basel...
Re: Priefige
Dizzy - 10.02.2007, 21:11
ok...was i do vo dr eth khört ha isch au nid suber ;) do het me zwenig blätter und so scheiss ;)
ussertdäm isch das e dozänt gsi wo gege priefige isch abr vo dr fakultät us muess e priefig mache... ;)
Re: Priefige
Gabba - 12.02.2007, 00:06
wie scho gseit...uni basel... ^^
Re: Priefige
X3ne - 12.02.2007, 15:15
wieso check ich dä nid??
Re: Priefige
Trib - 12.02.2007, 17:22
will du ebe an de uni bs studiersch:)
Re: Priefige
Dizzy - 12.02.2007, 21:03
wahrschinlich kompläx vo de ETH-Schüeler ;)
btw. wieder priefig kha...
mal gugge..ha gmischti gfühl...
es wird scho guet cho
und diesmol isch nix gsi mit rede odr spicke ;)
Re: Priefige
nice - 12.02.2007, 22:23
verdammt ich hätt doch nach st. galle sölle^^
Re: Priefige
Dizzy - 13.02.2007, 12:36
was willsch in Gülle? e fremdsproch lerne?
und dir glaubets nid, abr ha scho wieder e priefig kha
und ich ha wieder s gfühl dass es guet gange isch, abr mir wüsse jo das mi gfühl mi cha tüsche...
die muessi bestande ha sunsch döffi immene joor dä ganz chabis nomol mache
Re: Priefige
Gabba - 13.02.2007, 16:17
huere spassvogelverein...ich spar mr dä kommentar;)
Re: Priefige
nice - 13.02.2007, 23:28
bisch sälber e vogel
Re: Priefige
Dizzy - 14.02.2007, 10:22
he...nur d claudia cha sich Vogel schimpfe :P
Re: Priefige
X3ne - 14.02.2007, 11:32
gege was willsch di impfe?
Re: Priefige
Gabba - 14.02.2007, 18:03
gege hoderassle vermuetlich:D
Re: Priefige
Dizzy - 14.02.2007, 18:12
X3ne hat folgendes geschrieben: gege was willsch di impfe?
chasch eigenlich nid läse? :P
ha "schimpfe" gschriebe nid impfe ;)
woby impfe gege hoderassle sicher praktisch wär
edit: hani fascht vrgässe z sage, ha jo hüt e priefig kha...diesmol e zimlig schweri, do hani nid emol e guets gfühl sondern nur e grosses frogezeiche... abr goht glaub es zytli bisi e antwort druf ha
Re: Priefige
Dizzy - 15.02.2007, 18:39
so...hüt hanni die 7. vo 8 priefige kha...
und zwar statistik, und dassi do nüt spannends drzue cha sage isch glaub klar...statistik isch nid spannend...
Re: Priefige
Dizzy - 16.02.2007, 18:24
olééééééééééé
ha e resultat: diagnostische grundkenntnisse hani e 5! :D
scho mol paar credit points
Re: Priefige
X3ne - 17.02.2007, 12:34
dämfall gratulation :)
Re: Priefige
Dizzy - 17.02.2007, 16:52
messi viel mol :)
Re: Priefige
Dizzy - 22.02.2007, 22:56
olééééééééééééé
ha e 5,5 in "kognitive prinzipien des lernens"
schalalalalalala *sing*
mini beschti note bis jetzt
Re: Priefige
Dizzy - 23.02.2007, 19:02
hüt also finanzmärkte
ich sag nüt drzue, ich los mi 20min horoskop spräche:
"ihr einfallsreichtum und ihr wille sind gefragt wie nie."
ich glaub das trifft dr nagel ufe kopf
Re: Priefige
Gabba - 26.02.2007, 16:58
LoL d-d-d-di du spinnsch doch!
GRATZ zu dene note, hammer sach!du rulesch all die Psychobitches ;-)
mzg
Re: Priefige
Dizzy - 05.03.2007, 17:00
olééééééééé
statistik 3 hani gschafft, ha e "pass"
ganzi 48% sin durekeit, muess das abr no sälber nocherächne
s fiese isch, damit me dr bachelor schafft muess me statistik 3 bestoh und do git kei wiederholigspriefig, d.h. die 48% müen immene joor wieder atrabbe
Re: Priefige
Dizzy - 09.03.2007, 02:48
zitat vo dr psycho hp:
"Bei der Auswertung der Statistikpruefung ist bedauerlicherweise ein Fehler aufgetreten.
Dadurch sind bestandene Prüfungen irrtümlich
als nicht-bestanden ("fail") ausgehängt worden."
sötte also doch nid so viel durekeit si...
ich hoff eifach das s umgekehrte nid dr fall wird si...
Re: Priefige
Gabba - 09.03.2007, 16:33
jo das chönne sie chum biete, wenn sie bereits e pass verteilt hän!nimm ah die hän eifach dr massstab z hart gmacht...
mzg
Re: Priefige
Dizzy - 13.03.2007, 17:24
olééé
ha in methodelehr e 4,5 und statistik hän jetzt doch meh bstande als am afang...
so, jetzt fehle no 3 resultat... miehsam...
Re: Priefige
Dizzy - 19.03.2007, 18:59
oléééééééééééééééééééééééé an die eckfahne
ha e 5 in sozial psychologie II
isch dr burner
ps: ich weiss ich närv langsam, abr isch jo schliesslich mi ecke vo däm forum
Re: Priefige
Cols - 20.03.2007, 16:04
Mach nur, ich ha Freud dra all tag irgend e neue senf zläse...
Re: Priefige
Gabba - 20.03.2007, 21:42
für das gits das forum schliesslich!hey chrigi du pappnase, werum bisch eig. nid mit cho paintballspiele?du bisch jo voll die sissy;-)
mfg gabba
Re: Priefige
Cols - 21.03.2007, 12:26
Schön schön:-)
Selber e Pappnase:-)
Ha doch müesse go ikaufe, denn han ich kei zyt gha zum no Paint Ball spiele! Isch ebe e Grossikauf vor dr Türe gstande!
Eifach melde, denn bin ich weider sm Start!
