Ziibung im Muul!!

iphpbb - Forenarchiv: Archivbeitrag des Forums Untitled

Verfügbare Informationen zu "Ziibung im Muul!!"

Qualität des Beitrags:
Beteiligte Poster: Fronti - shabani - c!nG - low
Forenurl: Klick
aus dem Unterforum: Fussball
Antworten: 22
Forum gestartet am: Mittwoch 10.05.2006
Sprache: deutsch
Link zum Originaltopic: Ziibung im Muul!!
Letzte Antwort: vor 2 Jahren, 7 Monaten, 29 Tagen, 6 Stunden, 37 Minuten

Alle Beiträge und Antworten

Fronti - 10.05.2006, 22:17
Ziibung im Muul!!
Wännd dich als Spiller so üsserisch, dänn häsches eifach verdient wännd nächscht Jahr im Tourbillon gnadelos und bis zum Konzentrationsverluscht uspfiffä wirsch (ob jetzt idä SL oder im Cup ischmer eigentlich glich):

http://www.lu-nights.com/fcl/media/upload/UFFTA_ZIB_TCH_YF06.wmv

Wänn das nöd es böses Foul isch... 8)

:arrow: Remember Mladen, hätt sich z fuck-ugly rächt fründä gmacht gha vorem Wächsel... :twisted:

shabani - 10.05.2006, 22:32

Wieso? Wächslet er next Jahr zu Sion? Wänn Ja: Trottel ... Wänn Nei: Geile Siech 8)

Fronti - 10.05.2006, 22:50

shabani hat folgendes geschrieben: Wieso? Wächslet er next Jahr zu Sion? Wänn Ja: Trottel ... Wänn Nei: Geile Siech 8)

Es därf zumindescht starch bezwiifled wärde... :lol:

Wänn doch, dänn därft er gern näbed em Bohrer ufem Ersatzbänkli hocke.. :lol:

shabani - 11.05.2006, 05:57

Jä dänn ischs en geile Siech ... söllr als Luzerner Hopp Sion singe? 8)

Fronti - 11.05.2006, 09:45

Why not?! :P

Ha ja nur gseit dasers wird z gspüüre becho bim nächschte Sion-Spiel. :twisted:

c!nG - 11.05.2006, 12:45

Du das gaht gar nöd, wänns nöd ide gliche Spielklass sind, wiä söll er dänn is Tourbillon?! ;)

Fronti - 11.05.2006, 13:44

c!nG hat folgendes geschrieben: Du das gaht gar nöd, wänns nöd ide gliche Spielklass sind, wiä söll er dänn is Tourbillon?! ;)

Im Igangs-Post hani anegschribe, dases eigentlich kei Rollä spillt ob ide SL oder im Cup(final)... :P

Chunnt definitiv guet, d Frag isch eifach ober dänn no im Goal isch... :cry:

c!nG - 11.05.2006, 14:52

Ow, hani überlese, sorry... Nei simmer ehrlich, wänn nix schief lauft, werdemer Sion au nächscht Saison ide Super League gseh... Schaffhuuse / Yverdon sind beidi z'schlah...

Gruz

Fronti - 11.05.2006, 15:01

c!nG hat folgendes geschrieben: Ow, hani überlese, sorry... Nei simmer ehrlich, wänn nix schief lauft, werdemer Sion au nächscht Saison ide Super League gseh... Schaffhuuse / Yverdon sind beidi z'schlah...

Gruz

Wänn Sion en guetä Tag hätt währed no einigi SL Mannschafte zschlah, aber allerdings channs ebä rächt schnäll gah und d Usgangslag isch im Arsch...

Zerscht muess mal Lugano gschlage wärde, all Tessiner sind immer schwär izschätze. Wänn das nöd glingt dänn gits immerno d Chance das Lausanne nöd gwünnt, und die isch miner Meinig nach rächt gross...

Aber suscht trotzdem lieber Lausanne als Huusä... :roll:

shabani - 11.05.2006, 21:07

Fronti hat folgendes geschrieben: Why not?! :P

Ha ja nur gseit dasers wird z gspüüre becho bim nächschte Sion-Spiel. :twisted:

Sion-Fans verstönd doch eh nur französisch, also wärdeds das doch eh nöd verstande ha. :roll: Support your ....

