Untitled

BläckPörl - 02.08.2007, 17:42
Der Stolz des Nubiers (Wilbur Smith)
ok, i dem egge muess definitiv mal wieder chli wind id bude cho und ich muess mit stolz verkünde: de wilbur chan au andersch :D

es isch mal wieder en (ost-)afrika-roman, bzw. en sehr en dschihad belaschtete churz vor abruch vom 19. jahrhundert und sonen erb vode courtneys (leider erfahrt mer nie meh über sin familie stammbaum, was i schad gfunde han, welli gern ghört hett, dasser sonen fesche urururenkel vom tom courtney isch :D) hockt we paar anderi lüütlis ide stadt karthum fescht, wo vom mahdi, wo behauptet er seg de 2. prophet nachem mohammed, belageret wird. es chömed also au i dem roman wieder vieli vieli araber vor und vieli vieli brite und vieli vieli konflikt. dem bliibt de wilbur stets treu.

ja und i dem rahme spieled sich romanzene, leid, truur, gruusigi und brutali szenene etc. ab und es goht immer wiiters und wiiters und ändet imene verzwiiflete fluchtversuech (zweiten grades ;)).

ich bin ja eigentlich nöd so de fan vo romän wo im ziitalter vo dampfschiff spieled, aber ich hans würkli nöd schlächt gfunde. also ja, d ufteilig vode manne ufd fraue hani chli struub gfunde, aber hey, dazmals häd au s alter nöd so en rolle gspielt und second hand isch au nüme verachtet worde ;).

für alli, wo gern mal wännd die negative siite vo religion, kolonie und i dem sinn au afrika wänd ufrolle.