Hoff schwre dr Ditzler isch nit enttüscht, wenn mr si Thread vollspame mit Special Events :-)
Re: Priefige
Dizzy - 21.03.2007, 14:19
nur ineschriebe
das zeigt dass do meh los isch als im langwilige wirtschaftsteil vo däm forum 8)
Re: Priefige
Gabba - 21.03.2007, 14:21
LOL wirtschaftler sin eh e eigene schlag;-) die sölle ihr forum nur sälber vollspame:D
mzg
Re: Priefige
nice - 22.03.2007, 23:33
hey gabba ich würd ufpasse was de uselosch du hesch eh scho e nerd ruef als eth'ler...;)
Re: Priefige
Gabba - 26.03.2007, 22:28
tjo, me muess sich vo dr mängi usehebe;-) ich kack euch ufe tisch, wenn ich mol eure dätschmeischter bi;-)
mzg
Re: Priefige
Dizzy - 27.03.2007, 15:17
und ich kassier euch alli emol ab wenn dir mir euri problem düend mitteile :P
Re: Priefige
nice - 28.03.2007, 00:34
mir dien rationalisiere, ihr sind alli entloh^^
Re: Priefige
Gabba - 28.03.2007, 09:14
ich vermiss euch, zum luege öb dir eurem scheff gnueg in arsch chönnet chrieche :P
Re: Priefige
Cols - 08.05.2007, 15:50
Alli e grossi Klappe und keine emol e feschte Job gha...ich schmeiss mich weg!
Re: Priefige
X3ne - 08.05.2007, 16:47
hey hey! ich ha schone joor gschafft und zwar fescht :-)
Re: Priefige
Dizzy - 08.05.2007, 17:10
schaffe damiti em staat stüüre cha zahle? nenene...do machi nid mit, genau das vrtragi nid... :D
Re: Priefige
X3ne - 08.05.2007, 17:15
okey das isch au e argumänt :-)
Re: Priefige
Cols - 15.05.2007, 14:41
Ich vertrags au nit, aber s kümmeret sich niemer um mi bim Staat!
Nit emol e Sozialarbeit isch mi cho tröschte und für das zahl ich Stüüre...do längts mr denn eifach, genau das vertragi au nit!
Re: Priefige
Dizzy - 15.05.2007, 16:07
....jetzt gosch hei :P
Re: Priefige
Cols - 15.05.2007, 16:13
Nei, muess no zum Coiffure!
Re: Priefige
Gabba - 15.05.2007, 17:48
isch au zit, sunscht luegt di niemerd meh ah bim jogge:P
luege alli schüss mir noche (guet isch au normal:P)
Re: Priefige
Dizzy - 25.05.2007, 11:00
back to topic:
innere wuche isch es so wiet, ha die erschti priefig vo däm semester... und es schisst mi grausam a z lerne :D
Re: Priefige
Gabba - 25.05.2007, 11:14
viel glück, das packsch du scho;)
bis jetzt hesch di jo nid loh lumpe:)
Re: Priefige
Dizzy - 25.05.2007, 11:54
eh nid... wenni will chani alles mache ;)
Re: Priefige
Gabba - 25.05.2007, 12:01
hoffentlich hesch di 8. geb. noch de priefigie:)
Re: Priefige
Dizzy - 01.06.2007, 16:44
so, die erschti priefig in däm semester isch gmacht. isch guet gloffe und ha sogar e note vrlangt (hät au nur pass/fail chönnte mache). abr me weiss jo nie öb do nid doch irgendöbis falsch gloffe isch ;)
somit hani 1/8 an priefige ume...es ligt also no e lange wäg vor mir
Re: Priefige
Dizzy - 18.06.2007, 21:18
so, 2/8 vo däm semester sin ume, ha hüt priefig über "emotion, motivation und komunikation" kha....
naja....isch sone priefig wo alles cha richtig si odr sau viel falsch, sin halt offeni froge gsi wo de nie genau gwüsst was dr prof genau will...abr jo, me het 16 pünkt chönne mache und anschienend chunnt me mit dr hälfti vo de pünkt dure, isch also noi rächt fair, gwüssi häns immerhin als unfairi priefig gfunde....
lön mr uns überrasche wie das usecho isch
Re: Priefige
Gabba - 18.06.2007, 21:45
guet guet dizzlah;)
du packsch das scho!:)
mlg
Re: Priefige
Dizzy - 20.06.2007, 16:16
und scho wieder e priefig überläbt, somit 3/8 gmacht
hüt isch "risiken des modernen lebens" dra gsi. ha e guets gfüehl, sött klappt ha.
so....jetzt lerne, morn folgt scho die nöchschti
Re: Priefige
Gabba - 20.06.2007, 16:17
guet so ditzler;) und wenns nid klappt immr dra dänke, ohni e Shotgun bisch kei richtige Psycho:D
Re: Priefige
Trib - 20.06.2007, 16:24
wieso hän euri priefige immer so witzigi titel?
ich will das au:)
was chunnt denn morn dra?
Re: Priefige
Gabba - 20.06.2007, 16:38
hehe jo has mr au scho dänkt!
bi uns heisse si: Analysis I / II, Informatik I / II, Lineari Algebra, Geologie :D
aber das wo dir händ isch jo dr hit^^
Re: Priefige
Dizzy - 20.06.2007, 17:57
Trib hat folgendes geschrieben: wieso hän euri priefige immer so witzigi titel?
ich will das au:)
was chunnt denn morn dra?
Theorie- und Praxis der psychoanalytisch orientierten Psychotherapie
Re: Priefige
Trib - 20.06.2007, 18:09
also do chunnt mr eidütig z oft s wort psycho dine vor...
bechömme dir au 5 minute zuesätzlich, dass mr de titel vo de priefig au cha emol cha läse?
und wenni grad debyy bi: gratulation zum 500. post:)
Re: Priefige
Dizzy - 20.06.2007, 21:31
messi :)
ne, griege keini zuesätzliche minute, sie gön wahrschinlich drvo us, dass mir eh nid chönne läse :P
und do no 2 bispiel was es sunsch no für priefige git, woni abr nid (nonig) belegt ha:
- Psychoneuroendokrinologie
- Psychotherapie und Prävention von Verhaltensauffälligkeiten und Psychischen Störungen im Kindes- und Jugendalter
Re: Priefige
Gabba - 20.06.2007, 22:19
s 2. chönnt dr Nice mol bsueche:-)
ah nei, sälbschtheilig zählt bi euch jo nid^^
mzg
Re: Priefige
X3ne - 21.06.2007, 00:05
nach so komische vorläsige muess me jo sälber langsam duredreihe :D
Re: Priefige
Cols - 21.06.2007, 10:44
Das isch au so damit mr sich nacher besser in d Lag vom "Patient" versetze cha...