Fronti - 11.05.2006, 22:24

Verschtasch Merda FCZ?! :wink:
"Scheisse" ischs erschtä Wort im Dütschä Wortschatz vo jedem Weschtschwiizer, bsunders i zweisprachigä Kantön. Nur so zum saaage... :lol:

Betreffend "Support your...": Stell der vor, ganz Züri wär FCZ Fan. :roll:
Wänn all dä Verein Fan sind, wo sis Domizil grad vor dä eigne Huustüürä hät, wo bliibt dänn d Fan-Rivalität im Kanton? (Zum Glück gits Derbys in ZH! 8) )

Zu mir: Ich chönnt nöd verstah, wie mer chönnt Fan sii vomne profillose, langwiilige Verein, wo kei Tradition und kei ussergwöhnlichi Fangmeinschaft het und dä President unstriitbar und füegsam wär. Wie gseit, das chönnti nöd verstah... :D

Fan sii macht meh us als eifach d nächi zum Stadion, es gaht mir um Emotionä (wo zum glück guet und schlächt chönnd si) und es gaht um en Verein wo FC Sion heisst... :wink:

shabani - 12.05.2006, 07:53

Fronti hat folgendes geschrieben: Betreffend "Support your...": Stell der vor, ganz Züri wär FCZ Fan. :roll:
Wänn all dä Verein Fan sind, wo sis Domizil grad vor dä eigne Huustüürä hät, wo bliibt dänn d Fan-Rivalität im Kanton? (Zum Glück gits Derbys in ZH! 8) )

Wär no naheliigend oder nöd? Mer het e Verbindig zu de Stadt bzw. zum Kanton. Schliesslich isch mer da ufgwachse ... Lokal-Patriotismus isch schön. Support your local team heisst ja nöd, dass es nöd zwei Verein i einere Stadt bzw. eim Kanton chan geh.

Fronti hat folgendes geschrieben: Zu mir: Ich chönnt nöd verstah, wie mer chönnt Fan sii vomne profillose, langwiilige Verein, wo kei Tradition und kei ussergwöhnlichi Fangmeinschaft het und dä President unstriitbar und füegsam wär. Wie gseit, das chönnti nöd verstah... :D

Also bisch Sion-Fän, wells en Supi-Dupi coole Verein sind mit Tradition, geile Fans und emene Präsident wo es Spiel lieber am grüene Tisch als sportlich usspillt?

Sorry, aber genau vor däne Lüüt, wo en Verein mit ere sehr chline Fangmeind understützed hani am meischte Respekt. Si schwümmed nöd eifach mit em Strom, sondern gönd Wuche für Wuche is Stadion und understüzed ihre Verein luutstark, obwohls nur 10-20 Lüüt sind.

Fronti hat folgendes geschrieben: Fan sii macht meh us als eifach d nächi zum Stadion, es gaht mir um Emotionä (wo zum glück guet und schlächt chönnd si) und es gaht um en Verein wo FC Sion heisst... :wink:

Danke, dass du mir erklärsch, was en Fan usmacht und was nöd ... 8)

shabani - 12.05.2006, 07:57

Respekt a mich selber ... sensationell haben i das gmacht mit em zitiere ^^

Fronti - 12.05.2006, 08:20

Zitierä channich denn au. Ich erhoff mer drumm au dini Bewunderig... :lol:

shabani hat folgendes geschrieben: Also bisch Sion-Fän, wells en Supi-Dupi coole Verein sind mit Tradition, geile Fans und emene Präsident wo es Spiel lieber am grüene Tisch als sportlich usspillt?)

Hehe, mer chann en satz au no meh vertreiä, dänn chunnt wieder öppis anders usä... :)

Dä Constantin isch sicherlich umstrittä, au im eigne Verein. Obwohl ich au kein Fan bin vo ihm, haben ich trotzdem nüt degägä, das er sich bi gwüssä ungrechtigkeite nöd eifach füegt sondern sich wehrt. Im Reglement hätts sovill graui Zone, dasmer da ändlich mal öppis müesst mache. Nur dä Ralph Zlostszoswoso(...) und sini Lüt gsehnd irgendwie kein Handligsbedarf... :?

