Verfügbare Informationen zu "nomol eine..."
Qualität des Beitrags: Beteiligte Poster: marc - Karin - daniela e Forum: Forum 4mb 2006 Forenbeschreibung: Eifach nur es Forum vonere Ex-Kantiklass us Ffeld aus dem Unterforum: Auslandberichte Antworten: 4 Forum gestartet am: Samstag 10.06.2006 Sprache: deutsch Link zum Originaltopic: nomol eine... Letzte Antwort: vor 17 Jahren, 6 Monaten, 18 Tagen, 3 Stunden, 7 Minuten
Alle Beiträge und Antworten zu "nomol eine..."
Re: nomol eine...
marc - 31.07.2006, 03:35nomol eine...
So ihr diehei oder i de welt duse, i ha ez mol min erschte tag zkanada überlebt und internet han i au scho drum mol paar idrück vo mir.
Zum flug vo züri uf amsterdam, 3h gschlofe, nochbrand und abschiedsschmerz hend mi nöd ufghalte in flüger izstiege, was ich aber noch churzem wieder bereut han. De flug isch de horror gsi.. de nacke 3 mol verstieft und de mage het sich vo ihne noch use drüllet obwohl s’hät garnüt gha zum usechötzle. Landig und start sind denn amel no d’höhepünkt gsi für mi.
Amsterdam, hmm wieso no wieter flüge? So schöni erinnerige a die stadt und nachtspaziergäng sind sowieso schönste dra... trotz allem mol uf de flüger.
Amsterdam – Vancouver, netti italiener nebet dra vo mit mir mitgliedet hend und endli was z’esse. Yami yami wie fein da gsi isch („PLZ no more thai boxes“) jedesmol wenn i 5 minute gschlofe han, hets denn au gad wieder äs schöns erwache geh mit verchrümtem nacke. Sehr langwierigs flüge so, uf die obe gnännte 5 minute schlof sind den 30 minuten hals massiere cho...
Vancouver, bim ireise törf me halbi märli verzelle und de pass sowie alli andere infos zum ufenthalt lohnt sich also nid zum versorge, sogar bim koffer hole wends plötzli nomol alles gseh. Zielstrebig use wölle aber nomol erkläre müese, dass vo mir kei süche gfohr usgot, au wenn de papa öpe meint sini schof sterbed am laufmeter und doch han i den min abholservice gfunde. Araber wo keis wort english chan und bi driver und de entsprechende geste ganz klar zur antwort git, dass er sicher nid fahrt, häts denn döt au gha. Nochdem er und ä anderi scho mol wieter händ chöne, hends mich uf de nögscht van vertröschtet. 2h spöter isch denn aber au dä döt gsi (oder ischs viellicht de glich gsi?). so schö bin i bis döt ane de schwizer usem weg gange und denn... äs kv maidli im gliche charä wo eim probiert mit ihrem herzige dialekt in verlegeheit z’bringe.
Home sweat home, riese hütte, netti lüüt, hünd wo guet abgönd, also vom erschte idruck her voll chillig. Es het au no en spanier do wo 5 minute vo mir id schuel got. Erschti schikane vo wasserhän bis zu sprochliche grenze han i au schomol gmeisteret und noch bald 48h mit 3h rüschigem penne und chline halschrause trächtige pfüserli bin i doch langsam verdammt müed. Filter kaffi hilft au nüt me und es bliebt mer nüt anders übrig als mich vo mim achso gliebte bett, wo i au quär chan drin penne, uf äs zwärge bett, wo so weich isch, dass min hals noch dene 3 mönet sicher bliebendi schäde dävo treit, umzgwöne.
Ihr merked kröperliches wohlbefinde isch mer recht wichtig, wie söll mä au sus mol richtig dure starte?... =) es het do en fernseh de isch sicher 2 meter lang aber wo i probiert han irgendwas druf zluege, bin i vor luter chnöpf und fernbedienige nu zum bild mit de viele ameise, wo dauernd umerenned, cho... also slebe do het scho einigi tücke, wo i mi zersch mol no dra mues gwöhne. D’loretta (mini gastmuetter) het mol gmeint i lern i bi ihre nöd nu english, sonderen wird au selbständig, ihre isch egal was i mach, wenn i hei chum usw, hauptsach s’bad und mis zimmer gsend einigermase us. Also gueti verussetzige wür i mol behaupte...
Grutz marc
Re: nomol eine...
Karin - 08.08.2006, 15:47
hey bari....
han jetz gad din bricht gläsä...hehehe... :lol: tönt echt luschtig,was du do alles scho erläbt häsch...!!!!!!!! und de flug muss jo de horror gsi si für dich....!!! (((= naja...jetz bisch jo acho....! wie lang blibsch eigentlich????
viel spass und gwöhn di as neue läbä....;)
lg karin :n99:
Re: nomol eine...
daniela e - 31.08.2006, 17:30
du bari, säg bisch du scho wieder dehei oder häsch so viel los, oder nai wettsch eifach warte bisd heiflügsch und denn nomol en usfüehrliche bricht über dis körperliche befinde während em rückflug mache....? :D
hmmmm, irgendwie isch din erste bricht din einzige blibe bis jetzt *g* naja velicht findsch ja öppert woder chan en neue bricht schribe wännd sälber (was ich persönlich denke *g*) zfuul bisch :P
ich hoff du häschs uf all fäll guet
Re: nomol eine...
marc - 06.10.2006, 19:48
zrug i de schwiiz am 11. oktober
see you ;)
Mit folgendem Code, können Sie den Beitrag ganz bequem auf ihrer Homepage verlinken
Weitere Beiträge aus dem Forum Forum 4mb 2006
Herzlich Willkommen - gepostet von Sebe am Dienstag 11.07.2006
scho fascht eis johr "post matura" - gepostet von daniela e am Dienstag 19.06.2007
halli halloechen!!! - gepostet von steffili am Dienstag 24.10.2006
Schöchl in Laax - gepostet von bone am Freitag 08.12.2006
happy börsdei karin und yves - gepostet von bone am Mittwoch 20.09.2006
Ähnliche Beiträge wie "nomol eine..."