S Edith meint no bim xene stimmt dr Wohnort nüm:-) Foht zwar mit em gliche Buechstabe a, het au flich viel Buechstabe aber öpis stimmt nit...glaub s isch ländlicher:-)
Re: Priefige
Gabba - 21.06.2007, 13:11
ich glaub das foht nit mitem gliche buechstabe ah, heisst doch irgendwie fliegedorf, oder chuehdorf oder irgend so öbbis^^
Re: Priefige
Cols - 21.06.2007, 13:24
Buurehof foht doch au mit B a...
Re: Priefige
Dizzy - 21.06.2007, 16:44
so....Theorie- und Praxis der psychoanalytisch orientierten Psychotherapie hani jetzt hinter mir....isch voll lescher gsi. wärde glaub alli bestande ha
drmit hani d hälfti vo mine priefige ume, stön also no 4 priefige a
Re: Priefige
Dizzy - 25.06.2007, 14:51
5. priefig überläbt
isch e MC priefig gsi und sötti bestande ha, woby ufgrund vo mim lernufwand durchus au schlächt chönnt usecho ;) me sött halt nid am obe vorhär pokere, abr immerhin hani 5.- gwunne an däm obe, isch au öbis...
Re: Priefige
Gabba - 26.06.2007, 11:28
gratz zu de 5.- und dr überstandene Priefig:)
Re: Priefige
Dizzy - 26.06.2007, 23:17
bestande isch no nix....sin alles nur ischätzige vo mir ;)
hüt isch dr 6. streich gsi! und zwar psychotherapie, e vrastalltig über 2 semester. git glaub sogar note....nuju...hät doch sötte meh lerne abr wie immer hani e positivs gfühl....
so....die nöchschti wird horror....vwl 3....zum glück gits do e nochhol priefig :roll:
Re: Priefige
Dizzy - 02.07.2007, 17:27
so...
ev. hani hüt die 2. letschti priefig kha vo däm semester, abr ich glaubs weniger, glaub vwl 3 vo hüt döffi nomol mache... und zwar nid willi s gfühl ha mir isch schlächt gange, sondern willi kei ahnig ha was in dere priefig gstande isch! ufgrund vo de pünktabzüg isch mi ziel e positivi punktezahl!!!! falls ein vo de wirtschaftler schlächter isch als ich, müesst dä sich ächt überlege öb wirtschaft s richtige für dä isch :D
abr jo....cha jo au mit glück bestande ha, und falls das eso isch, isch es wirklich nume glück gsi ;)
ich hoff das unseri zimt wirtschaftler das besser kapiert hän als ich
Re: Priefige
X3ne - 02.07.2007, 19:52
lol das gseh mr denn. isch e sehr spannends lottospieli gsi!!
ps: dr KAI isch nid cho!!!!!!!!
Re: Priefige
Gabba - 02.07.2007, 20:50
dä het e fruschtässe gmacht und het sich ufgeh;)
Re: Priefige
Dizzy - 02.07.2007, 20:59
hmmm....cha jetzt schlächt behaupte de hesch en überseh....
Re: Priefige
Gabba - 02.07.2007, 21:44
LOL
Re: Priefige
X3ne - 03.07.2007, 12:42
är wär ebbe genau vor mir gsässe und ich ha mi scho druff gfreut will die stiehl so äng gsi sin und är das tischli NIE abekriegt hät :-)
Re: Priefige
Dizzy - 03.07.2007, 13:02
vilicht het är e special platz griegt für lüt mi grösserem buchumfang?
Re: Priefige
Gabba - 03.07.2007, 16:58
das gits eh nid;-)
wär will schone dicke Wirtschaftsstudänt und spöter dicke scheff? na?:D
mzg
Re: Priefige
X3ne - 03.07.2007, 17:32
dä fahrt denn no e dicke wage denn passts widr :p
Re: Priefige
Gabba - 03.07.2007, 18:14
wart nur bis es zuesatzstüüre fürs SUV's git:D
mzg
Re: Priefige
X3ne - 03.07.2007, 18:59
e stüür uff übergwicht würden mehr träffe :p
Re: Priefige
Gabba - 04.07.2007, 13:02
denn mache mr beides, aber erscht ab bmi 30 ;-) sunscht muessi au afo zahle:P
Re: Priefige
X3ne - 04.07.2007, 16:38
är isch hütte cho.... het schiins 40 ° fieber kah! das arme fieber :p
Re: Priefige
Dizzy - 05.07.2007, 12:16
tja.....:D.....biz ind hose s vwl 3
zum glück hani nid glernt sunsch hät mi sälbstvrtraue e zimlige knacks....
ha e 1.0
wär das cha unterbiete, däm gibi e halbs erdnüssli :D
Re: Priefige
Gabba - 05.07.2007, 14:06
e 1.0? du bisch jo e riese maschine;)
ich glaub an dr eth wär das fascht möglich:D
mlg
Re: Priefige
X3ne - 05.07.2007, 19:20
und ich ha bestande... *puh*
Re: Priefige
Dizzy - 05.07.2007, 20:44
gratulier!!!!!!!
Re: Priefige
X3ne - 06.07.2007, 00:01
merci, aber gäll mit dir muess me kei mitleid ha oder? hesch jo nid würklich was gmacht :-) wär cool gsi wenn du mit glück e gueti note kah hättisch! :-)
immerhin het me jo nid chönne schlächter si als du (erinnere mi no an di spruch vo wäge: wenn ich besser bi als eine vo de wirtschaftler..) hehe 8)
Re: Priefige
Gabba - 06.07.2007, 13:09
stark mischa;-)
gratz!