Ide Schwiiz gits eifach zvill farblosi Figure, ide SFV- und a dä Klub-Spitzä, das isch eifach so. Drumm bruchts au Lüt wie d Oehri oder dä Constantin, im CH Fuessball Hassfigurä Nr. 1 aber was wär denn ohni sie? Es gäbt en Einheitsbrei!

Das dä Constantin so en schlächte Ruef hät, hät aber au demit ztue das er ide Medie wenig fründä hätt. Drumm chömmed au in regelmässigem Abstand und ohni jeglichi aktualität Biiträg im Sportpanorama, wo nur di eint Siitä sich chann üssere... (mit "expertä" wie L. Ponte)... aber ebe, anders Thema

shabani hat folgendes geschrieben: Sorry, aber genau vor däne Lüüt, wo en Verein mit ere sehr chline Fangmeind understützed hani am meischte Respekt. Si schwümmed nöd eifach mit em Strom, sondern gönd Wuche für Wuche is Stadion und understüzed ihre Verein luutstark, obwohls nur 10-20 Lüüt sind.

Ich au! Ich ha no für vill Fangmeinschafte Respekt, dadezue ghöred grad uf Nationaler Ebeni unbekannteri Clubs wie Winti oder Bade.

shabani hat folgendes geschrieben: Danke, dass du mir erklärsch, was en Fan usmacht und was nöd ... 8)

Keis problem... :lol:
Ha der eifach wellä zeigä dases durchus au anderi beweggründ git, en Klub fan zsii als daser eifach "Lokal" isch...

shabani - 12.05.2006, 08:59

Fronti hat folgendes geschrieben: Zitierä channich denn au. Ich erhoff mer drumm au dini Bewunderig... :lol:

Oho ... ein Kenner und Könner ... das verdient direkt e Uszeichnig under dim Name ;) Jetzt bruchts nur no en Avatare. :D

Fronti hat folgendes geschrieben: Hehe, mer chann en satz au no meh vertreiä, dänn chunnt wieder öppis anders usä... :)

Naja, verdreihe haben i da eigentlich nüt müesse, dini Ussag isch ja under anderem folgendi gsi:

Fronti hat folgendes geschrieben: Ich chönnt nöd verstah, wie mer chönnt Fan sii vomne profillose, langwiilige Verein, wo kei Tradition und kei ussergwöhnlichi Fangmeinschaft het und dä President unstriitbar und füegsam wär.

Wännd nur en Verein suechsch mit Tradition und gueter Fangmeinschaft, dänn hetsch nöd bis uf Frankrich abemüesse go sueche. Die Gummi-Gsetz vom SFV müend verändert werde, wells eifach oft völlig underschiedlich interpretiert wärde chönd. Trotzdem söll sich dä CC meh ufs sportliche konzentriere und nöd überall ä Verschwörig gseh. Wür jedä so handle, chönnt mer dSpill ja grad in Grichtssaal verlege.

Fronti hat folgendes geschrieben: Ide Schwiiz gits eifach zvill farblosi Figure, ide SFV- und a dä Klub-Spitzä, das isch eifach so. Drumm bruchts au Lüt wie d Oehri oder dä Constantin, im CH Fuessball Hassfigurä Nr. 1 aber was wär denn ohni sie? Es gäbt en Einheitsbrei!

Fuessball gspillt wird immer no ufm Platz, da bruch i kei Oeri zum fuck-ugly hasse.

Fronti hat folgendes geschrieben: mit "expertä" wie L. Ponte

Laimondo Ponte? ;)

Fronti hat folgendes geschrieben: Ha der eifach wellä zeigä dases durchus au anderi beweggründ git, en Klub fan zsii als daser eifach "Lokal" isch...