Re: Priefige
Dizzy - 06.07.2007, 16:29
mit mir muess me kei mitleid ha ;)
döffet euch usglasse froie über eure erfolg :)
Re: Priefige
Dizzy - 10.07.2007, 21:01
es git neuigkeite vo dr psycho-front!!!
tatsächlich hän sies gschafft e priefigsresultat z veröffentlich vonere priefig woni au gschriebe ha!
und es isch sogar e gueti neuigkeit, ich ha in "Emotion, Motivation, Kommunikation" e "pass", sprich ich ha das bestande.
voll lässig
Re: Priefige
X3ne - 11.07.2007, 08:51
gratulation :-)
Re: Priefige
Dizzy - 11.07.2007, 10:54
messi :)
Re: Priefige
Gabba - 11.07.2007, 18:45
gratz
Re: Priefige
Dizzy - 12.07.2007, 11:19
ok....jetzt mol e schlächt nochricht
psychotherapie het mr e halbe punkt gfehlt.....isch irgendwie scho fascht standard, dass mr e halbe punkt fehlt
Re: Priefige
X3ne - 12.07.2007, 11:31
do chasch aber and priefigsisicht und was gradbiege oder?
Re: Priefige
Trib - 12.07.2007, 12:05
ich weiss nid, öb das dött au so eifach isch wie bi uns:p
Re: Priefige
Dizzy - 12.07.2007, 12:51
es sin offeni froge gsi, vo däm här bestoht d chance, abr ha do wenig hoffnige....jänu, usefinde wenn d wiederholig isch und halt nomol lerne, isch vilicht jo sogar guet so, denn chani vilicht e gueti note mache und kenn mi den au besser us....
abr wird jetzt scho no happig: Anatomie, Psychotherapie und VWL 3
2 priefige zu fächer wo über 2 semester gön und die 3. isch eini wo 4h in dr wuche kha het....
Re: Priefige
Trib - 12.07.2007, 13:16
du optimischt du...jetzt gsehtr sogar no s positive an de widerholigspriefige...jetzt fangi denn ah nochezdänke öbs nid sinnvoller wär au an d widerholigspriefige z goh:P naja ha jo no 4 chance:P
Re: Priefige
Dizzy - 12.07.2007, 13:24
me muess halt in allem s guete gseh ;)
wenn de nur s schlächte gsehsch denn chasch jo politiker wärde :P
Re: Priefige
Gabba - 12.07.2007, 13:47
immrhin muesch nid s ganze joor wiederhole;-)
das würd mir bevorstoh;) du packsch das scho;) dä halbi punkt holsch im schlof no:)
lg
Re: Priefige
Trib - 12.07.2007, 14:26
gabba du hesch do öbis falsch verschtande, an de nochholpriefig muessr au widr gnueg pünkt hole zum d priefig beschtoh, das cha mr denn nid eifach zämerächne:P zwar wär au emole e syschtem, denn bruchsch in jedem fach genau e 2er in de normale und in d ewiderholigspriefig (wenn mr emole vo ere lineare noteskala usgoht:))
Re: Priefige
Gabba - 12.07.2007, 17:19
jo guet, das wo de weisch, weisch au denn no (und wenn denn no chli dezue lernsch klappt das mit emene 4er) ;-)
Re: Priefige
Dizzy - 12.07.2007, 17:34
meinsch die stelle nomol die gliche froge? :P
glaubs ebe weniger
Re: Priefige
nice - 12.07.2007, 18:29
also tendenziell isches doch eso, dass me bi dr wiederholigspriefig vill neus lernt, aber defür s'alte widr vergässe het? also mir würds glaubs so go... ich chönt d'priefig vom mittwuch glaubs nümi schriebe... ;)
Re: Priefige
Gabba - 13.07.2007, 14:30
hehe jo das isch vermuettlig scho so!ha eig. nur paar ufstellendi wort welle finde, aber ihr miend jo alles verrisse :D ihr händ eh kei chance bi wiederholigspriefige, die wärde viel schwerer, ihr wärdet dr stoff nüm im kopf ha und usserdäm hän dr se jo scho eimol versaut, denn schaffet dir se bim 2. mol au nid! (so sin dr jetzt z friede?:P)
lg
Re: Priefige
Dizzy - 16.07.2007, 12:04
wiederemol e gueti nochricht!
organisationspsychologie hani bestande
het s pokere also doch nid gschadet am daag vorhär
Re: Priefige
Dizzy - 19.07.2007, 21:08
im gliche ton gohts wieter...
"risiken des modernen lebens" hani bestande und "lehren und lernen: instruktionspsychologie" hani e 4
Re: Priefige
Gabba - 19.07.2007, 22:05
dicki sach Dizzy:D witer so!irgendwenn adoptier ich di, denn hanni ändligg e goof wo gnueg verdient zum mi durezfiettere:D
mzg
Re: Priefige
Dizzy - 19.07.2007, 22:41
wenn du mi adoptiersch chasch grad dr super nanny alüte
Re: Priefige
Gabba - 19.07.2007, 23:32
wie geil wär das denn...dr dizzy ufem bett am ummegumpe: "fotze, fotze, fotze..." :D
i würd glaub stärbe vor lache:D
Re: Priefige
Dizzy - 10.08.2007, 16:07
so....lässig wiederholigsprieifig vo dr psychotherapie kha....isch glaub guet gange....glaubi ämmel....abr me weiss jo nie...
Re: Priefige
Gabba - 10.08.2007, 17:25
RESTEPKE
Re: Priefige
Dizzy - 27.08.2007, 14:01
so....mikro zum zweite und scho wieder in sand gsetzt, s muess glaub noime e mikroökonomie strand ha....
ufjedefall glaubi nid das es glängt het, jänu....
abr mir isch jetzt bewusst worde, ohni druck dass ichs muess bestoh und ansolut ohni inträsse am inhalt isch es schwer öbis z lerne...für mi ämmel...
muessi halt luege dassi anderscht zu denne pünkt chumm
Re: Priefige
X3ne - 27.08.2007, 15:11
naja, konzentriersch di jetzt zerscht mol uffd pünkt bim schutte :)
Re: Priefige
Dizzy - 31.08.2007, 21:42
so....falls es e schicksal git: wenn die SCHLAMPE mir mol über wäg lauft denn gits e penalty an chopf! die dräckssau!!!! :evil: :evil: :evil:
nach däm ich vomene joor ha miesse sozialpsychologie wägeme halbe punkt wiederhole und dä summer wägeme fehlende halb punkt in psychotherapie (woni zerscht kha ha und denn abzoge worde isch! :evil: ) nid ind ferie ha chönne chunnt jetzt dr burner: ha in dr vwl3 wiederholig e 3.9!!!!!!!!
falls dr petrus für so züg vrantwortlich isch, söller mi gschider über 100 joor alt wärde loh....sunsch vrhaui die schlampe!!!!!!!!
ha mol sonere lässige fraue mail gschriebe öbi trotzdäm d pünkt grieg. muess abr zerscht no luege öb die wirklich lässig isch.
ps: ich bi nid uf 180 obe, ich ha nur dänkt ich schrieb das eso dass dir öbis zum schmunzle händ ;)
Re: Priefige
X3ne - 01.09.2007, 03:26
*schmunzel*
Re: Priefige
Gabba - 01.09.2007, 09:22
alte, ich rächne scho sit öbbe 8 wuche, dass ich mit emene 3,99 schnitt nid durechum:P
Dr Bäni und ich mache scho die ganz zit sprüch drüber!aber ebbe, morl luege was ich denn so z biete ha an bullshit;-) git sicher au no einigi resultat wo z dänke gän:P
mfg
Re: Priefige
Dizzy - 03.09.2007, 20:17
grieg d pünkt nid...
Re: Priefige
Gabba - 03.09.2007, 20:37
die verhuerte!kämpf ditzler!
There was one against many!!! ^^
Re: Priefige
Dizzy - 14.09.2007, 17:35
jetzt au no die letschti priefig kha....
Anatomie!
und ich ha kei blasse schimmer öb mini antworte richtig sin ;) isch ebe biz fiis gsi mit de latinische näme vo däm ganze gschmeus
Re: Priefige
Dizzy - 24.09.2007, 21:46
so....anatomie 1 und 2 bestande, jewiels d note 4,5! für e lernufwand akzeptabel
Re: Priefige
Trib - 24.09.2007, 22:47
gratulier :big_prost :wav: :n59: :n57:
Re: Priefige
X3ne - 24.09.2007, 23:14
gratulation! jetzt muesch denn vo dinere 8cp vorläsig bi de jurischte verzelle :)
Re: Priefige
Dizzy - 25.09.2007, 08:29
messi, messi!
die juriste vorläsig isch erscht am fritig, es goht also no es zytli bis ich e bricht cha schriebe ;)
Re: Priefige
Gabba - 25.09.2007, 19:56
stark dizzy!;)
:big_ok :big_hand :big_super :n178:
Re: Priefige
Dizzy - 25.09.2007, 21:24
Gabba hat folgendes geschrieben: :n178:
messi, das weissi scho lang, schön dass du das jetzt au erkennt hesch ;)
Re: Priefige
Gabba - 25.09.2007, 23:25
fordere di glück nid use :big_haue :axe: :fressehalten :smilemp5_1ani :smilefamasani_1 :n121: :n180: :violent2:
Re: Priefige
X3ne - 28.09.2007, 09:27
in dr zyttig isch gstande, dr gabba heigs gschafft :-) gratulation!!
Re: Priefige
Gabba - 28.09.2007, 12:00
Merci vielmol mischa;-) also das isch wohl dr agnämschti Kater woni je gha ha:-D
Ha bis jetzt 9 kollege gschriebe, 6 devo häns nid gschafft... das wird langsam e einsami zit in däm bunker!oder ich muess mi mit nerds afründe!
mfg
Re: Priefige
Cols - 28.09.2007, 12:29
:big_blume :big_applaus :big_prost
Re: Priefige
Gabba - 28.09.2007, 13:02
das isch doch mol e wortlose Post:D so isch ebbe richtig^^
Re: Priefige
X3ne - 28.09.2007, 14:06
jo du isch es jo gwöhnt, mir sin jo au alles nuuurds :)
Re: Priefige
Dizzy - 28.09.2007, 14:31
gratulation! bschisse het me jo erscht, wenn me vrwütscht worde isch also het dr gabba das mit ehrliche mittel gschafft :D
Re: Priefige
Gabba - 28.09.2007, 16:02
hehe messi dizzy;-) so isch es ebbe richtig!
so hund gassi go;-)
mfg
Re: Priefige
Gabba - 14.11.2007, 16:50
so ich spam wiedermol am dizzy si psychoteil voll!
ich ha mini Priefigsdate (bis uf eini)
21.1. Hydraulik
31.1. Physik
8.2. Hydrologie
so long;-)
mfg
Re: Priefige
Dizzy - 04.12.2007, 11:15
d.h. du hesch nur 4 priefige? das chani locker überbiete!
10.12.07 MMI
14.12.07 Strafvollzug
17.12.07 Urteilen und Entscheiden I
" Klinische Kinder- und Jugendpsychologie
19.12.07 DIPS I
" Konsumentenpsychologie
21.12.07 Persoenlichkeitpsychologie I
15.01.08 Physiologie I
dassi näbeby no mini bachlor arbet muess schriebe und no praktikum ha isch nur e randnotiz ;)
Re: Priefige
nice - 04.12.2007, 12:39
ich sags jetz im dizzy style wenn mer scho in sim corner sind:
UND?
Re: Priefige
Gabba - 04.12.2007, 13:24
also 4 Priefige wo sinn mache sin härter als e huffe "gschpührsch mi, fühlsch mi" zügs^^
Was isch Dips I? das erinneret mi irgendwie an: :knob: dink
Re: Priefige
Dizzy - 04.12.2007, 14:06
DIPS isch Diagnostisches Interview bei psychischen Störungen
vo wo weisch du das dini härter sin als mini? ich weiss es ämmel nid ;)
Re: Priefige
nice - 04.12.2007, 14:08
also ich glaub dass em gabba sinni härter sinn, dört isches scho e läbensufgob dr richtig priefigsruum z'finde...
ich bi jo am polyball gsi und mir hän dört usegfunde wie die d'azahl studierendi uf die intelligänte beschränke: d'eth isch so strange ufbaut, dass do kei mensch dureblickt und wär nid schlau gnueg isch findet si vorläsigssaal schomol gar nid...