Logisch bruchts e chli meh ... aber das ghört für mich eifach dezue, ich bin i däm Kanton gebore und ufgwachse. Geile Kanton, Geili Stadt ... wieso sött i jetzt plötzlich fään vo Aarau oder fuck-ugly werde ... wonich absolut kein Bezug zu dä Mensche bzw. zum Kanton selber haben?

Fronti - 12.05.2006, 09:17

shabani hat folgendes geschrieben: Wännd nur en Verein suechsch mit Tradition und gueter Fangmeinschaft, dänn hetsch nöd bis uf Frankrich abemüesse go sueche. Die Gummi-Gsetz vom SFV müend verändert werde, wells eifach oft völlig underschiedlich interpretiert wärde chönd. Trotzdem söll sich dä CC meh ufs sportliche konzentriere und nöd überall ä Verschwörig gseh. Wür jedä so handle, chönnt mer dSpill ja grad in Grichtssaal verlege.

Das isch einä vode zwei Gründ, werum er au bi dä eigne Fans sehr umstritte isch! Dä ander... kännsch... 8)

shabani hat folgendes geschrieben: Fuessball gspillt wird immer no ufm Platz, da bruch i kei Oeri zum fuck-ugly hasse.

Ja, Fuessball wird immerno uf em Rase gspillt, gottseidank. Aber Fuessball veränderet sich hald leider, d Verein werdet zu Underähme und es gaht um villll Gäld. Drum werded in Zuekunft immer öfters hald au Juristischi aglägeheitä im Fuessball vorcho. Die Entwicklig hät scho vor Jahre agfange (Bosman) und wird definitiv fortschriitä (Chaleroi)...

Wo's um Geld und Wettbewerb gaht, wirds zwangsläufig au Prozess gäh... :(

Fronti hat folgendes geschrieben: mit "expertä" wie L. Ponte

shabani hat folgendes geschrieben: Laimondo Ponte? ;)

Nei, ich mein dä Luigi Ponte, Schiedsrichterobmann bim SFV...
(Brüeder vom R. Ponte (Raimondo Ponte, heute YF, ex FCZ Trainer, Anm. d. Red.) 8)

shabani - 12.05.2006, 10:22

CC = Unternehmer
Hotz = Fuessball- bzw. FCZ-Fan

Lang lebe Hotz ... CC's bruche mer nöd, mer brüchted meh so Lüüt wie de Hotz. 8)

Fronti - 12.05.2006, 11:42

shabani hat folgendes geschrieben: CC = Unternehmer
Hotz = Fuessball- bzw. FCZ-Fan

Lang lebe Hotz ... CC's bruche mer nöd, mer brüchted meh so Lüüt wie de Hotz. 8)

Isch scho öppis dra, drumm bewundere ich dä Hotz au so. 8)
So Original gits leider hützutags sehr wenig, wünsch em FCZ dasers no wiiter cha mache solangs gaht... :)

shabani - 12.05.2006, 11:46

Fronti hat folgendes geschrieben: shabani hat folgendes geschrieben: CC = Unternehmer
Hotz = Fuessball- bzw. FCZ-Fan

Lang lebe Hotz ... CC's bruche mer nöd, mer brüchted meh so Lüüt wie de Hotz. 8)

Stimmt scho öppis, drumm bewundere ich dä Hotz au so. 8)

Ich will dä Hotz tanze gseh morn ... 8)

Gescht es Interview mit em Hotz:

"Würed si widr tanze, wänn si am Samschtig würkli würed Meischter werde?"

"Wämr würkli würed Meischter wärde, dänn wär i no zu vill meh fähig, als nur es Tänzli."

:lol: :lol:

low - 12.05.2006, 14:16

VIAGRA ;)

shabani - 12.05.2006, 14:18

low hat folgendes geschrieben: VIAGRA ;)

Ich glaube en Meistertitel wär seinzig Potenzmittel wo am Hotz no chönnt helfe.

low - 12.05.2006, 14:24

de würd so prüd abgha :D

er würd gigi plätte mauahaha

Mit folgendem Code, können Sie den Beitrag ganz bequem auf ihrer Homepage verlinken