Re: Priefige
Dizzy - 04.12.2007, 14:11
d eth isch schwer will s huus kompliziert baut isch? denn isch abr d uni basel asträngend will de in dr halbe stadt muesch umelauf um vo vorläsig zu vorläsig z cho :D
Re: Priefige
X3ne - 04.12.2007, 14:42
bi uns sin halt die mit usduur und an dr eth die mit köpfli.
me seit doch, wär kei kopf het het fiess :-)
Re: Priefige
Gabba - 04.12.2007, 15:27
LOL nätts fazit mischa;-)
ich ha huere mieh im Hauptgebäude, find dört teilwiis d sääl nid:D
v.a. die chleine sin huere versteckt!
mfg
Re: Priefige
Dizzy - 04.12.2007, 17:40
du meinsch d eth duet mittels de hörsääl sieble? :D
30% chömme nid and priefig will sie dr hörsaal nid finde?
Re: Priefige
Gabba - 04.12.2007, 17:52
öbbe so:D
das isch ufem höngg anderscht, do wird mit wüsse gsieblet:D
dorum isch dr Hohl au dure cho (OL-Läufer)^^
mfg
Re: Priefige
Trib - 04.12.2007, 19:39
@ditzler: dass d stroofrächt priefig schwirig si söll, das bezwifli jetzt emole:)
Re: Priefige
Dizzy - 04.12.2007, 21:27
kei ahnig...muesch ebe scho paar sach uswändig lerne.
s problem isch jo, dass mes duet unterschätze! chönnt ebe doch no zimlig schieter use cho
Re: Priefige
Gabba - 04.12.2007, 23:15
wichtig isch eifach:
kei sex mit 15 jährige! das söttsch dr schomol merke, chönnt di au im läbe witerbringe;)
mfg
Re: Priefige
Dizzy - 04.12.2007, 23:30
es goht nid ums strofgsetzt sondern ume strofvollzug! also denn wenns scho z spot isch mit uf ID luege :P
Re: Priefige
X3ne - 05.12.2007, 00:40
denne würdi schribe: "schwanz ab"
Re: Priefige
Gabba - 05.12.2007, 10:21
gwalt isch kei lösig Xene;-)
Re: Priefige
X3ne - 05.12.2007, 18:28
notürlich isch gwalt immer e lösig! ich ha das moll neume uffgschnappt :)
Re: Priefige
Gabba - 05.12.2007, 19:42
an dr kurdische hochzit?
Re: Priefige
X3ne - 05.12.2007, 23:23
nei am wirtschaftsfescht vom äbi :D
Re: Priefige
Trib - 05.12.2007, 23:36
ich ha nie e wirtschaftsfescht gmacht:P
die sin nochär wäg gsi...also hets funktioniert:P
Re: Priefige
Gabba - 06.12.2007, 09:50
herrlich, i ha doch immrgseit, nid d usländer, sondern mir agressive schwizer sins problem, immr mit dene Provokatione, do isch klar, dass sie sich wehre!^^
mfg
Re: Priefige
X3ne - 06.12.2007, 10:16
s'problem isch, dass d'schwizer nid chönne mit vodka umgoh... das chunnt immer schief use :)
Re: Priefige
Gabba - 06.12.2007, 11:48
v.a. mitem schwarze Vodka^^
Re: Priefige
X3ne - 06.12.2007, 14:48
jo ich möcht das bekannte edelsgsöff au moll probiere :-)
aber mr sötte widr zum thema zruggcho... priefige... wääh
Re: Priefige
Trib - 06.12.2007, 15:02
aber an däm oobe hani gar kei wodka gha^^
Re: Priefige
X3ne - 06.12.2007, 15:04
aber an sylvester wirdsch ha! und ich wird di joine :)
Re: Priefige
Gabba - 06.12.2007, 22:31
JUHUUUUU KOMATRINKEN:D
Re: Priefige
X3ne - 07.12.2007, 00:38
das dönt so bombastisch! bi mir isch das nach 2 gläser :D
Re: Priefige
Gabba - 07.12.2007, 17:54
umso besser, denn bliebt gnueg für dr Aebi^^
Re: Priefige
X3ne - 08.12.2007, 02:16
no meh? oh mann, ich ha schlächti vorahnige, hehe
Re: Priefige
Trib - 08.12.2007, 03:36
ich glaub ich trink überhaupt nüt am silveschter...denn hän drs gschänk und niemerds wo singstar erfolgrich schpilt:p
Re: Priefige
Dizzy - 08.12.2007, 11:04
also dini ussag khört glaub ehnder ins grüchteforum, dött chömme die unwohre sache ane :P
Re: Priefige
X3ne - 08.12.2007, 12:09
viellicht triffsch denn dr eint oder anderi ton :-)
Re: Priefige
Gabba - 08.12.2007, 19:22
hehe denn het är eh kei brot, wenn ich mini stimm g'öölt ha, goht das anderscht ab^^
mfg
Re: Priefige
X3ne - 08.12.2007, 19:40
also bi dr aline hani jo voll abgruumt :)
Re: Priefige
Gabba - 09.12.2007, 12:46
dört hämmr au nur so softsingstar dörfe singe!sobald mr bitz lut worde sin, hets pssscht gmacht^^
mfg
Re: Priefige
Dizzy - 10.12.2007, 20:44
die erscht priefig vom hs 07 isch gmacht und me glaubs nid, die isch sogar scho korrigiert! paar stündli nach em schriebe scho chönne nocheluege wies usse cho isch.
und zwar hani MMI jetzt doch no gschaft, nach däm ich s letschtmol kläglich gschieteret bi!
Re: Priefige
Trib - 10.12.2007, 23:11
maschine, gratulier dr:)
Re: Priefige
Dizzy - 10.12.2007, 23:32
messi :)
Re: Priefige
X3ne - 11.12.2007, 00:02
super, gratulation :)
Re: Priefige
Dizzy - 11.12.2007, 09:52
dizzy hat folgendes geschrieben: messi :)
Re: Priefige
Gabba - 11.12.2007, 10:19
maschine dizzy, maschine^^
e Studium wiene Home-Run legt är ahne:D
Re: Priefige
X3ne - 11.12.2007, 15:19
und denn erscht no sich sälber zitiere :)
Re: Priefige
Dizzy - 15.12.2007, 10:43
so....gestert priefig kha, strofvollzug und ich ha die 8cp priefig glaub tatsächlich in sand gsetzt
s luschtige isch, dr black tiger frogt mi nach dr priefig wies mr gloffe isch, und find halt dass es mr glaub nid so guet ergange isch und denn seit är mrr dass är mir abgschriebe het :D
Re: Priefige
X3ne - 15.12.2007, 17:19
ihr händ tier bi euch in de vorläsige ? :p
Re: Priefige
Dizzy - 15.12.2007, 18:33
jup....also eigentlich nur 1 tier und das tier seht me ganz sälte im tv in so ca. 3 minute videos wo das tier ganz schnäll duet rede....weiss au nid wiesos das macht...
Re: Priefige
Dizzy - 17.12.2007, 19:38
hüt isch e lässige tag gsi: 2 priefige!
also die erscht isch "urteilen & entscheiden" gsi. die isch mr nid schlächt gloffe, ha e guets gfühl, abr me weiss jo nie, mi gfühl het mi au scho vrsecklet
die 2. isch denn "klinische kinder und jugendpsychologie" gsi. do isch es mr so lala gloffe, ha glaub e chli s falsche glernt, jänu, ha trotzdäm e note welle....
jetzt hani e tag pause (unglaublich!!!!) bevor am mittwuch wieder 2 priefige z schriebe sin
Re: Priefige
Dizzy - 19.12.2007, 18:01
und wieder e daag mit 2 priefige überstande......
DIPS hani so wies usseht vrmasslet, woby das nid mi fehler isch, wenn ich dureflieg, denn gangi mol biz go quassle mit dene fraue!
konsumäntepsychologie hani e guets gfühl. was erstunlich isch, willi drvo usgange bi dassi do eh kei chance ha. ha mi scho drmit abgfunde kha dassi die 2 pünktli nid hol
fritig chunnt denn scho dr nöchschti bricht....
Re: Priefige
Gabba - 19.12.2007, 21:48
gosch grad ahne wäge DIPS:
"Listen Pussycat..." ^^
mfg
PS: Gratz zu dene wo guet gange sin;-)
Re: Priefige
Dizzy - 20.12.2007, 00:26
"smile baby"
Re: Priefige
X3ne - 20.12.2007, 00:56
jo gratz dizzy, chunnt scho guet :) ich ha hütt mi erschti
kah. "verhalten in organisationen" und es isch eig. ganz ordentlich gloffe....
morn isch public choice, das isch glaub die übelschti priefig das semester *bibber*
Re: Priefige
Trib - 20.12.2007, 09:47
jetzt hani gmeitn cofi isch die übelschti...fr euch:)
jippie bald public choice...(ich freu mi nur, willi nochär fascht ferie ha, nid wills würd spass mache oder so^^:))
Re: Priefige
Gabba - 20.12.2007, 12:04
suech keini usrede, strääääbi;-)
mfg
Re: Priefige
Trib - 20.12.2007, 15:11
bäääh, abwarte was d note sage...glaub nid, dass si widr so glorrich usfalle wie au scho:)
Re: Priefige
X3ne - 20.12.2007, 15:37
naja cofi isch e anderi liga :)
public isch eifach mega viel und cofi mega kompliziert (und eig. au no viel)
glaub hesch rächt trib:)
Re: Priefige
Trib - 20.12.2007, 16:13
jejo, aber ebe hauptsach mr het überall öbis anegschribe, öbs pünkt git oder nid, das döffe denn die andere entscheide:)
do zellt uf alli fäll s prinzip "mut zur lücke" nid...:)
Re: Priefige
Gabba - 20.12.2007, 22:56
das zählt bi mir meischtens au nid...^^
het bis jetzt aber au klappt:D
mfg
Re: Priefige
Dizzy - 21.12.2007, 15:11
olééééééééééééééé :n109: :n79: :win :wav:
7 vo 8 priefige sin vrby!!!!!
hüt hani persönlichkeitspsychologie kha und bi mr nid sicher öbi die jetzt in sand gsetzt ha odr mit glück e 4er schaff. d bispiel froge wos emol geh het sin einiges eifach gsi. jänu....me cha halt nid alles ha
und jetzt zu de guete news: strofvollzug hani e 4,5 gschafft, d.h. ich grieg 8 credit points :wav:
dr black tiger wo mr abgschriebe het, het sogar e 5,5 :big_give5
ps: ha dr güngi gfunde :downtown:
Re: Priefige
Gabba - 21.12.2007, 16:16
hey gratulier dr;-)
geili sach! BlackTiger isch halt scho chli e sack, schriebt dr ab und het no e besseri note, sauerei^^
mfg
Re: Priefige
X3ne - 21.12.2007, 16:24
lol dir abschriibe lohnt sich jo :) gratz zum 4.5 hehe
Re: Priefige
Dizzy - 22.12.2007, 13:50
messi....
hoff euch isch es au guet gloffe....
Re: Priefige
Dizzy - 08.01.2008, 19:29
ändlig isch wieder emol e resultat vorhand!!!
in persönlichkeitspsychologie hani doch glatt d wundernote 4 erreicht.
ufwand und ertrag stimme öbe
Re: Priefige
Trib - 08.01.2008, 20:58
heisst das jetzt, dass dini persönlichkeit gniegend isch oder hani do öbis falsch verschtande?:P
gratulier dr zur nöggschte beschtandene priefig:)
Re: Priefige
Dizzy - 08.01.2008, 21:20
messi! :D
nei, das heissts nid, abr d korrelation isch glaub ebe scho vorhande
Re: Priefige
X3ne - 08.01.2008, 21:42
korrelation oder kovarianz? :D
Re: Priefige
Gabba - 08.01.2008, 23:21
hey mischa, wennd beidi formle defür ahneschriebsch, kriegsch 4 Pünkt...^^
Re: Priefige
Dizzy - 08.02.2008, 19:54
ha nur kurz welle erwähne dassi jetzt no die räschtliche resultat ha und ich ha das semestert alli priefige bestande! 8)
Re: Priefige
Gabba - 09.02.2008, 13:21
Poser^^
Gratz!
Re: Priefige
Dizzy - 09.02.2008, 17:41
messi :)
Re: Priefige
Dizzy - 04.04.2008, 17:26
es goht wieder los...
also nid wirklich, ha hüt eifach d priefig vomene blockseminar kha. somit hätti die erschti priefig vom FS08 hinter mir.
und naja...wie immerhalt....s chönnt guet, abr au schlächt usecho si...
Re: Priefige
Gabba - 04.04.2008, 17:37
solang se nid total versägt hesch isch jo voll easy;)
Spitze sach, gli hämmr dr erschti Bachelor im Fründeskreis:D denn gits grossi Bachelor-Party hanni ghört^^ Dizzy ladet uns alli ih:D
mfg
Re: Priefige
Dizzy - 05.04.2008, 10:55
nuju....
willi mini bachlerarbeit erscht uf e oktober schriebe, griegi dr bachlor "erscht" im frühelig nöchscht joor....(hoffi)
abr das sött immerno vor euch si ;):P
bachlor party isch doch das zügs mit eim maa und vieli fraue wo um ihn kämpfe?
do chönne mr scho sone party mache: ich bring d getränk und dir d fraue wo um mi kämpfe :P
Re: Priefige
Gabba - 06.04.2008, 12:31
i schnall mir zwei brüscht um, dr reto het scho und was dr räscht macht isch mr glich:D
Re: Priefige
Gabba - 20.05.2008, 22:17
So, mol die schriftliche Priefige wo bekannt sin:
6.8. Rächt (Privat / Öffentlich / Sacherecht)
11.8. Photogrammetrie
21.8. Verkehr
jetzt sötti denn bis ändi juni oder so no die 4 mündliche Priefigstermin kriege:)
Sounds like fun...^^
Re: Priefige
Trib - 20.05.2008, 22:59
verkehr? was muess mr do drunter verschtoh?:)
Re: Priefige
Dizzy - 20.05.2008, 23:06
isch "verkehr" eini vo de mündliche prüefige?
Re: Priefige
Gabba - 21.05.2008, 08:55
hehe verkehr tönt immr super:D
nei isch schriftlich!
chasch mol dr Tai froge was es isch, mir hän immr s Gaudi eimol durch e Lernruum z schreie: "hey Tai, gömmr jetzt ändligg go Vrkehr mache?" :D git teilwiis irgendwie komischi blick, aber was solls:D
PS: also eig. gohts um planig vo vrkehrswäg, optimali nutzig vo strosse und so (nur dassi wenigschtens öbbis ärnschts gschriebe ha:P)
Re: Priefige
Dizzy - 23.05.2008, 14:23
so....hüt hani die zweiti priefig kha...
jugendstrofrächt, sötti bestande ha, sunsch hani e problem....
übrigens, die erscht priefig, lehren & lerne II, hani miteme 4,5 bestande
am mäntig chunnt denn scho die nöchscht priefig....mol luege öb das öbis wird....
Re: Priefige
X3ne - 23.05.2008, 17:01
gescht bini an dr ub gsi und d'barbara isch näbe mir sone psychofach am lerne gsi. isch jo abartig was ihr euch alles für mischt miend inebiige :-)
Re: Priefige
Dizzy - 23.05.2008, 17:23
isch halt kei pussy studium (au wenn 70% vo de studierende eini hän *g*)
Re: Priefige
X3ne - 24.05.2008, 11:27
hehe! ich has irgendwie komisch gfunde was die het miese lerne. isch nid schwer gsi aber sinnlos :-) nid so wie zum bispil mikro :p
Re: Priefige
Dizzy - 24.05.2008, 12:07
nur will du nid drus chunnsch isch es nid sinnlos :P
Re: Priefige
Dizzy - 06.06.2008, 20:50
oléééééé
ha e 5 in jugendstrofrächt, d.h. ich bechum 8 credit points!!!! schalalalalalala
und dr aebi het das nid welle mache, will är sunsch müessti z frie ufstoh!!!!! :D :P
Re: Priefige
Gabba - 06.06.2008, 20:58
jo und mit soviel fraue in e vorläsig sitze, dasch natürligg scho eher ungwohnt...^^
Re: Priefige
nice - 07.06.2008, 11:47
jugendstrofrächt isch jus, dört hets zwar paar fraue mehr wie bi uns abr au nid grad so wie bim dizzy...
Re: Priefige
Dizzy - 07.06.2008, 12:32
abr es mache sehr viel psychologe und psychologinne das als userfakultärs fach :D
Re: Priefige
Gabba - 08.06.2008, 17:23
"sehr viel psychologe" tönt für mi irgendwie paradox...
Re: Priefige
Dizzy - 08.06.2008, 18:56
:D
stimmt, isch biz falsch....
Re: Priefige
Dizzy - 21.12.2009, 18:00
so...ha nur churz welle sage: für das semester hani alli priefige gschriebe und sunsch alles erledigt woni muess mache...
somit bini fertig
abr wenni alli prüefige bestande ha, wär das scho e chlis wunder! :D
abr das isch mr jetzt au egal ;)
Re: Priefige
Gabba - 21.12.2009, 22:59
Goooo Raphi ;-)
Gueti Sach, uf das stosse mr ah am 31.!! Betrinke uns mol mit Sinn ;-)
Gruzz
Re: Priefige
Trib - 21.12.2009, 23:45
sinn wird immer komplett überbewärtet:)
Re: Priefige
Dizzy - 06.01.2010, 22:25
stark! d psycho-fakultät hets au gschafft...sie schicke e mail wenn e priefig korrigiert isch...das isch mol öbis ganz neus, voll modärn...wenns so wieter goht erfinde sie denn no s farbfärnseh!!!
ha im statistik e 4,5! für dass, dassi nid emol e halbe daag glernt ha findi das super :D
nieder mit dem strebertum - es lebe der minimalismus
Re: Priefige
Gabba - 07.01.2010, 02:11
herrlich ;) härzlichi Gratulation ;)
das chönnt me fascht scho pragmatisch nenne...^^
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum ZimtZone.ch
Paintball 13.10.06 - gepostet von Gabba am Sonntag 08.10.2006
Happy x-mas - gepostet von nice am Samstag 24.12.2005
Boykott - gepostet von ch1291 am Freitag 10.11.2006
Stylischi Basler Drummler - gepostet von nice am Mittwoch 21.06.2006
Todo list - gepostet von nice am Mittwoch 23.08.2006
FERIE!!! - gepostet von Gabba am Mittwoch 30.08.2006
Polyparty 14. April - gepostet von Gabba am Mittwoch 04.04.2007
Legendäri Hands - gepostet von Cols am Dienstag 22.05.2007
Ähnliche Beiträge wie "Priefige"